Wp/bqi/بالندٱ

From Wikimedia Incubator
< Wp‎ | bqiWp > bqi > بالندٱ
Jump to navigation Jump to search

بالندٱ
Phalacrocorax-auritus-007.jpg
مورغ اۉی اْمرکایی
Scientific classification
Kingdom: گیونداروݩ
Phylum: مازاْداروݩ
Subphylum: کولکداروݩ
Class: بالندٱ
بالنداْ بافنداْ دین زٱرد مالس اْ ڤا پیڤارا هوشگ اْڤوراراْ

باهندٱ یا بالندٱ[1] یٱ جۊر ز جۊنداروݩ موراْ دارن کاْ لاشسوݩ کولک داراْ و خین گرمن؛ بال دارن و خاگ اْلاْن. بیشدٱر بالاْندیٱل تٱرن بال بگرن. بالاْنداْیل دونیا بیشدٱر ز دٱ هزار جۊرن کاْ میٛن هٱماْ جا دونیا ز قوتب آ گرهڌاْ تا گٱرمترین جایٱل دونیا پیشکسدن اْ. بالنداْیٱل دٱ هزار جۊر دارن، بالنداْیٱل لاشسوݩ میٛن ڤیرگار آفرینشت چونو پیشکرد داشداْ کاْ دوبیشترسوݩ تٱرن بال بگرن، ٱلڤٱت یٱ قٱری زسوݩ نٱترن غٱلٱڤاْ بال بگرن چی مورغ و خورۊس چیا دیٱری، بالنداْیٱل غٱلٱڤاْ لشگ دارن، نزیک ب 10000 جۊر بالنداْ میٛن دونیا هڌ، بالنداْیٱل میٛن کول لاشسوݩ کیسن هٱڤا دارن، ای کیسنا جۊر بالوݩ هٱڤا کار اْکونن، تموم بالنداْیٱل خا(توخم) اْکونن، اوسو دو بیشدٱرسوݩ سی خایٱلسوݩ لوناْ راسد اْکونن، بالنداْیٱل ڤا ری خا خوسوݩ بخوفتن ایساْ یا دا جیجاْ ڤا بخوفتاْ یا بڤۊس، اوسو نیا یو کاْ جیجاْ زمار اْبۊ یٱ پاراْیی ز جیجاْیٱل لوهڌ ماڌٱرزاڌن چی جیجاْ میلیچ یٱ پاراْیی سونٱم چی جیجاْ اوردٱک و مورغ کولک دارن و تٱرن ریٛن ڤا رٱ. غٱزا بالنداْیٱل جۊر ڤا جۊراْ و ایما تٱریم ز ری میٛنجیکسوݩ هالینموݩ ڤابۊ کاْ چ اْخورن، هیشکوم ز بالنداْیٱل دندوݩ نارن و غٱزا میٛن سٱنڳدونسوݩ تٱک تلۊ اْکونن. بالنداْیٱل سی آئوم غٱلٱڤاْ سۊڌ دارن، هونو جونڤٱروݩ موزر چی موشگ، هٱشراْیٱل و چیا گٱند دیٱرن خورن، بالنداْیل یٱ پاراْیی زسوݩ دٱسدی و میٛن هوناْیین چی بولبول و تۊتی و پاراْیی دیٱ چی دال اْبٱرن سی شکال، یٱ پاراْیی دیٱ ز بالنداْیٱل چی کٱمۊتٱر ز قدیم اْنهاڌسوݩ سی ناماْ رٱسونی، ٱلڤٱت کۊت بالنداْیٱل ناْ سی کشاڤٱرزی ڤٱنن ڤا کار. ز قٱرن 17 زارۊیی تا ب ایساْ نزیک 120 تا 130 جۊر ز بالنداْیل ز ری زمین بیٛلا ڤابیڌاْ ناْ، هیٛنی نزیک ب 1200 جۊر ز بالنداْیٱل میٛن سٱهم ز باٛین رٱهڌنن. بالنداْیٱل جۊر ڤا جۊرترین جۊر موهراْدارٱلن و ز قوتب شومال تا قوتب بلمٱگٱ بالنداْیٱل هڌسوݩ، کۊچیرتریݩ بالنداْ میٛن دونیا مورغ مٱیٱس خار اْ کاْ ٱندازس 5 سانت بیشتر نی و گٱپترین بالنداْ شوتور مورغ اْ ڤا نزیک ساْ متر بولوندی. ڤیرگار و دینداتری بالنداْیٱل اْرٱساْ ب نزیک 160 ملیوݩ سال دیندا، قٱلب بالنداْیٱل چارتا سیلا داراْ و آئورتسوݩ میٛن لا راست لاشسوݩ اْ. بالنداْیٱل چونو دیارن، مۉجوڌاتی کاْ بال و پٱر دارن، میٛنجیک دارن و خا ڤا پۊسد چی بٱرد اْنن، هٱستٱل لاشسوݩ غٱلٱڤاْ سٱخت اْ و دوتال بال دارن.

ساٛیل یٱم بوکونین[edit]

میلیچ مالی

سرچشمٱ[edit]

  1. لغتنامه دهخدا، سرواژه مرغ