Wp/bqi/فرعون

From Wikimedia Incubator
< Wp‎ | bqiWp > bqi > فرعون
Jump to navigation Jump to search
Pharaoh of wp/bqi/مسر دیندایی
Double crown.svg
سکنت (تاج)، تاج ڤیجاْ مسر یٱکاگیر، شیڤستاْ ب یٱکی ز دشرت تاج ڤیجاْ مسر ڤادڤوݩ (سور) و هٱچت تاج ڤیجاْمسر ڤارو (اْسبیڌ) .
Pharaoh.svg
یٱ عٱسگی ز یٱ فرعون (جوزر)
Details
جۊر نوم شاهوناْ میٛن مسر دیندایی
ٱڤلی شا نارمر یا منس
آخری شا کلئوپاترا و سزاریون
شورۊ ۳۱۵۰ دیندا ز زارۊ
اْنقراز ۳۰ دیندا ز زارۊ
پاتٱخت پاتٱخت ڤیرگارمٱند مسر
رٱڤٱندیٛار Divine right

کٱلماٛ فرعوݩ لٱقٱڤاٛ هڌٱ کاْ میناْ دٱمون گوڌٱشتاْ سی نوم بوردݩ زاْ پاڌشاهٱل زاڌرۊ مسر قٱڌیم ڤ کار اْراٛ. هٱرچٱند زاْ نزٱر ڤیرگارمٱند فرعوݩ تاٛئنا میناْ پاڌشاهی نۏ مسر، دوبؽشڌٱر مینجقا زاڌرو هژدٱهوم مسر. دینا پاڌشایی هٱتچپسوت ڤا داسوݩ یٱ لٱقاڤ سی پاڌشاهٱل ڤ کار رٱئڌ. فرعوݩ سر دیڤوندار، گٱپ اوردی ۉ فرمونرٱڤا کول مسر ڤیڌاٛ. هو کوئٱک رٱئد هٱم ڤ شومار ایاوؤڌاٛ. کٱلماْ فرعوݩ زاْ ریشاْ قبتی «پرا» ڤ مٱئنی «هوناٛ گٱپ» هڌٱ؛ کاْ ای ڤاقعیٱتناْ کاْ فرعونٱل خؤاٛسوناْ لؽزگٱ زایاراْ دونسناْ ۉ سی خؤاٛسوݩ کاخٱل پاڌشاهی گٱپ داشڌن نشوݩ اْڌاٛ. ڤا هاٛ کاْ ٱسل ای کٱلماْ کاخ پاڌشاهی فرمونرٱڤاناْ دیاری اْکرد. تا سا توتمس سڤوم(۱۴۲۵-۱۴۷۹ نها زمار ڤیڌن مٱسیاْ) میٛن پاڌشاهی نۊ. دؽٱ ڤا داسوݩ نوماْ سی شٱخس فرمونرٱڤا ڤ کار اْرٱئڌ. [1]

نهاتٱرین کٱس کاْ میٛن ڤیرگار مسر قٱڌیم ڤ نوم فرعوݩ سردیاری هڌاْ، نومس گاڌیݩ(کٱژدیݩ) کاْ نوم راسیس دیار نؽ؛ ڤٱلی میٛن شؽڤاتاْ کاْ زس مٱنڌاْ قٱڌ یٱ گورز بٱرڌیاْ، گاڌین ری ڤ ری ریس دیاراْ ۉ ڤ ای دٱلیل هوناْ ڤ ای نوم اْیٱشنن. ز فرعونٱل سٱردیار مسر تٱریم خوفو، خفرع،مٱنکورع،شٱئبانۊ هٱتچپسوت، آمنهوتپ سڤوم، آخناتوݩ، تۊت ٱنخ آموݩ، توتمیس سڤوم، هورمهوب ۉ رامسس دویوم ناْ نوم بورد. ز میٛن گشڌ ای فرعونٱل، خوفو، خفرع ۉ منکورع سی دل بناشڌن ٱهرام سلسلاْ، توتمس سڤوم، امنهوتپ سڤوم ۉ رامسس دوڤوم سی دل هرنڳ فرٱ سی سامونکاری ڤولات ۉ ڤلات گشایی، شٱهبانۊ هٱتچپسوت سی دل الشڌ فرٱ گوستٱرڌاْ ۉ سی هاٛ کاْ (هو نهاتٱرین کٱسیٱ کاْ جا مزار خؤاٛس زهرٱم ڤ اْشکٱفت پاڌشاهٱل آلشت کرد.). آخناتوݩ سی دل مخالفٱت ۉ زدیٱت ڤا گشڌ منشڌٱل فرعونٱل گوڌٱشتاْ ۉ بناشتن شٱئر آخن آتوݩ(اوفوق آتوݩ) سی هٱمی هاٛ، توت ٱنخ آتوݩ سی مورڌن بلاجیمیس میٛن سنڌ هژدٱ سالاٛیی ۉ گٱنج دٱس نخؤٱرداْ مزارس ۉ هورمهوب سی ؤورگٱشڌݩ ڤ اموݩ پرٱستی دینا اخناتوݩ ز فرعونٱل داٛئری بؽشڌٱر سردیار هڌن.

فرعوݩ میٛن قروݩ[edit | edit source]

میٛن قروݩ ز فرمونرٱڤا سا مۊسا میٛن مسر ڤا نوم فرعوݩ ڤیر ڤیڌاٛ. ڤٱلی زاْ فرمونرٱڤا دٱمون عیسوف میٛن مسر ڤا نوم پاڌشا (مٱلک) ڤیر ڤیڌاٛ. یٱکولی ز ڤیرگارشناسٱل اْسلامی باوؤٱر دارن کاْ رامسس دوڤوم فرعوݩ هوم سا مۊسا ڤیڌاٛ. ز ای ڤیرگارشناسٱل اْبۊ ڤ مۊمٱڌ بیۊمی مهران اوستاڌ سردیار دونسمٱنیجا اْسکٱندٱرؽاْ، میٛن مٱقالس دینا سؽل کردن ڤ منشدٱل ۉ دٱلیلٱل میٛن جۊرٱل جۊر ڤا جۊر « رامسس دوڤوم» ناْ یٱکی ز فرعونٱل هوم سا مۊسا دوناْ.

سرچشمٱ[edit | edit source]

  1. "Pharaoh". The British Museum. 1999. http://www.ancientegypt.co.uk/pharaoh/home.html.