Wp/bqi/شاخوشین لورستانی

From Wikimedia Incubator
< Wp‎ | bqiWp > bqi > شاخوشین لورستانی
Jump to navigation Jump to search

موبارٱکشای لورستانی، سٱردیار ڤ شاخوشین لورستانی، مین سٱداْ چاروم مادیار زاٛندؽ ایکرد و هومداڌ باڤاتاهار هٱمدانی (باباطاهر همدانی) بیڌاْ. شاخوشین یکی ز کٱسا سٱردیار آیین یارستان اْ.[1] شا خوشین میٛن یارستانی یٱل ٱڤلین نفر اْ کاْ دۉراْ کامل ز خوس داراْ. موبارکشا لورستانی کر مام جلالاْ و نٱڤاْ اْمانولله لورستانی ئاْ. میٛن کتاو سرٱنجام کاْ کتاو نٱزٱرکرداْ یارستانی یٱل اْ چونو گوهڌاْ ناْ کاْ هو ز یٱ دا باکراْ ٱڤوڌاْ ب دونیا، میٛن هٱمی کتاو گوهڌاْ ناْ کاْ شاخوشین سی آموختارکاری رٱهڌ ب هٱمدان، اوسو ڤانیاس ڤورگٱشت ب زمارگٱس و میٛن سند 32 سالاْیی گوهڌاْ خوڌا میٛن ڤوجۊد زوهۊر کرداْ و چونو باٛیتی ناْ گوهڌ:

از ابر بهاران بر آرم دمه را
از گرگ درنده بستان بره را
دبدبه جهان به نیم جو نخرم
صراف جهان می‌شناسم همه را

شاخوشین میٛن سند 61 سالاْیی میٛن هال و بال شنۉ رٱهڌ میٛن رخوناْ گاماسیاو و ری اْتقات یارستانی یٱل رۊ ز لاشس جوڌا ڤابیڌ و رٱهڌاْ ب یٱ کالبوڌ دیٱر، شاخوشین میٛن یارستانی یٱل ڤا نوم زرداْ سوڤار و هزار سوڤار نوم دیار ڤابیڌاْ زی نومٱلی کاْ داناْ ب شاخوشین اْبۊ بٱفٱمی کاْ ایٛ شاپیا ز شایٱل هزا ٱسبی یا ٱتابٱکان لور کۊچیر بیڌاْ، میٛن ناماْ سرٱنجام چونو ٱڤوڌاْ کاْ باڤاتاهر یکی ز ڤابستاْیٱل شاخوشین بیڌاْ، ڤیٛلی ز یٱشنایی(عرفان) باڤاتاهر تٱری بۊ بٱری کاْ یٱشنایی باڤاتاهر ز یٱشنایی شاخوشین کارگرایی داشتاْ. باٛیتٱلی ز شاخوشین ب گۊرانی ڤا نوم دۉراْ شاخوشین مٱنداْ. نیا شاخوشین سردیاری یٱل زیاتی چی بوهلۊل مائی و باڤا سرهٱنڳ دیاری کردن، ڤیٛلی هیش کوم چی شاخوشین دۉراْ تٱموم ناشت ناْ. شاخوشین یکی ز سردیاری یٱل نیسموݩ و زڤوݩ لوری و لوریاتی میٛن گات نیا اْسلام بیڌاْ.

دیئن باڤاتاهر[edit]

ز ری دۉراْ شاخوشین و دۉراْیٱل دیٱ کاْ میٛن دٱسد یارستانی یٱل اْ شاخوشین، میٛموݩ باڤاتاهر اْبۊ، ز ری گوفت و لوفت موراڌ اورنگ نیر ایزٱڌی ناْ میٛن ری باڤاتاهر اْبیناْ سی همی یو اْیارس میٛن جٱرغاْ یاروݩ ڤیجاْ خوس، میٛن ٱڤٱل نوسقاْ دۉراْ شاخوشین یٱ سرتالی هڌ کاْ منیسدی گاشا میٛن سٱڌاْیٱل دٱڤٱزدٱئوم یا سیزدٱئوم مالکنوݩ مادیٛار نڤشداْ ڤابیڌاْ بۊ میٛن ای سرتال ماجرا میٛموݩ ڤابیڌن شاخوشین تاٛ باڤاتاهر چونو دیاری کرداْ:

شا چٱنی میردان شا خوشین پٱسٱنچٱ ٱلڤٱند کۊ دا شی ۉ آرومن
خلق همدان آمان ڤ پیشڤازسر ۉ مال کردن گیٛشت ڤ پای ٱنداز
شا ڤاتش ڤ خلق خاران زاهرڤٱعدهی مهمانیم ۉ یانٱ تاهر
شا خوشین خوشنام قدم رنجٱ کردتشریف ۉ یانٱ باباتاهر برد
تاهر چٱ هیبت شا آما ڤ درچو سر یانٱ قاپیش کٱت ڤ سر
شا پورسا تاهر اینٱ چیشن چیشفرق پیشانیت پی چی بین ریش
تاهر ڤ آڤاز ڤاتش ڤی ڤینٱآو کس هٱڤاخوات فرق او هوینٱ

نموناْ باٛیتٱل[edit]

باٛیتٱل شاخوشین دٱ تایی ۉ هجایی ین.

پری شام کردن، پری شام کردنای رمٱ زنی پری شام کردن
خواجام دیارن ٱسپشان زردنخواجام خوشینا شفای گرد دردن

سرچشمٱ[edit]

  1. صفی‌زاده بوره‌که‌ای، صدیق، پیران و مشاهیر اهل حق، چاپ نخست، تهران: حروفیه ۱۳۸۷