Wp/bom/Badu Dagwi kuru

Ten Commandments

religious text, code of conduct, decad

Subclass of	613 commandments
Part of	law of Moses, Exodus 20, Deuteronomy 5
Form of creative work	narration
Published in	Exodus 20, Deuteronomy 5
Depicted by	Tablets of Stone

Badu kuru ba sé Badu Dagwi de Darwey Dagwi a kana nɔng Ney Yisrael yi na vo Zarap mɛ Moses. Badu vemo ba se gbɔng tis negwɔn beYahudi tanga Bemat Raa Yesu yaga basa na re fongol na nesa de bemat ba vɔk na Dagwi tanga bemasi. Badu vemo ba nɔng vɛ e Raku Sinai, e bama de Dagwi a pat Ney Yisrael yi e nesam e Vwel Mizra. Be tɔk sɛ Badu kuru mo e Bwok Basa Nusu 20:1-17:

1. Hwo vɔk bedagwi behak detu na me wɛt.
2. Hwo yong a to mo pyɛ cak ye sekwit kɛ rezinâ pyɛ́ cak de ya sé e lagwi, kɛ e jey, kɛ e ji gworep e nɛ̂n vwel wɛt.
3. Hwo ra fwom na rezâ Dagwi Darwey, Dagwi mō, e gwong vwes wɛt, yaga a rɔda hàla a mwat de a ra fwom vwes na reza mɛ wɛt.
4. Gyeng Tuk Shábat, yaga ha sé tuk de Dagwi a tik hɛ zɛɛt.
5. Nɔ̂ng da mō na neng mō nerey. Ano nepɔlɔ mō nê gwɛ̌ hɛn e sevwel de Dagwi Darwey, Dagwi mō, a sé nɔng o.
6. Hwo mɔrɔ mwat wɛt.
7. Hwo ra nejwang wɛt.
8. Hwo shigi wɛt.
9. Hwo nɔng nuha bɔs e ra mwat hwak wɛt.
10. Hwo mara-yis e ra pyɛ̂ lɔ mwat hwak wɛt. Hwo mara-yis e ra hwā mwat hwak wɛt, kɛ sam mɛ, rwas o kɛ hwā mo, kɛ rɔndɔng mɛ, kɛ madung mɛ, kɛ kayɛ pyɛ de ya sé myɛ.