Wp/bqi/مالکوم ایکس

From Wikimedia Incubator
< Wp‎ | bqiWp > bqi > مالکوم ایکس
Jump to navigation Jump to search
مالکوم ایکس
Malcolm X in March 1964
مالکوم ایکس مؽن مارس سال 1964
زاٛمار ڤابیڌن مالکوم کۊچیرٱ
Template:Wp/bqi/birth date
اوماها، نبراسکا، ڤولاتچاٛیٱل یٱکاگیر اْمریکا.
ز دونیا رٱئڌن 1965
نیویورک سیتی، نیویورک، اْمریکا.
دلیل ز دونیا رٱئڌن شلیک گولۊلٱ
Resting place قۉرستوݩ فرنکلایف
نوما دیٱ ٱلهاجی ٱلمالک ٱلشباز
کاٛسم ڤٱزیر، کونشتکار
سامونجا
جومشت
زیناٛیٱل
بتی شٱباز (m. ۱۹۵۸)
بٱچاٛیٱل
دا باٛڤۊ()
فامیل مالکوم شٱباز (کور گٱپ)[1]
اْمزا
Malcolm X Signature.svg

مالکوم ایکس' Template:Wp/bqi/ب اْنگلیسی(زاٛمار ڤابیڌاْ مؽن ۱۹ ماٛی ۱۹۲۵ مؽن نبراسکا - ز دونیا رٱئڌاْ مؽن ۲۱ فڤریاْ ۱۹۶۵ مؽن نیویورک) کونشتکار سیاپۊست و موسٱلموݩ هوقۊق بشر و هامیندار هوقۊق اْفریقایی اْمریکایی یٱل. نوم ٱسلیس مالکوم لیتل اٛ. هو نیا ٱندوم جرغاْ امةالاسلام، ڤابیڌن نوم خوساْ لاهاڌ مالکوم ایکس؛ ۉ مؽن سفر ب مٱکٱ، نوم اْسلامی الحاج مالک الشباز ناْ ری خوس لاهاڌ. هو سی کونشتکاری ری ب ری تٱئبیز لۉنی ۉ چونو زهشت پور دردسری نوم دیار اْ. مالکوم ٱڤٱل زیرناٛخیز ٱفگار آلایجا مومٱڌ، (سیاستکار موسلموݩ اْمریکایی) رٱئبر جٱرغاْ ملٱت اْسلام (امةالاسلام)، کولٱن ری ب ری اْسبیڌپۊستٱل ڤاستاڌ. ٱما نیا رٱئڌن ب مٱکٱ ۉ هاج ۉ آشنا ڤابیڌن ڤا اْسلام راستٱکی ڤیر و باڤٱرس آلشت دا و گوئڌ کاْ تموم ٱنسانٱل ڤا یٱک یٱسونن. مالکوم ایکس اْخاسد غرۊر ز باٛن رٱئڌاْ سیایٱل ڤورگٱناْ ڤورسوݩ و چونو اْتقات داشت کاْ ٱر دۉلت نٱتراْ بٱرابٱری ۉ ٱمنیٱت ناْ سی سیایٱل ڤٱناْ ڤا رٱ خوسوݩ ڤا زۊر چونو کونن. باٛڤۊ مالکوم ایکس ناْ هٱزرات کۊکلۊس کلان کشتن.

زئشت[edit | edit source]

میشیگان، لانسینگ[edit | edit source]

مالکوم مؽن ۱۹۲۵ زارۊیی مؽن شٱئر اوماها کاْ مؽن ڤولاتچاْ نبراسکا ئاْ زاٛمار ڤابی. باٛڤۊس ریورند ارل لیتل، دو متر بولوندی داشت کاْ ز یٱ تی کۊر بی. هو یٱ کشیش هامیندار ڤیر ۉ بٱڤٱرٱل مارکۊس گارڤی بی کاْ اْتقات داشت نجات سیا ڤا ڤورگٱرداْ ب زاٛمارگٱ ٱسلی خوس یاٛنی هومبٱست اْفریقا. هو سامونکار دیڤونگٱ پیشکرد سیائٱل اْمریکا بی. هو ڤا لۊئیز زیناْ دویومس مؽن فیلادلفیا آشنا ڤابی. لۊئیز دا مالکوماْ. رٱنڳ پۊسد لۊئیز رۊشنا بی سی یو کاْ باٛڤۊس اْسبیڌ پۊست بیڌاْ. لۊئیز یٱ زیناْ ڤیجاْ بی کاْ پاراٛیی ز غٱزایٱل نیخٱرد. یاٛتی نیاتر هو ٱندوم جٱرغاْ اْدونیتستٱل ڤابی، هونو دین دٱسدۊر غزایی تۉرات بیڌن ۉ گۊشت خٱرگۊش ۉ ڤوراز ناْ نیخٱردن. نیا زاٛمار ڤابیڌن مالکوم مؽن اوماها، هۊنڤاڌاْ لیتل سی چیا بیتٱر رٱئڌن ب میلڤاکی. چونو مٱندنی تیل نٱبورد و هونو رٱئڌن ب لانسینگ مؽنجقا میشیگان. اْرل لیتل باٛڤۊ مالکوم رٱئڌ ب کلاٛسیا سی کار کردن و شورۊ کرد ب دٱرتیچ کردن ڤیر و باڤٱرٱل مارکۊس گارڤی هو گوران زیرناٛخیز چولکاری جرغاٛیٱل نجات پٱرستی چی کۊکلاکس کلانٱل بی یٱ کرٱت مؽن سال 1929 هٱزرات کۊکلاکس کلانٱل چول کردن ب هونسوݩ و تٱش ناهاڌن ب هونسوݩ

سرچشمٱ[edit | edit source]

  1. Harrison, Isheka N. (July 2010). "Malcolm X's Grandson Working on Memoirs in Miami". South Florida Times. http://www.sfltimes.com/uncategorized/malcolm-xs-grandson-working-on-memoirs-in-miami. Retrieved June 9, 2016.