Wp/bqi/اْلیمایی یٱل

From Wikimedia Incubator
< Wp‎ | bqiWp > bqi > اْلیمایی یٱل
Jump to navigation Jump to search
اْلیمایی یٱل
پاتٱختسۊسا(شۊش)
دۉلت شایی

اْلیماییٱل یکی ز سلسلاْیٱل پاڌشایی خودسلادار میٛن راستاگٱ لورنشین بیڌاْ ناْ. اْلیمایی نۊم یٱکی زاْ هوکۊمٱتا مالی اؽرو میٛن گات ٱشکانی بیڌاْ کاْ میٛن آستوݩ خۊزستوݩ ڤاکاٛل ڤابی. ایٛ پاڌشایی بیشدٱر یاْ پاڌشایی خودسلادار راستاگاْیی بیڌاْ. اْلیماییٱل میٛنجقا سداْیٱل 2 دیندا زارۊ تا 3 زارۊیی میٛن راستاگٱ خۊجستان، فارس، بۊشئر و لورستان هوکۊمٱتی داشدناْ. ساموئاٛل بشارت مناْ چٱن قٱرن نهاتٱر گوڌاْ بی کاْ اْلیمایی ۉ ایلام مناْ کتاو نٱزٱرکرداْ یکی هڌن. دیندا تیفستن هوکۊمٱت هٱخامٱنشی ۉ آلشڌ ڤابیڌن ساختار هوکۊمٱتی دیندا موردن جانشینٱل اْسکٱندٱر باعس ڤابی کاْ دۉلتا خودسلادار ۉ نیٛسمٱ خودسلادار ڤاکاٛل ڤابوݩ. اْلیمایی یٱکی زا اْی هوکۊمٱتا مالی بیڌاْ کاْ میٛن گات ٱشکانی راست ڤابی ۉ شٱ نشینیس میٛن مالمیر بی. اْلیماییٱل کاْ ڤولاتسوݩ بیشتٱر میٛن کوها خۊزستوݩ بیڌا ز قٱرن دوڤوم نهاتٱر زارۊیی ڤٱ داسوݩ یٱ قوریٱت گٱپ سیاسی نوم دیار ڤابیڌ. اْلیمایی یٱل میٛن گاتی کاْ هٱخامٱنشتیٱل ز باٛین رٱهڌن و اْسگٱندر ٱڤوڌ ب ایران قوریٱت گرهڌن، میٛن گات سولۊکی یٱل چونو قوریٱت گرهڌن کاْ ری ب ری سولۊکی یٱل ڤاستاڌن، سی یو کو هونو ری ب ری ٱشگانیٱل و سولۊکی یٱل ڤاستاڌاْ بیڌن غٱلٱڤاْ زٱهلاْدار و مٱتٱرس ڤابیڌاْ بیڌن، جاگٱ ڤولات شناسی اْلیمایی یٱل و سی یو کاْ میٛن رٱ اومۊری و تجاری ٱفتۉنشین ۉ ٱفتۉزنوݩ بیڌن سی روشت اومۊریسوݩ غٱلٱڤاْ کارگرایی داشد جۊری کاْ دۉلتسوݩ غٱلاْڤاْ روشت کرد و یوناْ دینداتر شناسوݩ ڤا ڤارسی سکاْیٱل و آرنگٱل ب جا مٱنداْ ز ایٛ گات گوهڌناْ، پٱتٱخت اْلیمایٱل ایزاْ بیڌاْ و ڤولاتسوݩ دو بٱئرجا کوسار و هوڤاری داشتاْ کاْ میٛن گات جٱنڳ بیشتر اْرٱهڌناْ ب بٱئرجا کوسار ڤولات اْلیمایی، اْلیمایی یٱل تا سٱڌاْ سیٛوم زارۊیی قوریٱت داشت ناْ و ز اوسو ڤانیا ز ڤیرگار بیٛلا ڤابیڌاْ ناْ.

سکاْیٱل اْلیمایی[edit]

بیشتر سکاْیٱل اْلیمایی مرسی بیڌاْ ناْ، کاْ نشق مٱساْڤی اْلیمایی داشت ناْ و ٱلڤٱت یٱ قٱری کمتر سکاْیٱل مٱفرٱغی و نورقاْ و غٱلٱڤاْ کمتر ز یونو سکاْ تیٛلا داشتناْ. سکاْیٱل اْلیمایی ز ری سکاْیٱل یۊنانی راسد اْڤابیڌن و یٱکاسوݩ درام و تترادراخما بیڌاْ.[1] ڤٱلی شیڤات شا ری سکاْ چی شایٱل ٱشگانی بیڌاْ.

شایٱل اْلیمایی[edit]

یونو شایٱل اْلیمایی بیڌاْ ناْ.

  1. کامناسکیرس یٱکوم(147تا 145 دیندا زارۊیی)
  2. کامناسکیرس دویوم(145 تا 139 دیندا زارۊیی)
  3. اوکونٱپسس(139تا 138 دیندا زارۊیی)
  4. تیگرایوس(138 تا 133 دیندا زارۊیی)
  5. داریۊس(تا سال 129 دیندا زارۊیی)
  6. کامناسکیرس سئیوم(58 دیندا زارۊیی)
  7. کامناسکیرس چاروم ڤا مٱلٱکس آنزازاْ(85تا 75 دیندا زارۊیی)
  8. کامناسکیرس پنجم(73 تا 46 دیندا زارۊیی)
  9. کامناسکیرس شیشم(46 تا 28 دیندا زارۊیی)
  10. کامناسکیرس هفتم(28 دیندا زارۊیی تا 1 زارۊیی)
  11. کامناسکیرس هشتم(1 تا 15 زارۊیی)
  12. کامناسکیرس دٱئوم (15 تا 25 زارۊیی)
  13. اورودوس ٱڤٱل(25 تا 50 زارۊیی)
  14. اورودوس دویوم(50 تا 70 زارۊیی)
  15. فراتس(70 تا 90 زارۊیی)
  16. اورودوس ساٛیوم(90 تا 100 زارۊیی)
  17. کامناسکیرس اورودوس(100 تا 120 زارۊیی)
  18. آریۊبرزن(تا 125 زارۊیی)
  19. خوسرۉ ٱشگانی(125 تا 130 زارۊیی)
  20. شا نادیار( 130 تا 140 زارۊیی)
  21. اورودوس پنجم(140تا 160 زارۊیی)
  22. آبارباسی(160 تا 170 زارۊیی)

سرچشمٱ[edit]

  1. Coins of Elymais