Wp/bqi/برگزیت

From Wikimedia Incubator
< Wp‎ | bqiWp > bqi > برگزیت
Jump to navigation Jump to search
UK location in the EU 2016.svg

ب بدٱر ڤاٛیڌٱن ٱنڳلیس ز یٱکاگری اورۊپا ناْ اْگون برگزیت (ب ٱنڳلیسی : Brexit). نیا یٱ هٱماْ پۉرسی مؽن سال ۲۰۱۶، هوکۊمٱت اْنڳلیس گوڌ باْ رۊز ۲۹ مارس ۲۰۱۷ شورۊ اْکناْ ز یٱکاگری اورۊپا بؽاهاْ ب دٱر و دؽر دؽرس تا ۳۱ مارس ۲۰۱۹ بؽشتر نؽ مٱئناْ ب یٱکاگری. ب دٱر ڤاٛیڌٱن ٱنڳلیس ز یٱکاگری اورۊپا یٱ دال سیۉسی بیڌاْ کاْ یٱ جٱرغاْ ز اْنگلیسی یٱل ز سال ۱۹۷۳ گراٛئڌنساْ ڤا دٱست، هٱم سالو کاْ ڤلات ٱنڳلیس رٱئڌ ب یٱکاگری اورۊپا. ب دٱر کردن ز یٱکاگری اورۊپا هٱقؽیٱ کاْ سٱر پاٛیمان یٱکاگری اورۊپا ب هماْ ڤولاتٱل داڌناْ.[1]

سٱرٱنجوم هٱماْ پورسی[edit | edit source]

مؽن هٱماْپورسی کاْ ۲۳ ژۊئٱن ۲۰۱۶ مؽن ٱنڳلیس ٱنجوم گراٛئڌ، بؽشتر ز ۱۷ ملیوݩ کٱس رٱی دان(داڌن) ب نمٱندٱن ٱنڳلیس مؽن یٱکاگری اورۊپا (ز ای سر هٱم ۱۶ ملیوݩ کٱس رٱی داڌن ب مٱندن) و جومشت براٛگزیت خوش سرٱنجوم ڤابی. یٱ قٱئری ز آڌمون دونا اْگون روخ ڤٱنی جۊر بدٱر کردن ٱنڳلیس ز یٱکاگری اورۊپا نٱتیجاْ پا گراٛئڌٱن ڤیرا ڤولاتی جڌیڌاْ. شومارش رٱیا هماْپورسی نشوݩ دا مٱردوم اْسکاتلٱند ۉ ایرلٱند شومالی رٱی داناْ کاْ مؽن یٱکاگری مٱئنن ڤٱلی ٱنڳلیسی یٱل و ڤلزی یٱل ب بدٱر کردن ز یٱکاگری رٱی داڌن. لٱندٱن پایاٛتٱخت ٱنڳلیس بؽشتریݩ رٱیاْ داڌن ب مٱندٱن ب یٱکاگری اورۊپا. ترزا ماٛی میٛن اوکتوبر 2016 زارۊیی گوهڌ: تا آخر ما مارس 2017 زارۊیی، ماداْ 50 عٱهڌنوماْ لیسبون ناْ کونشتکار اْکوناْ و تا آخر ما مارس 2019 بریتانیا ناْ ز یٱکاگری اورۊپا اْکوناْ ب سٱئرا، ز ری ماداْ پٱنجا دۉلتی کاْ خا ز یٱکاگری اورۊپا بکوناْ ب سٱئرا، نیا کونشتکاری ماداْ پٱنجا، دو سال مۉلٱت داراْ کاْ جۊر ب سٱئرا کردن ز یٱکاگری اورۊپا، جۊر قرارداڌ بٱستن ڤا باقی ڤولاتٱل ٱندوم یٱکاگری اورۊپا و چیا دیٱ جۊر دٱسرسی ب بازار هومبٱئر، جۊر آمٱڌ و شوڌ خٱلک ڤولاتٱل دیٱ و هال و بال کٱسونی کاْ میٛن یٱکاگری اورۊپا کار اْکونن یا زهشت دارن دیاری کوناْ. میٛن ای دو سال ڤولاتی کاْ میٛن هال و بال ب دٱر ٱڤوڌن ز یٱکاگری اورۊپا ئاْ ڤا جۊر یکی ز ٱندومٱل یٱکاگری اورۊپا کارٱلس اْنجوم بڌاْ ڤٱلی میٛن 24 جانڤیاْ 2017 زارۊیی دیڤوݩ ڤاروتٱر بریتانیا یٱ رٱی جمجالی دا و چونو گوهڌ کاْ ترزا ماٛی نوخوس ڤٱزیر بریتانیا ڤا سی کونشتکاری ماداْ 50 عٱهڌنوماْ لیسبون ڤا رٱی ماٛیلس عٱڤام بریتانیا ناْ بیاراْ، نیا چونو کاری دۉلت ترزا ماٛی میٛن 26 جانڤیاْ 2017 زارۊیی لایئاٛ ب دٱر کردن ز یٱکاگری اورۊپا ناْ دا ب ماٛیلس عٱڤام بریتانیا، اوسو نمایٱنداْیٱل ماٛیلس عٱڤام بریتانیا میٛن 8 فڤریاْ سال 2017 زارۊیی ڤا 494 رٱی موڤافق و 122 رٱی ری ب ریس لایئاٛ کونشتکاری ماداْ 50 عٱهڌنوماْ لیسبون ناْ ڤٱندن ڤا رٱ

نتیجاْ اومۊری اْشتمایی[edit | edit source]

برگزیت سی اورۊپا و بریتانیا نتیجاْ اومۊری و اْشتمایی زیاتی داراْ، برگزیت تٱراْ ری بازارٱل تلا و ٱرز، فلزات ٱرزایشت دار، بۊرس جنس و چیا ٱرزایشت دار و چیا دیٱر کارگرایی داشتاْ بۊ، برگزیت کارگرایی کۊتال مودٱت، میٛنجقا مودٱت و بولوند مودٱت ری بریتانیا و اورۊپا و کول دونیا داراْ.

سرچشمٱ[edit | edit source]

  1. "Brexit: Theresa May's deal is voted down in historic Commons defeat". BBC. https://www.bbc.com/news/uk-politics-46885828. Retrieved 16 January 2019.