Wp/blk/တိတ္တိရဇာတ်

From Wikimedia Incubator
< Wp‎ | blkWp > blk > တိတ္တိရဇာတ်

"တိတ္တိရဇာတ်" ထွားသွဥ်ဟော်ꩻကျပ် တိတ္တိရဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ နီဗွေႏဘုရာꩻ သာႏသနာႏကိုယို ပုဂ္ဂိုလ်ႏ သိက္ခာႏဝါႏတန်သားနဝ်ꩻ လꩻထွိုက်ခင်ႏလမ်းတခိုႏ-ထီတခိုႏအကျောင်ꩻ၊

၂။ သိက္ခာႏဝါႏပေႏသားနောဝ်ꩻ ရိုႏသေႏဗာႏ သိက္ခာႏဝါႏတန်သားအကျောင်ꩻ၊

၃။ အံႏရင်ꩻ ရဲခါꩻ သိက္ခာႏဝါႏတန်သီး ခင်ႏလမ်းလꩻတဝ်း၊ ပေါႏအံႏရင်ꩻ ရဲခါꩻနဝ်ꩻ ဒုက္ကဋ်အာပတ်ဗာႏအကျောင်ꩻ၊

၄။ ဝါႏဖြဲ့ꩻ ယို့ ဆင် ယိုသွံဗာႏ ရိုႏသေႏဒျာႏလို့ဝင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။

"ဗကဇာတ်" ထွားသွဥ်ဟော်ꩻကျပ် ဗကဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏထာꩻသေတရာꩻဖုံႏနဝ်ꩻ-

၁။ ဟောဝ်မာꩻတောဝ်း တခြိုꩻတုꩻ၊ ဟဝ်အံႏလဲဥ်တောဝ်းဝင်ꩻအကျောင်ꩻ၊

၂။ ထွားခတ်ကယ်ꩻဗော့ꩻ အရောင်ႏအထန်ႏလွုမ်ꩻနဝ်ꩻ တခြိုꩻအငိုꩻတန်ႏ တမွေးတဝ်းတဲ့ အောဝ်ႏဒါႏအကျောင်ꩻ၊

၃။ ရိုꩻနမ်းယံယံ အံႏလဲဥ်လꩻဝင်ꩻတဲ့ တွိုႏတနီꩻခါ ပါꩻအံႏလဲဥ်လꩻချာဒျာႏအကျောင်ꩻ၊

၄။ နေးတွမ်ႏငဝ်းအွီႏတဲင် ပါꩻလွဥ်ချောက်၊ ပါꩻလွဥ်လဲဥ်ဒါႏလိုꩻအကျောင်ꩻ၊

၅။ နီဖေႏနေးကယွုမ်းတဲင် ပထမတလဲင်ႏနဝ်ꩻ ပါꩻမာꩻမဲဥ်ႏထွူခါ ဆုဲင်ꩻချာနဝ်ꩻ ပါꩻအံႏလဲဥ်သွူအကျောင်ꩻ၊

၆။ အောဝ်ႏထွာရန်ႏသေႏသေႏတဲင် အီႏမာꩻဖေႏနီအကျိုꩻ ကရိုꩻနဝ်ꩻ ဟောဝ်ယွုမ်းယိုꩻတဝ်းထာꩻ နုဲင်းထပေႏ၊ ယူႏခူခူဗာႏထာꩻ နုဲင်းဆွေႏနောဝ်ꩻအကျောင်ꩻ၊

၇။ "နီအွဥ်ႏစွဥ်ꩻဝင်ꩻကတူႏ-ဝင်ꩻအွဥ်ႏပူႏနီကတောင်"ကရိုꩻဒါႏငေါဝ်းနဝ်ꩻအတွိုင်ꩻ "ဝဋ်"ကရိုꩻနောဝ်ꩻ လဲ့ꩻတလွစ်တောဝ်း (လဲ့ꩻတလꩻတဝ်း-ဝဋ်၊ ပြွတ်တလꩻတဝ်းခံႏဗာႏ)အကျောင်ꩻ-စတဲင်နုဲင်းနဝ်ꩻဖုံႏသွူ။ [1][2][3]

အာႏကွိုꩻ[edit | edit source]

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဇာတ်ဝတ္ထု(၅၅၀)အမုဲင်(၄)