Wp/bom/António Guterres

António Manuel de Oliveira Guterres a sé Gbong-Sekatare wo shantat wo Wuna to Bavwel Jey mwa. A sé mwât to-cuna na mwat fwom de ba kasa yaga fwom vwel-na-vwel wo vwel Portugal de ba tɔ ɛ tuk 30/4/1949. A sé gwining e ji bemât lang To-cuna he Socialist. A kana sè Prime Minister wo vwel Portugal ye shey 1995 vɔk e shey 2002.

Guterres de bá tɔ ɛ e pomô Lisbon, a masa fiziks na fwom elektrikal enjiniya e Gbong Lɔ-setɔk hê Lisbon de be tang hɛ a Instituto Superior Técnico. E bama mo a basa ney systems theory tanga telecommunication, ko a to yel e ji to-cuna mwa de no de a sě nɔngɔs sɛlɛ e bak bebot bemât vê Katolika.

Guterres à ra fwom Mwat-Nuyel wo Socialist International e yi shey 1999 vɔg e shey 2005. À sè Gbong Kɔmishoner wo Bemat-jama Kwɔ̂n-dal e dem fwom Wuna tô Bavwel Jey e yi shey 2005 vɔk e shêy 2015. Á ra fwom gwane mo naka ko ba kasa hɛ Gbong-Sekatare e pwel Oktoba shey he 2016 e bama de Ban Ki-moon a tik fwom.