Wp/bqi/تورکیٱ
.svg)
تورکیٱ(ڤ تورکی اْستانبولی Türkiye) یٱکی ز ڤولاتٱل هومسا ایران اْ کاْ هاْ ڤولات ز شٱق شومال ٱفتۉنشین ڤا ایران مٱرز داراْ. پاتٱخت ڤولات تورکیٱ شٱر آنکارا ئاْ. هاْ ڤولات دینڌاتٱر بٱئرجا ٱسلی ڤولات شایی عوثمانی بیڌاْ. تورکیٱ ایساْ ٱندوم یٱکاگری اورۊپا ئاْ. تورکیٱ ز لا ٱفتۉزٱنوݩ ڤا ڤولاتٱل ایران، گورجستان، نٱجٱڤان و ٱرمنستان هوم مٱرزاْ و ز لا هارگٱ ٱفتۉزٱنوݩ ڤا ڤولات عراق و ز لا هارگٱ ٱفتۉنشین ڤا ڤولات سۊریاْ هوم مٱرزاْ هٱمچونو هاْ ڤولات ز رٱ بٱئرجا اورۊپائیس ڤا ڤولاتٱل یۊنان و بولغارستان هوم مٱرزاْ. ڤولات تورکیٱ یٱ ڤولات آسیایی اورۊپایی ئاْ. ڤیشڌٱر هاْ ڤولات میٛن هومبٱست آسیا ئاْ و ز رٱ تٱنگاْ بوسفور و داردانل ڤٱسل اْبۊ ڤ هومبٱست اورۊپا. تورکیٱ ڤیشڌٱر ڤا نوم اْمپراتۊری عوثمانی نوم دیار آڤیڌاْ. هاْ ڤولات میٛن سٱڌاٛاْ نۊزدٱئوم ڤاڤی ڤا کۊمٱراْ ڤولات و ٱڤلین سرکۊمٱراْ هاْ ڤولات موستیٛفا کٱمال پاشا یا آتاتورک ڤی. ڤولات تورکیٱ ۷۸۳٬۵۶۲ کلۊمتر چارسیک جاگٱپی داراْ. هاْ ڤولات ڤیشڌٱر کوساراْ و ڤٱشٱند و بار میٛن هاْ ڤولات فرٱ زیات اْ. هاْ ڤولات جاگٱ غٱلٱڤاْ اْستراتجیکی میٛن دونیا ڤٱ آسیا داراْ سی یو کاْ مسیر ترانزیت جنس و چیٱل دی میٛن دونیا ئاْ. نوفۊس تورکیٱ نزیک ۷۷ ملیوݩ کٱس (نیابینی ۲۰۱۵) اْ، کاْ نزیک ۷۵ تا ۸۵ دٱرسٱڌ خٱلک هاْ ڤولات سونی و ۱۵ تا ۲۵ دٱرسٱڌ ز هاْ خٱلک ٱم عٱلٱڤی هڌن. زوݩ جاڤٱنداٛ ڤولات تورکیٱ، تورکی (اْستامبولی) ئاْ کاْ ز دینڌا کۊمٱراْ ڤولات تورکیٱ هاْ زڤوݩ نٱ ڤا تورهیل عٱرٱڤی (عوثمانی) اْنڤشدنس و ز گات رٱڤٱندیاری کۊمٱراْ ڤولات تورکیٱ ڤا دٱسٱل آتاتورک میٛن سال ۱۳۰۲ مالکٱنوݩ ٱفتۉیی (۱۹۲۳) ڤا تورهیل لاتین اْنڤیسنس.
Contents
ڤولات شناسی[edit]
تورکیٱ یٱ ڤولات اورۊپایی آسیایی ئٱ. اؽ ڤولات ڤا شٱش تا ڤولات هوم مٱرزاْ: ز لا ٱفتۉزٱنوݩ ڤا ڤولات ایران ۴۹۹ کلومتر، کۊمٱراْ ڤولات آزربایجان ۹ کلومتر، ٱرمنستان ۲۶۸ کلۊمتر، و گورجستان ۲۵۲ کلۊمتر؛ ز بلٱمگٱ ٱفتۉزٱنوݩ عراق ۳۵۲ کلۊمتر و سۊریاْ ۸۲۲ کلۊمتر؛ ز لا شومال ٱفتۉنشین یۊنان ۲۰۶ کلۊمتر و بولغارستان ۲۴۰ کلۊمتر. تورکیٱ ز ساْ شٱق رٱ داراْ ب دریا، دریایٱل سیا و مٱرمٱرٱ،
ڤولاتگٱل ڤولات تورکیٱ[edit]
ڤولاتگٱل تورکیٱ هٱفتا بٱئرجا داراْ و کولٱند 81 آسدوݩ داراْ.
زایاراْ ۉ زڤون[edit]
زایاراْ تورکیاْ ڤیشڌٱر ڤ زڤون تورکی اْستانبولی گٱپ اْزٱنن ٱما مؽن هاْ ڤولات زایارٱل ڌٱر هٱم زنڌیی اْکونن ک موهم تٱرینسوݩ کورد؛ زازا ۉ ٱرمٱنی هڌن ۉ ڤ زڤون کوردی ۉ زڤون زازایی ۉ زڤون ٱرمٱنی گٱپ اْزٱنن.زایارٱل کوچؽر تٱر هٱم نٱچی ک لازٱل؛ عربٱل؛ گورجیٱل ۉ چرکسٱل زنڌیی اْکونن.
کوردٱل ڤیشڌٱر هونؽن بلٱمگٱ ٱفتۉزانوݩ ۉ ٱفتۉزانوݩ تورکیاْ. ٱرمٱنیٱل ۉ آذٱربایجانیٱل هونؽن لا شومال ٱفتۉزانوݩ؛ لازٱل هونؽن شومال ۉ عٱرٱڤوݩ هونین بلٱمگٱ.
ڤیرگار تورکیٱ[edit]
دینڌا ڤیرگار[edit]
راساگٱ آناتۊلی مؽن درزا ڤیرگار جاگٱ شٱئرآڤیشتاٛیی بیڌاْ. مؽن گات دیندا ڤیرگار شٱئرآڤیشتاٛیی یٱل لیدیٱ و ایۊنیٱ ایچو هوکۊمٱتی داشدن اْ.
گات ڤیرگارمٱند[edit]
نیا یونو هٱخامٱنشتی یٱل ای راستاگٱ ناْ گراٛئڌن سی خوسوݩ. نیا هونو سولۊکی یٱل ٱڤوڌن ایچو و نیا سولۊکی یٱل رۊمی یٱل ٱڤوڌن میٛن ڤولات تورکیٱ.
عسگدونی[edit]
شٱئر ڤیرگارمٱند اْفسۊس
سردر دۊنسمٱندگٱاْستامبول
کیزکولٱ سی، اٛستامبول
راستاگٱ لئردار دریا سیا
کو آرارات (آغری)، بولوندترین کو تورکیٱ
مٱچڌ سولتوݩ سلیم، آدرناْ
سماع مولٱڤیاْ
سرچشمٱ[edit]
- ↑ Ethnologue: Ethnologue Languages of the World – Turkey, Retrieved 15 October 2017.
- ↑ "The Results of Address Based Population Registration System, 2017". Turkish Statistical Institute. http://www.turkstat.gov.tr/HbGetirHTML.do?id=27587.
- ↑ "Annual growth rate and population density of provinces by years, 2007–2015". Turkish Statistical Institute. http://www.turkstat.gov.tr/PreIstatistikTablo.do?istab_id=1591.
- ↑ 4.0 4.1 4.2 4.3 "Report for Selected Countries and Subjects". IMF World Economic Outlook Database, 2018. April 2018. http://www.imf.org/external/pubs/ft/weo/2018/01/weodata/weorept.aspx?sy=2018&ey=2022&scsm=1&ssd=1&sort=country&ds=.&br=1&pr1.x=44&pr1.y=16&c=186&s=NGDPD%2CNGDPDPC%2CPPPGDP%2CPPPPC%2CPPPSH%2CLUR%2CLP&grp=0&a=.
- ↑ Cite error: Invalid
<ref>tag; no text was provided for refs namedautogenerated1
