Wp/bqi/آباڌان

From Wikimedia Incubator
< Wp‎ | bqiWp > bqi > آباڌان
Jump to navigation Jump to search
Ābādān
آباڌان
شٱئر
Abadan Catalitic facilities.jpg
ڤولات  Iran
آسدوݩ خۊجستان
شٱئرسدان آباڌان
بٱئرجا میٛنجقایی
نوفۊس(۲۰۰۶)
 • نوفۊس کول ۲۱۷٬۹۸۸
 • تٱپستاْیی نوفۊس
راستاگٱ گاتی IRST (یۊ تی سی +۰۳:۳۰)
 • تۉستون(DST) IRDT (یۊ تی‌ سی +۰۴:۳۰)

آباڌان یٱکؽ ز شٱئرٱل گٱپ آسدوݩ خۊجستاناْ کاْ بال راْخۊناٛ ٱرڤٱنداْ و ای شٱئر یٱ شٱئر بٱندریاْ ، ای شٱئر دیندا شٱئراْ ٱڤاز دویومی شٱئر گٱپ آسدوݩ خۊجستاناْ. یٱکؽ ز گٱپترین پالاشتگایٱل نٱفتی دونیا (پالاشتگا نفتی آباڌان) میٛن ای شٱئراْ. نفت خۊجستان ڤا لیلاٛیٱل ایچو و جایٱل دیٱ پالایشت ڤابیڌن اْفرشننس سی کول دونیا. نزیکترین شٱئر ب آباڌان، شٱئر خورٱمشٱئر اْ کاْ ۱۵ کلۊمتر زس دیراْ. آباڌان تا سال ۱۳۵۵ ٱفتۉی ز دیجا نوفۊس ٱڤلین شٱئر آسدوݩ خۊجستان بیڌاْ ڤٱلی سی جنگ جاساْ دا ب شٱئر ٱڤاز.

جاگٱ ڤولاتشناسی[edit]

ای شٱئر میٛن تیل ۴۸ گیرینج ڤولاتشناسی و ۱۷ داٛیقٱ و پٱئنا ڤولاتشناسی ۳۰ گیرینج و ۲۰ داٛیقاْ د دیجا ڤولات شناسی و ۳ متر ز ریتراز دریا ڤاروتراْ و ۲۷۹۶ کلۊمتر چارسیک جاگٱپی داراْ . آباڌان ز ڤارو اْرٱساْ ب شٱئر شاڌگان، و ز لا ٱفتۉزٱنون و بلٱمگٱ اٛرساْ ب باریک اۉ فارس و ز لا ٱفتۉنشین و بلٱمگٱ ٱفتۉنشین اْرساْ ب ڤولات عراق.

اۉ هٱڤا[edit]

اۉ هٱڤا شٱئر آباڌان غٱلٱڤاْ شٱرجی و گرماْ و بیشتر سال خٱلک ایچڤو میٛن گرما زهشت اْکونن.

نوم نشوݩ[edit]

چونو اْبۊ ز ڤاجاْ آباڌان هالینت ڤابۊ کاْ ز ڤاجاْ اۉ گرهڌاْ ڤابیڌاْ و یٱنی جاگٱ ڤاڌاشتن اۉ و بٱتلمیۊس بٱڤاْ ڤولات شناسی یۊنان ب جا آباڌان اْگوڌاْ «آرپفانا» و «آپفادانا» . ڤاجاْ «عبادان» نٱم کاْ میٛن گات ایسنی ڤورس اْگون یٱ ڤاجاْ عرۉی کاْ ز هٱمو ریشاْ گرهڌاْ ڤابیڌاْ.[1]

ڤیرگارچٱ[edit]

ز ری نڤشداْیٱل ڤیرگار دونسمندٱل و ڤولاتشناسٱل ، آباڌان یٱ آزگاری ز دیجا کٱشتی رۊنی و رٱهڌن و ٱڤوڌن اٛتڤار داشتاْ. اْبن بٱتۊتٱ چونو گوهڌاْ کاْ ای شٱئر میٛن زمین شۊرٱزار بیڌاْ و ڤٱشٱند و بار میٛنس غٱلٱڤاْ کم بیڌاْ . نوم دیاری آباڌان میٛن سٱڌاْ ٱڤٱل مالکنوݩ مادیار، بیشتر مال کارڤۊنسرا، خانقایٱل، و مٱچڌا و هیٛنی سی مزارگٱیٱل نوم دیاری چی خاٛز و اْلیاس بیڌاْ. ای مزارگٱیٱل هیٛنی هڌسۊ و سی یٱم بیڌاْ کاْ آباڌان سی یٱ گات درازی نومس جزیرةالخضر نوم دیار بیڌاْ.

خٱلک[edit]

نوفۊس شٱئر آباڌان ری نوفۊس اْشماری ۱۳۸۵ ٱفتۉی هومبراڤر بیڌاْ ڤا ۲۱۷٬۹۸۸ کٱس و میٛن هر کیٛلومتر ۱۷۱ کٱس هڌن. بیشتر خٱلک آباڌان عرٱڤن.

اومۊری[edit]

اومۊری آباڌان ری پالاشتکاری نٱفت و دئرٱڤوردناْ نٱفت اْگٱرداْ. ای شٱئر یٱ شٱئر نٱفت خیزاْ. پالاشتگا ای شٱئر میٛن سال 1291 ٱفتۉیی راسد ڤابیڌاْ کاْ سی پالاشتکاری نٱفت شٱئر مٱچڌسولیموݩ راسد ڤابیڌاْ. میٛن گات زایاراْیی ڤابیڌن نٱفت ای پالاشتگا 600 هزار بوشگاْ نٱفت پالاشت اْکرداْ ڤٱلی میٛن جٱنڳ ایران و عراق پالاشتکاری ای پالاشتگا رٱسست ب 400 هزار بوشگٱ. ای شٱئر یٱ دوناْ پتروشیمی یٱم داراْ و میٛن سال 1383 ٱفتۉی ای شٱئر ڤابی راستاگٱ آزاڌ اومۊری و خیلی ز خٱلک آباڌان کیٛسمسوݩ مائی گریاْ.

سرچشمٱ[edit]

  1. پورتال دانشگاه پیام نور استان خوزستان