Wp/bqi/باریک اۉ فارس

From Wikimedia Incubator
< Wp‎ | bqiWp > bqi > باریک اۉ فارس
Jump to navigation Jump to search
خٱلیچ فارس
PersianGulf vue satellite du golfe persique.jpg
باریک اۉ فارس ز بال آسموݩ
جاگٱ آسیا ٱفتۉنشین
جۊر باریک اۉ، خٱلیچ
جریان ٱسلی خٱلیچ عومان
راستاگٱ اۉریز ڤولاتٱل ایران, عراق, کوڤاٛیت, عرۉستان سوعوڌی, قٱتٱر, بٱهراٛین, اْمارات یٱکاگرهڌاْ عرۉی و عومان (چی میٛناواْ مٱسٱندام)
بشترین تیل 989 km (615 mi)
راستاگٱ ریتراز 251,000 km2 (97,000 sq mi)
میانگین پاٛیا 50 m (160 ft)
بیشتروناْ پاٛیا 90 m (300 ft)

باریک اۉ یا خٱلیچ فارس نۊم ٱۉرٱهی موهم میٛن آسیا ٱفتۉنشین ۉ میٛنجقا ٱفتۉزٱنوݩ هڌاْ کاْ ز ڤٱر گراٛئڌاْ دٱریا عومان ۉ مؽنجقا ایرۊݩ و عٱرۉستۊݩ اْ. جاگٱپی خٱلیچ فارس 237473 کؽلۊمتر اْ ۉ دیندا خٱلیچ مکزیک ۉ خٱلیچ هادسن، گٱپتٱرین خٱلیچ دونیا هساو اْبۊ. رخوناْ کاروݩ و ٱرڤٱند رۊڌ ٱریسن ب خٱلیچ فارس، و تٱنڳ هورموز میٛنجقا خٱلیچ فارس و دریا عومان اْ.

خٱلیچ فارس مؽنجا ڤولاتٱل ایرۊݩ، عومان، عراق، عٱرۉستۊݩ، کۉاٛؽت، اْمارات ۉ بٱهراٛین هڌاْ. سی دل غٱلاٛڤٱ بیڌن نٱفت ۉ گاز مؽن خٱلیچ ۉ سٱڤاهلس، ای ٱۉرٱه مناْ سٱته مؽن زایاری، یٱ ڤارگٱ موهاٛم ۉ رٱئبوردی هساڤ اْبۊ. یٱکی زاْ کارا دۉلٱت ایرۊݩ سی زٱفت میراس مٱعنٱڤی خٱلیچ فارس، ڤاْ رٱسمیٱت ٱشنٱهڌن رۊز خٱلیچ فارس مناْ تٱقڤیم هڌاْ. خٱلیچ فارس میٛن ۲۴ تا ۳۰ گیرینج و ۳۰ داٛیقاْ پٱئنا شمالی و ۴۸ تا ۵۶ گیرینج و ۲۵ داٛیقاْ تیل ٱفتۉنشین ز نسموناهار گیرینڤیچ اْ.[1]

ریشاْ نوم[edit | edit source]

چونو کاْ ز نوم خٱلیچ فارس اْیاهاْ میٛن لوری(لوری دومنی) باْ خلیج اْگون خلیچ و ڤاجاْ خلیج ز ڤاجاْ خٱلیچ لوری گراٛئڌاْ ڤابیڌاْ و ریشاْ ایٛ ڤاجاْ لوری یاْ ٱلڤٱت یٱ سری اْگون ریشاْ ڤاجاْ خٱلیچ چی دیٱراْ. هر چی بۊ ریشاْ نوم خٱلیچ فارس لوری اْ.

میٛناۉیٱل خٱلیچ فارس[edit | edit source]

میٛن خٱلیچ فارس میٛناویٱل زیاتی هڌ، پاراٛیی زی میٛناویٱل غٱلٱڤاْ ڤٱرتیگرن و پاراٛیی زسوݩ ٱئمیٱت نارن، دوبیشدر میٛناویٱل خٱلیچ فارس ز ایرانن، میٛناویٱل ڤٱرتیگر خٱلیچ فارس یونونن: یونو میٛن آستوݩ هورموزگانن: ٱبۊمۊسا، تونب گٱپ، تونب کۊچیر، کیش، قشم، میٛناۉاْ هوندۊرابی، میٛناۉاْ شیدڤٱر، فارور گٱپ، سیری، هورموز، هنگام یونو میٛن آستوݩ بۊشئرن: خارک، خارکۊ، عباسٱک، میر موهٱنا، میٛناواْ فارسی، میٛناواْ نٱخیلۊ، تٱهماڌوݩ، میٛناواْ اومولکورم، میٛناواْ شاٛیخ کٱراماْ، موتاف، شیف، مرغی، چراغی، اوم سیلاْ، ساْ دندوݩ، مۊلیات یونو میٛن آستوݩ خۊجستانن: میٛناواْ مینۊ، خۊرمۊسا، دارا، قۉر ناخوڌا[2]

آلۊڌیی اۉ[edit | edit source]

یٱکی ز چالاٛشا موهاٛم مناْ قٱرنا گوزٱشتٱ، پٱرچٱل ڤابیڌن ای ٱۉ بیڌاْ. ز اوچو کاْ ۶۰ دٱرسٱد زاْ نٱفت دونیا مناْ ای ٱۉ هڌاْ، ڤاکاٛل ڤابیڌن سکۊیٱل نٱفتی ۉ پالایاٛشگایٱل ڤاْ دۉر خٱلیچ فارس ۉ رؽسستن نٱفت ۉ مٱڤاد شؽمیایی مناْ ٱۉ یٱکی زاْ دٱلایاٛلی بیڌناْ کاْ ٱۉناْ پٱرچٱل کردناْ. ایٛ خٱلیچ سی یو کاْ کشتی یٱل پٱسمٱندسوݩ اْ اوچو هالی کونن غٱلٱڤاْ آلیڌاْ. ٱلڤٱت ڤا پیشکرد تکنولوجی آلیڌاْیی خٱلیچ فارس رۊز ب رۊز غٱلٱڤاْ تر اْبۊ. اوس کاْ چینی یٱل ٱڤوڌن میٛن باریک اۉ فارس آلیڌاْییس دوبیشتر ڤابیڌاْ.

سرچشمٱ[edit | edit source]

  1. https://www.sciencedirect.com/science/article/pii/0012821X96000696
  2. http://hamshahrionline.ir/news-39597.aspx