Wp/blk/ဝေင်ꩻနယ်ႏပင်လောင်ꩻ

From Wikimedia Incubator
< Wp‎ | blk
Wp > blk > ဝေင်ꩻနယ်ႏပင်လောင်ꩻ
ဝေင်ꩻနယ်ႏပင်လောင်ꩻ
Flag of the Pa-O National Organisation.svgပင်လောင်ꩻလွယ်လုံ(စန္တာႏခမ်း)
ဝေင်ꩻနယ်ႏ
ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသအကို အဝ်ႏဒါႏခင်ႏလမ်း (အချို)
ပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသအကို အဝ်ႏဒါႏခင်ႏလမ်း (အချို)
တောင်ႏကီꩻခရဲင်ႏအကို အဝ်ႏဒါႏခင်ႏလမ်း (တနျာႏ)
တောင်ႏကီꩻခရဲင်ႏအကို အဝ်ႏဒါႏခင်ႏလမ်း (တနျာႏ)
ဝေင်ꩻနယ်ႏပင်လောင်ꩻ သည် မျန်မာခမ်းထီ တွင် တည်ရှိသည်
ဝေင်ꩻနယ်ႏပင်လောင်ꩻ
ဝေင်ꩻနယ်ႏပင်လောင်ꩻ
မျန်မာခမ်းထီဟံႏပွုံႏကိုအဝ်ႏဒါႏခင်ႏလမ်
ကိုဩဒိနိတ်: 20°7′14.8116″N 96°46′51.8952″E / 20.120781000°N 96.781082000°E / 20.120781000; 96.781082000
ခမ်းထီFlag of Myanmar.svg မျန်မာခမ်းထီ
ခမ်းနယ်ႏFlag of the Shan State.svg ဖြဝ်ꩻခမ်းနယ်ႏ
ခရဲင်ႏတောင်ႏကီꩻခရဲင်ႏ
နမ်းပဲင်ႏအိုပ်ချုတ်ခွင်ꩻလꩻဒေႏသFlag of the Pa-O National Organisation.svgပအိုဝ်ႏနမ်းပဲင်ႏအိုပ်ချုတ်ခွင်ꩻလꩻဒေႏသ
ထိုထဲင်းပင်ႏလယ်ႏ ထီခိုႏဆꩻကီ[1]၄၈၀၀ ပေ (၁၄၆၉ မီတာ)
လိုꩻဖြာꩻခြွဉ်း (၂၀၁၄)[2]
 • ခြွဉ်း၁၈၅,၀၆၅
အခိန်ႏအွိုင်ꩻမျန်မာအခိန်ႏအွိုင်ꩻ (UTC+6:30)

ဝေင်ꩻနယ်ႏပင်လောင်ꩻ(ဖြဝ်ꩻ : ပၢင်လွင်း၊ ၸႄႈဝဵင်း ၊ အင်္ဂလိပ် : Pinlaung Township ) ယို အဝ်ႏလွေꩻ ဒျာႏ ဖြဝ်ꩻခမ်းနယ်ႏတောင်ႏကီꩻခရဲင်ႏ အကို ခကွဥ်ႏလောင်ဂျီတွဒ် ၆၅ဒီဂရီႏ ၂၅ မိနစ် တွမ်ႏ ၉၆ ဒီဂရီႏ၆၅ မိနစ် အခါႏ ၊ ခထင်ꩻလတ္တီတွဒ်နဝ်ꩻ ၁၉ဒီဂရီႏ၄၀မိနစ် တွမ်ႏ ၂၀ ဒီဂရီႏ၁၈မိနစ် အခါႏ ကိုယိုနဝ်ꩻသွူ ။ နဝ်၊ထင်ꩻ အလုဲင်းနဝ်ꩻ မဲင်ႏ၃၂ ၊ တွို့ꩻ၊ကွဉ်ႏ အလုဲင်းနဝ်ꩻ မဲင်ႏ ၄၈ မဲင်ႏ အအဲဥ်ႏအလုဲင်ႏနဝ်ꩻ (၁၂၉၃.၄၂၅)စတုရန်းမဲင်ႏ အဝ်ႏလွေꩻခန်းနုဲင်းနဝ်ꩻသွူ ။ ဝေင်ꩻနယ်ႏ ၊ ဝေင်ꩻ ဧရိယာႏအအဲဥ်ႏအလုဲင်း ယို အဝ်ႏခလꩻယိုအတွိုင်ꩻသွူ −

ခမ်းကူခမ်းနား

ဝေင်ꩻနယ်ႏပင်လောင်ꩻခကွဉ်ႏဖဲ့ꩻယို ဝေင်ꩻနယ်ႏညောင်ႏရွီႏ တွမ်ႏ ခနဝ်ဖဲ့ꩻနဝ်ꩻ ဝေင်ꩻနယ်ႏဖုဲင်ခွဉ်ႏ ဝေင်ꩻနယ်ႏအကူအနား အဝ်ႏဗာႏလွေꩻဝင်ꩻသွူ ။ ခတွို့ꩻဖဲ့ꩻနဝ်ꩻ နေပီတောႏခမ်းခြွဉ်းဗူႏဟံႏနယ်ႏ ခထင်ꩻဖဲ့ꩻနဝ်ꩻ ဝေင်ꩻနယ်ႏကလော် ခမ်းနယ်ႏအကူဖုံႏလဲ့ အဝ်ႏဗာႏလွေꩻဒျာႏ ဝင်နဝ်ꩻသွူ ။

ဟံႏပထဝီႏအခေႏနေႏ

ဝေင်ꩻနယ်ႏပင်လောင်ꩻယို ကောင်ရွေꩻကောင်တန်ဖုံႏ လွိုင်ႏအာငါႏ တဲင် ကောင်ရွေꩻဖုံႏနဝ်ꩻ အဝ်ႏ ရွယ်ႏ နဝ်ထင်ꩻ နေႏဒျာႏ နဝ်ꩻသွူ။

ထီခြောင်အခေႏနေႏ

ဝေင်ꩻနယ်ႏပင်လောင်ꩻကိုယို ခြောင်ဖုံႏ ဆေ့ꩻငါႏ နဝ်ꩻသွူ ။ ခြောင်ဖုံႏယိုလဲ့ အဝ်ꩻထွန့်ꩻရွယ်ႏ နဝ်ထင်ꩻ နေႏဒျာႏနဝ်ꩻသွူ ။ ထီပလွီꩻခြောင်ယို ထွန့်ꩻလွေꩻဗော့ꩻဒျာႏ ဝေင်ꩻပင်လောင်ꩻအထျꩻ တဲင် အဝ်ႏ ထွန့်ꩻရွယ်ႏ နဝ်ထင်ꩻနေႏဒျာႏ နဝ်ꩻသွူ ။

ထိုထဲင်ႏပင်ႏလယ်ႏ ထီခိုႏဆꩻကီအခေႏနေႏ

ဝေင်ꩻနယ်ႏပင်လောင်ꩻယို အဝ်ႏလွေꩻ ထိုထဲင်ႏပင်ႏလယ်ႏထီခိုႏဆꩻကီ ပေ(၄၈၀၀)လွို ရပ်နဝ်ꩻသွူ ။ အထိုသွတ်ꩻကောင်နဝ်ꩻ ကောင်မောင်ႏ ဒျာႏနဝ်ꩻသွူ ။ ကောင်မောင်းနဝ်ꩻ အဝ်ꩻပေပေါင်ꩻ(၆၁၂၄)ပေနဝ်ꩻသွူ ။ အထိုသွတ်ꩻဒေႏသနဝ်ꩻ ကောင်မောင်းဒုံ ဒျာႏတဲင် အဖွိုႏသွတ်ꩻနဝ်ꩻ လယ်ပြင်တန်ဒုံ၊ဖောင်ꩻလောင်းတွုံႏ နဝ်ꩻအဝ်ႏပေ(၁၀၄၅)ပေလွုမ်ꩻနဝ်ꩻသွူ ။

ဝေင်ꩻနယ်ႏအကို ဒေါ့ꩻဖြေဝ်ႏငွေါဝ်းငွါခရာႏ

ဝေင်ꩻနယ်ႏပင်လောင်ꩻကိုယို ဒေါ့ꩻသွုံꩻအာ မန်းငွေါဝ်းတဲင် ခမ်းရင်ꩻသားလိုꩻခွိုꩻဘာႏသာႏ ကထွာဒါႏ ပအိုဝ်ႏ ၊ ဖြဝ်ꩻ စတဲင် ဖုံႏလဲ့ ဒေါ့ꩻသွုံꩻဒျာႏ နဝ်ꩻသွူ ။

ကိုꩻကွဲႏဘာႏသာႏ

ဝေင်ꩻနယ်ႏပင်လောင်ꩻအကို ကအုံအဝ်ꩻဒျာႏ ခမ်းရင်ꩻသားဖုံႏ ကကိုꩻကွဲႏဒါႏ ဘာႏသာႏဖုံႏ ယို အဝ်ꩻယိုꩻဆလꩻအတွိုင်ꩻသွူ −

စဲဉ်ႏ ဝေင်ꩻ ဗုဒ္ဓဘာႏသာႏ ခရစ်ယာန်ႏဘာႏသာႏ ဟိန္ဒူယာႏသာႏ အစ္စလာမ်ဘာႏသာႏ လူꩻ အလင် ခြွဉ်း
ပင်လောင်ꩻ ၁၆၅၀၄၉ ၄၃၇၅ ၁၅၂ - ၁၆၉၅၈၅
နောင်တရား ၄၅၂၆ - - - - - ၄၅၂၆
ဖောင်ႏလောင်ႏ ၆၈၅၈ ၅၄၄ - - - - ၇၄၀၂
ဝေင်ꩻနယ်ႏချုတ်ခြွဉ်း ၁၇၆၄၃၃ ၄၉၁၉ ၁၅၂ - ၁၈၁၅၁၃

သမဲင်ꩻ

နယ်ႏလွယ်လုံနဝ်ꩻ အဝ်ႏဖြဝ်ꩻခမ်းအခဝ်နဝ်ကို ဟံႏယာႏထာႏဝဒေႏသ နယ်ႏအမော့နဝ်သွတ်ꩻနဝ်ꩻသွူ။ အဝ်ႏသော့ꩻအရှေ့လောင်ဂျီတွဒ် ၉၆-ဒီဂရီ ၂၅-မိနစ်တွမ်ႏ ၉၆-ဒီဂရီ ၅၇-မိနစ်အခါႏ၊ မြောက်လတ္တီတွဒ် ၁၉-ဒီဂရီ ၄၀-မိနစ်တွမ်ႏ ၂၀-ဒီဂရီ ၁၈-မိနစ်အခါႏကိုနဝ်ꩻသွူ။ နယ်ႏလွယ်လုံ ဆꩻထင်ꩻဖဲ့ꩻနဝ်ꩻ နယ်ႏနမ်းခဲ့တွမ်ႏ နယ်ႏလွယ်အယ်၊ ဆꩻကွဥ်ႏဖဲ့ꩻနဝ်ꩻ နယ်ႏစကား၊ နယ်ႏစကွယ်တွမ်ႏ နယ်ႏနမ်းတုတ်၊ ဆꩻနဝ်ဖဲ့ꩻနဝ်ꩻ နယ်ႏမွိုင်ꩻပြုဲင်ꩻတွမ်ႏ နယ်ႏပျဥ်းပနား၊ ဆꩻတွို့ꩻဖဲ့ꩻနဝ်ꩻ နယ်ႏပျဥ်းမနားတွမ်ႏ နယ်ႏရမည်းသင်းဖုံႏယို အဝ်ႏစပ်ဆွိုင်ꩻလွဝင်ꩻနဝ်ꩻသွူ။ နယ်ႏအကို ကထင်ႏသျာꩻဒါႏ ထီခြောင်နဝ်ꩻ- ထီခြောင်ပေါင်းလောင်းသွူ။ ခြောင်ပေါင်းလောင်းယို အထျꩻအဝ်ႏကလော်ꩻဆင်ကောင်တွော့ꩻ ဖျတ်ကာႏလင်ꩻသွူ နယ်ႏလွယ်လုံတဲင် ထွတ်ꩻရွယ်ႏလင်ꩻ ပျဥ်းမနားဖဲ့ꩻနဝ်ꩻသွူ။ တယ်ႏစစွဥ်ႏ ဗြိတိသျှ (အင်္ဂလိပ်)စိုးကာႏ ဗꩻတွိုႏစွဥ်ႏဟန်ႏသနီꩻ ထီခြောင်ပေါင်းလောင်းတွမ်ႏ ထီခြောင်ပေါင်းလောင်း စေႏထွေဖဲ့ꩻနဝ်ꩻ ဒေႏသခံႏသားဖုံႏ အဝ်ႏထွုမ်ႏလွဝင်ꩻ ခံꩻရတနာႏဖုံႏနဝ်ꩻသွူ။ တယ်ႏ လာဒီဇင်ဘာ ဗꩻလွေꩻလာဖေဖော်ဝါရီအခါႏကိုနဝ်ꩻ ဝ(တဆံꩻ)ဖုံႏ လင်ꩻအာငါႏတဲင် ခွꩻမွေးစွဥ်ႏထာꩻသွူ။ ယိုခါ ပင်လောင်ꩻဝေင်ꩻကို ကအဝ်ႏထင်ႏသျာꩻဒါႏ မွေႏတောႏစေႏတီႏနဝ်ꩻ အေဒီနေင်ႏ ၁၇၉၄-ဗာႏကို ဖြဝ်ꩻတွမ်ႏပအိုဝ်ႏသီး ဖြွမ်းဗူႏတယ်ႏလွဝင်ꩻနဝ်ꩻသွူ။ ဆင်ကောင်ဘုရာꩻတကာႏ "ဦး"နဝ်ꩻ အေဒီနေင်ႏ ၁၈၀၈-ဗာႏကို တယ်ႏခါꩻစေႏတီႏနဝ်ꩻသွူ။ ဒုံယင်းမီးဘုရာꩻနဝ်ꩻ အေဒီ နေင်ႏ ၁၈၅၃-ဗာႏကို အတန်အကယ်ꩻ ခွန်ဘုရာꩻမီ တယ်ႏသေꩻခါꩻနဝ်ꩻသွူ။ နယ်ႏလွယ်လုံအကို နေင်ႏ ၁၈၉၃-ဗာႏ မွူးကွို့ꩻနာꩻစာႏရင်ꩻအလꩻ လိုꩻဖြာꩻပေါင်ꩻနဝ်ꩻ အ၀်ႏ(၂၈၈၀၄)ဖြာꩻနဝ်ꩻသွူ။ နေင်ႏ ၁၈၉၈-ဗာႏ လိုꩻဖြာꩻပေါင်ꩻယို မဥ်ႏတဲက်ချာတွမ်ႏ နေင်ႏ ၁၈၈၇-ဗာႏ လိုꩻဖြာꩻပေါင်ꩻနဝ်ꩻ အာပိုႏလွဥ်စွဥ်ႏ (၁၀-)ရျာꩻခေါင်ꩻနဝ်ꩻသွူ။ နယ်ႏလွယ်လုံကိုယို လိုꩻမျိုꩻပေါင်ꩻ အဝ်ႏ(၁၄)မျိုꩻနဝ်ꩻသွူ။ (၁၄)မျိုꩻအကို ပအိုဝ်ႏလိုꩻဖြာꩻပေါင်ꩻ (၁၆၆၄၀)ဖြာꩻ၊ ဖြဝ်ꩻ (၃၈၉၈)ဖြာꩻ၊ ဇယိမ်(၃၅၉၂)ဖြာꩻ၊ မန်း (၂၄၀၅)ဖြာꩻ၊ စောက်ꩻဗွာ(၁၂၉၅)ဖြာꩻ၊ စောက်ꩻတနျာႏ(၂၉၇)ဖြာꩻ၊ မန်းနောင် (၂၀၉)ဖြာꩻ၊ တောင်းရွိုꩻ (၁၉၆)ဖြာꩻ၊ ယင်းဘော်(၆၈)ဖြာꩻ၊ စောက်ꩻလမန် (၆၅)ဖြာꩻ၊ စောက်ꩻဘန်းအော့(၆၀)ဖြာꩻ၊ ဓနု(၆၀)၊ ဓနော့ (၁၇)ဖြာꩻ၊ ပတောင်ႏ(၂)ဖြာꩻ သေထွꩻဗာႏနုဲင်းနဝ်ꩻသွူ။ နယ်ႏလွယ်လုံ အဓိကကထွာဒါႏ ပင်လောင်ꩻနဝ်ꩻ စပ်ဆွိုင်ꩻဒျာႏတွမ်ႏဒုံငတ်ꩻဒုံနဝ်ꩻသွူ။ အေဒီ နေင်ႏ ၁၈၉၃-ဗာႏနဝ်ꩻ ပင်လောင်ꩻကို လမ်းငင်းအဝ်ႏ ၁၆၂-လမ်းနဝ်ꩻသွူ။ နယ်ႏအကို လောဒင်ႏကွန်ႏကုန်ႏသယ်ႏသား အဝ်ႏ ၉၄-ဖြာꩻတဲင် ကွန်ႏဒင်ႏဖိုးပေါင်ꩻ အ၀်ႏ ၁၇၄၁-ဗာႏနဝ်ꩻသွူ။ စေးလာႏဖြဝ်ꩻ ထေမာꩻသားနဝ်ꩻ အဝ်ႏအုံဒုံနာႏမွန်းကိုသွူ။ နယ်ႏလွယ်လုံယို အေဒီနေင်ႏ ၁၈၈၀-ဗွေနဝ်ꩻ အွဥ်ႏထွော့လွေꩻဖေႏတွမ်ႏ ဝင်ꩻနယ်ႏအရန်း အုပ်ချုပ်ရေꩻအတန်အကယ်ꩻ (မြို့စား)နဝ်ꩻသွူ။ ဝေင်ꩻနယ်ႏအုပ်ချုပ်ရေꩻ အတန်အကယ်ꩻ (မြို့စား)ခွန်ပုနဝ်ꩻ ဝင်ꩻဖေႏလွေꩻခန်း ကမ္ဘောဇခွန်သုသိရီ မဟာရာဇဘွဲ့နဝ်ꩻသွူ။ ပွိုင်းလဲင်ႏစခါ နယ်ႏလွယ်လုံနဝ်ꩻ အုပ်ချုပ်လွဗꩻတွမ်ႏဖြားဒုံ (တောင်စား)(၁၂)ဖြာꩻနဝ်ꩻသွူ။ ခွန်ပုအနိစ္စခန္ဓာႏ ကထွိုင်ႏကုဲင်ထိုꩻနဝ်ꩻ ဝွေꩻကိုယ်ႏစာꩻ အပိုကထွာဒါႏ ခွန်တန်ကျယ် အုပ်ချုပ်လွေꩻလုဲင်ႏနဝ်ꩻသွူ။ နေင်ႏ ၁၈၉၇-ဗာႏနဝ်ꩻ တွမ်ထူႏလꩻလွေꩻ အခွဥ်ႏတောႏ ၁၆၀၄၂-ဗီႏနဝ်ꩻသွူ။ ဝေင်ꩻနယ်ႏပင်လောင်ꩻအကို ကပါသော့ꩻဒါႏ နယ်ႏလွယ်အဲနဝ်ꩻ အဝ်ႏဆꩻထင်ꩻဖဲ့ꩻ နယ်ႏသာမုဲင်းခမ်း၊ ဆꩻကွဥ်ႏဖဲ့ꩻ နယ်ႏတချတွမ်ႏနယ်ႏနမ်းခဲ၊ ဆꩻနဝ်ဖဲ့ꩻနဝ်ꩻ နယ်ႏလွယ်လုံတွမ်ႏ ဆꩻတွို့ꩻဖဲ့ꩻ နယ်ႏရမည်းသင်းအခါႏကိုနဝ်ꩻသွူ။ နယ်ႏအကို ကထင်ႏသျာꩻဒါႏနဝ်ꩻ အဝ်ႏကွို့ꩻခြောင်ဘီလူꩻ တလီးလွုမ်ꩻနဝ်ꩻသွူ။ နေင်ႏ ၁၈၉၇-ဗာႏနဝ်ꩻ လိုꩻဖြာꩻပေါင်ꩻ အဝ်ႏ ၅၄၇၁-ဗာႏနဝ်ꩻသွူ။ နဝ်ꩻအကို ပအိုဝ်ႏလိုꩻဖြာꩻပေါင်ꩻ (၃၇၆၂)ဖြာꩻ၊ တောင်းရွိုꩻ(၈၂၀)ဖြာꩻ၊ ဖြဝ်ꩻ(၂၅၃)ဖြာꩻ၊ ဇယိမ်(၁၇၂)ဖြာꩻ၊ မန်း(၁၂၈)ဖြာꩻ၊ မန်းနောင် (၄၉)ဖြာꩻ၊ ဓနော့(၆)ဖြာꩻနဝ်ꩻသွူ။ နယ်ႏလွယ်အဲအကို ထူႏရွဥ်ခွဥ်ႏသား (ငွေခွန်မှူး)နဝ်ꩻ အုံသော့ꩻဒုံလုံးဖိုးကိုသွူ၊ နယ်ႏလွယ်အဲယို ဒုံပေါင်ꩻအဝ်ႏ(၈၇)ဒုံနဝ်ꩻသွူ။ ခွန်မန်းစိုးတွင်ꩻ နယ်ႏလွယ်အဲ ထူႏရွဥ်ခွဥ်ႏသား (ငွေခွန်မှူး)ဖုံႏနဝ်ꩻ မောင်ကောင်း၊ ပေါကြည်၊ မောင်ရွှေ၊ မောင်သော်၊ မောင်ခိုင်၊ မောင်မိတ်၊ ငဖိုးတွမ်ႏ ခွန်ရွှေခြာဖုံႏနဝ်ꩻသွူ။ နေင်ႏ ၁၈၈၇-ဗာႏ နယ်ႏလွယ်အဲအကို တွမ်ထူႏလꩻလွေꩻ အခွဥ်ႏတောႏ (၄၆၇)ဗီႏနဝ်ꩻသွူ။ ဝေင်ꩻနယ်ႏပင်လောင်ꩻအကို ကအဝ်ႏဒါႏ နယ်ႏလွယ်မော်ꩻနဝ်ꩻ အအဲဥ်ႏအလုဲင်း အဝ်ႏ ၄၉-မဲင်ႏနဝ်ꩻသွူ။ နယ်ႏလွယ်မော်ꩻဆꩻထင်ꩻဖဲ့ꩻ ကအဝ်ႏဒါႏ ခြောင်ဘီလူꩻနဝ်ꩻ ထွာစွဥ်ႏနယ်ႏလွယ်မော်ꩻ နယ်ႏကူသက်သေႏနဝ်ꩻသွူ။ နေင်ႏ ၁၈၉၇-ဗာႏကို နယ်ႏလွယ်မော်ꩻနဝ်ꩻ အွိုင်ႏပေါင်ꩻ အဝ်ႏ(၄)အွိုင်ႏနဝ်ꩻသွူ။ လိုꩻဖြာꩻပေါင်ꩻ အဝ်ႏ ၄၂၇၉-ဖြာꩻ၊ လမ်းငင်းအဝ်ႏ (၆၇၁)လမ်းနဝ်ꩻသွူ။ နဝ်ꩻအကို ပအိုဝ်ႏလိုꩻဖြာꩻပေါင်ꩻနဝ်ꩻ အဝ်ႏ(၃၃၃၆)ဖြာꩻ၊ တောင်းရွိုꩻ(၅၁၆)ဖြာꩻ၊ ဓနု(၈၄)ဖြာꩻ၊ မန်းနောင်(၂၆)ဖြာꩻတွမ်ႏ မန်း(၈)ဖြာꩻနဝ်ꩻသွူ။ ထူႏတွမ်လꩻလွေꩻ အခွဥ်ႏတောႏနဝ်ꩻ (၃၂၂၁)ဗီႏနဝ်ꩻသွူ။ အေဒီနေင်ႏ ၁၈၄၇-ဗာႏကို လွယ်မော်ꩻထူႏရွဥ်ခွဥ်ႏသား(ငွေခွန်မှူး)နဝ်ꩻ ဒင်ႏလွေꩻ မောင်ဖိုးစောရီနဝ်ꩻသွူ။ ဗြိတိသျှ (အင်္ဂလိပ်)သီး ကထူႏသိမ်ꩻဒါႏ နယ်ႏဖြဝ်ꩻခမ်း နေင်ႏ ၁၈၈၇-ဗာႏကို လွယ်မော်ꩻထူႏရွဥ်ခွဥ်ႏသားနဝ်ꩻ ထွာမောင်ရွှေပြည့်နဝ်ꩻသွူ။ [3][4]

ဝေင်ꩻနယ်ႏအကိုဝေင်ꩻဖုံႏ

ဝေင်ꩻနယ်ႏပင်လောင်ꩻကိုယို ဝေင်ꩻအဝ်ႏလွေꩻ(၃)ဝေင်ꩻဒျာႏနဝ်ꩻသွူ ။

အာႏကွိုꩻ

[5]

  1. GoogleEarth
  2. သန်းခေါင်စာရင်း အစီရင်ခံစာ။ ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ။ အတွဲ-၂။ နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန။ မေ ၂၀၁၅။ pp. ၆၃။
  3. ဖြားခွန်မောင်တုတ်
  4. မောင်းမွူးခံꩻ အမုဲင်(၂၃)
  5. ဝေင်ꩻနယ်ႏပင်လောင်ꩻအစွိုးစွိုးအဒဝ်ႏဒဝ်ႏအိုပ်ချုတ်ရေꩻအွဥ်ငါဌာႏန ကထေဒါႏ ဒေႏသဆဲင်ႏရာꩻအချက်လက်လိတ်ဖွူꩻ-၂၀၁၈