Wp/bqi/زڤوݩ اْنگلیسی

From Wikimedia Incubator
< Wp‎ | bqiWp > bqi > زڤوݩ اْنگلیسی
Jump to navigation Jump to search

زڤون اْنگلیسی یکی ز زڤونٱل هند ۉ اورۊپایی ز لشک زڤونٱل ژرمٱن ٱفتاونشین. ایݩ زڤوݩ مؽن اْنگلستان ۉ بلٱمگٱ ٱفتاوزٱنوݩ اْسکاتلٱند رۊهساْ. ز زڤونٱل دیٱر ژرمٱنی تٱریم ڤ آلمانی، هولٱندی، دانمارکی، سۊئاْڌی ۉ نورڤژی اْشاراْ کونیم. ٱمرۊزاٛ رۊز ڤ نهنڳ قٱل ڤاجاٛیٱل ۉ دٱستۊر زڤوݩ اْنگلیسی ز زڤونٱل ژرمٱنی ۉ قٱل دیٱرسوݩ بٱئر ڤاجاْ تٱشکیل اْڌاْ. بؽشدٱر ایݩ بٱئر ڤاجاٛیٱل ز زڤونٱل لاتین، فٱرانساٛیی، قٱلاٛ ز یۊنانی ۉ زڤونٱل دیٱ ٱڤوڌناْ مؽن اْنگلیسی.

زڤون اْنگلیسی باستوݩ یٱکولی چی زڤونٱل آلمانی باستوݩ بیڌاْ. سی هاٛ کاْ اْنگلیسی زڤونٱل بؽشدٱر ز ژرمٱنوݩ بیڌناْ کاْ ز آلمان ٱڤوڌناْ ڤ اْنگلیس ۉ تٱریم بۊگۊیم آلمانی دا زڤوݩ اْنگلیسی ئٱ..[1]

سی دل کارگرایی غٱلڤاٛ هرنڳ نزامی، اومۊری، دونسمٱندی، سیاسی ۉ رٱئزیشتی بریتانیا ڌؤور دونیا دینا قٱرن هژدٱهوم ۉ کارگرایی ڤولاتچاٛیٱل یٱکاگر اْمریکا ز قٱرن بیستوم ؤا دینا. ای زڤوݩ مین دونیا تیچاٛستاْ ۉ ڤا داسوݩ زڤوݩ دویوم مؽن یٱکولی ز ڤولاتٱل کاربورد داراْ.

زڤوݩ اْنگلیسی ڤا داسوݩ زڤوݩ دایٱری مؽن ڤولاتٱل آنگلوسفر( اْنگلستان، اْمریکا، کاناڌا، اوسترالیا ۉ نیۊزلٱند) ۉ ایرلٱند، آفریقا بلٱمگٱ، غٱنا ۉ یٱکولی ڤولات دیٱر کاربورد داراْ. ٱمرۊزاْ زڤوݩ اْنگلیسی ز لٱهاز ٱندازاْ گٱپ زٱن دینا زڤونٱل چینی ۉ اْسپانیایی ساٛیومی زڤوݩ دونیا ئاْ. شوماراْ هونونی کاْ زڤوݩ دایٱریسوݩ اْنگلیسی ٱمرۊز بیشدٱر ز ۳۸۰ ملیوݩ نفٱراْ. اْنگلیسی مؽن یٱکولی ز ڤلاتٱل زڤوݩ مؽنجاکاراْ ۉ موهم تٱرین زڤوݩ دونیا مؽن زمیناْ سیاسی. اومۊری. نزامی. سٱنعٱت. رٱئزیشتی ۉ دونسمٱندی مؽن رقاڤٱت مؽن زایاراٛیی هڌاْ. ای زڤوݩ ز زڤونٱل مؽن زایاراٛیی ئاْ کاْ مؽن یٱکولی ز ڤولاتٱل اْننس ؤانوم موهٱسلوݩ

دینداتری[edit]

اْنگلیسی دیندایی[edit]

مؽن سٱڌاْ ششم زارۊیی، ساْ تا ایل «جۊتی یٱل»، «ٱنگل» ۉ «ساکسون» کاْ مؽن «شمال ٱفتۉنشیݩ آلمان»، «دانمارک» ۉ «هلند» ٱمرۊزی ایسجا بیڌن ، یۊرشت ٱڤوردن سی اْنگلیس ۉ اوچوناْ گراٛئڌن، تا پیش زی یۊرشت خٱلک بریتانیا ڤا زڤون سلتی گٱپ اْزاٛئڌن ٱلڤٱت بیتٱر یوناْ کاْ بۊگۊیم بریتانیا رۊم، سی یو کاْ زڤوݩ سلتی سی یو کاْ رۊمی یٱل نزیک 400 سال بریتانیا ناْ گراٛئڌن ڤا زڤوݩ لاتین شیڤستاْ بی ب یٱک. نیا اوسو کاْ جرمنی یٱل بریتانیا ناْ گراٛئڌن، جۊتی یٱل مؽن بلٱمگٱ ٱفتۉزٱنوݩ بریتانیا ایسجا ڤابیڌن و ڤا شیڤستن ڤا زڤونٱل اوچو زڤوݩ کنتی ناْ راسد کردن و ساکسونی یٱل ئٱم کاْ مؽن راستاگٱ ٱفتۉنشیݩ ۉ بلٱمگٱ ٱفتۉنشیݩ بریتانیا ایسجا بیڌن زڤوݩ ساکسونی ناْ راسد کردن. آنگلٱلی کاْ مؽن مؽنجا ۉ شمال اْنگلیس ایسجا ڤابیڌن لزۉ آمبریایی شمالی و مرسیایی ناْ راسد کردن، سینت بیڌ اْگو کاْ ٱنگلٱل دو بیشتر ز هاک ڤولات بریتانیا ناْ گراٛئڌن و سی همی یو ب بیشتر بریتانیا اْگون اْنگلیس و نوم اْنگلیس هومبٱراڤٱراْ ڤا ڤولات ٱنگلٱل و اْنگلیش ڤ زڤوݩ اْنگلیسی دیندایی اْبۊ Englisc. زڤوݩ اْنگلیسی دیندایی

سرچشمٱ[edit]

  1. The World’s Top 20 Languages—And The Words English Has Borrowed From Them