Wp/blk/ထိန်ꩻသိမ်ꩻသွော့နီအမွီႏဟဝ်လီꩻ

From Wikimedia Incubator
< Wp‎ | blkWp > blk > ထိန်ꩻသိမ်ꩻသွော့နီအမွီႏဟဝ်လီꩻ
ခေတ်ကာႏလအပြောင်ꩻလုဲင်ႏခါႏကို နီနာꩻခမ်းရင်ꩻသား စီꩻပွာꩻရေꩻ၊ လိုꩻမုရေꩻ၊ ပညာႏရေꩻ၊ ခြိုင်ႏသန်ꩻရေꩻ၊ ခမ်းထီရေꩻ စတဲင်အရေꩻမျိုꩻစွုမ်ႏဖုံႏလဲ့ ဆေꩻ့တွမ်ႏအာ ပြောင်ꩻလုဲင်ႏမုတခူႏတခဝ် အဝ်ႏနေနေသွူ။ နဝ်ꩻအကို ပြောင်ꩻလုဲင်ႏမုအဟဝ်လဲ့ပါ၊ အကုဲင်လဲ့ရော်ꩻနေနေသွူ။ ခေတ်ယိုတဗာႏနဝ်ꩻ မိဥ်ႏလွောက်ꩻလွဥ်ꩻအုံဒါႏတဲꩻ တိုꩻတက်မွိုင်၊ မိဥ်ႏလွောက်ꩻလွဥ်ꩻငါႏလဲꩻ ထဲ့ပြင်ꩻထိုꩻမားဒါႏသွူꩻ။ အပြောင်ꩻလုဲင်ႏခါႏကို အကာယားဒါႏနီထွုံꩻစံႏ နီယိုꩻယာႏဖုံႏလဲ့ အဝ်ႏအာတန်သနယ်သြ။ ယိုခါနဝ်ꩻ လိုꩻပေႏဒုံႏဒါႏတဝ်း တိန်ႏ နဝ်ꩻကဲဥ်းဆေ့ꩻဆေ့ꩻ လိုꩻပေႏ ဒုံႏဒါႏတဝ်း ထုံမောင်းနဝ်ꩻကဲဥ်းအာအာ သနယ်သြ။ သဲစ်ကလွေꩻဒါႏစထာꩻတဲင် ပွစ်ဒါႏလဲဥ်း ဖုံး (phone )ဖုံႏသွူ။  ရဲဥ်ꩻသွမ်ꩻတောႏဖုံႏလဲ့ ငဝ်းကဲငဝ်း ဖေ့ယေန် ထွားစွဥ်ႏဒျာႏ ဖုံး ဖုံႏခြေင်ခြေင်သွူ။ ဖုံး ယိုလဲꩻ ခေတ်ယိုတဗာႏအလꩻ အုံအဝ်ႏရေꩻ၊ သွုပ်သံႏရေꩻ၊ စီꩻပွာꩻရေꩻ စတဲင်အရေꩻမျိုꩻအာဖုံႏတာႏ အဝ်ႏလိုႏနေနေသွူ။ ကွဲးတွော့ꩻတဲင် ယဟန်ႏသားနဝ်ꩻ သွုံꩻဒါႏတဝ်း လမ်းပါႏအရေꩻကုဲင်၊ သွꩻသဟာႏလဲ့သွုမ်ꩻ၊ တမာဝါꩻအွဥ်ႏကုဲင်အီဝင်ꩻတဲꩻအဝ်ႏဗော်ႏထာꩻသနယ်သြ။

ကွပ်နဝ်ꩻမတဲင် တွမ်ႏသတိꩻတရာꩻတဲင် နီနာꩻသီးဖုံႏ အဝ်ႏလိုႏကျင်ꩻသွုံꩻလွဥ်ꩻနဝ်ꩻသွူ။ ခေတ်အလꩻလဲ့ အဝ်ႏလိုႏထူႏသွုံꩻ တခဝ်နဝ်ꩻ ဖေႏကခွိုင်းမွုန်း နီထွုံꩻစံႏယိုꩻယာႏလဲ့ အဝ်ႏလိုႏထိန်ꩻသိမ်ꩻသနယ်သြ။ ထဲင်းတမျိုꩻနဝ်ꩻ နီသွဥ်းသီးထာꩻယူႏလီꩻအကိုလဲ့ အဝ်ႏလိုႏပယ်ႏခွါႏ အဝ်ႏလိုႏထူႏသွုံꩻတဝ်းဒွုမ်ဖုံႏသွူ။ ဥပမာႏ လိုꩻသီဒုံထန်ႏဟဝ်အီနွို့တဝ်းဒုံကိုဖုံႏ(ဖိုး ပနားသီ သမ်းအဝ်ႏယားသဲင်ꩻ)၊ ပါတွမ်ႏ ထွာတစွိုးတမျိုꩻတဲꩻ ယွူးပါꩻယိုပါꩻနဝ်ꩻမာꩻစတဲင်နဝ်ꩻစားဖုံႏနဝ်ꩻသနယ်သြ။ နဝ်ꩻမတဲင် ခေတ်ယိုတဲꩻဖေႏကခြေင်းနွောင်ꩻ နီယေန်ႏငဲထွုံꩻစံႏတဲ့ အဝ်ႏလိုႏထွို့ꩻစွီႏ လွေꩻလွဥ်ꩻပါနေနေသနယ်သြ။ တဒုံတွမ်ႏတဒုံ တရပ်တွမ်ႏတရပ် လွောင်ႏဗူႏမုအွဥ်ႏအထျꩻတဲင် နေႏတွမ်ႏအဖျင်တရာꩻ အဝ်ႏလိုႏ တွိုင်ႏပင်ႏအုံကွံခွိုꩻခွိုꩻငါႏဝင်ꩻသနယ်သြ။ နီနာꩻလိုꩻမျန်မာခမ်းသားနဝ်ꩻ ကိဥ်းအာ ခံႏနွောင်ꩻတဝ်း ဝင်ꩻဝွေႏဖန်ႏသနယ်။

  တဒုံတွမ်ႏတဒုံ တဖြာꩻတွမ်ႏတဖြာꩻ မိဥ်ႏသေသွဥ်ဖေႏလွဝင်ꩻနဝ်ꩻ ဟဝ်ငါႏအမဲဥ်ႏသြ။ လိုꩻပေႏပိုလီအစွုပ်ဆုဲင်ꩻယို လိုꩻဖြားစခါသီး မိဥ်ႏဒေါ့ꩻသွဥ် ရိုꩻဒျာႏလိုꩻဖြားဗော့ဗဲ့၊ လိုꩻဖြားမိဥ်ႏဖေႏအနယ်ꩻ ရိုꩻဒျာႏ လိုꩻဖြားဒါႏတဝ်းလိတ် နဝ်ꩻစားဖုံႏသွူ။ ယိုနဝ်ꩻဟဝ်ထွာတဝ်းသြ။ နီသွဥ်းသီးနဝ်ꩻ ထီႏသေလိတ်ကိုကဲဥ်းအာ လိုꩻဖြားစခါနဝ်ꩻ နမ်းခွဲးကျုံႏ အာနဝ်ꩻသွူ။ နီလိတ်ကိုထာꩻထီႏတွမ်ႏ လိုꩻဖြားသီးနမ်းကျုံႏမိဥ်ႏပေါင်ꩻဆွုက်လွဝင်ꩻနဝ်ꩻ အီႏထွာအီ ထင်ႏထိုမုꩻအတန်တဗာႏအကျောင်ꩻ ဒင်ႏဆွုက်ထွူတဲင် ထိန်ꩻသိမ်ꩻသွော့ဝင်ꩻ နီသွဥ်းသီးအမွီႏဟဝ်လီꩻတွမ်ႏ နီဘာႏသာႏ သာႏသနာႏအကျောင်ꩻ လောဝ်းဟွိုန်လွေꩻဗာႏ မူႏခို စွုမ်ႏဖြာꩻသြ။

[1]

အာႏကွိုꩻ

  1. ခွိုꩻခွန် (ခမ်းစောက်စဲင်ႏ)