Wp/blk/စိတ္တလိုꩻခြွေ

From Wikimedia Incubator
< Wp‎ | blkWp > blk > စိတ္တလိုꩻခြွေ

"စိတ္တလိုꩻခြွေ"

၇၃။ ဂါႏထာႏပြန်ႏပအိုဝ်ႏခြေင်ခြေင်- လိုꩻမွိုက်မုဲင်ꩻတရိုꩻတဝ်း မဥ်လꩻဒျာႏ အံႏဖြာႏခြေင်ဝွေꩻ၊ ရဟန်ꩻသီးဖုံႏအကိုတဲ့ ဝွေꩻမဥ်ထွာ ကောအွဥ်ငါ(အတန်)၊ ကျောင်ꩻကိုတဲ့ ဝွေꩻမဥ်အုပ်ချွုတ်လို့၊ ဝင်ꩻလင် တကာႏဖုံႏအကိုတဲ့ ဖေႏနေးကလူႏ ဖေႏနေးကပူႏေဇောႏဝွေꩻငါ။

၇၄။ ဂါႏထာႏပြန်ႏပအိုဝ်ႏခြေင်ခြေင်- "လိုႏမာꩻဖေႏခွေလွုမ်ꩻ" လိုꩻလမ်းလိုꩻကျောင်ꩻ နီမျိုꩻပေါင်ꩻနဝ်ꩻ ဖေႏကယူႏလွသွော့နုဲင်းနဝ်ꩻနော လိုꩻမွိုက်မုဲင်ꩻတရိုꩻတောဝ်း ဝွေꩻထာꩻကျံႏနဝ်ꩻ ထွာနုဲင်းယိုသွူ။ ကိစ္စပေႏတန်အကို ကိစ္စမျိုꩻမုဲင်ꩻရိုꩻတဝ်း ဖေႏကထွာသွော့ ခွေထာꩻကျွိုက်ငါ၊ ဝွေꩻထာꩻကျံႏနဝ်ꩻ ထွာနုဲင်းယိုသွူ၊ ပါꩻလိုꩻမွိုက်နဝ်ꩻအတွက်တာႏ လောဘတဏှာႏ ကိလေႏသာႏဖုံႏတဲ့နဝ်ꩻ၊ သꩻဖြုံႏတန်ထို ခွေတန်ယိုဟ မာႏနတဲ့နဝ်ꩻ တိုꩻပွာꩻလွဥ်ꩻစွဥ်ႏတိတ်ꩻတိတ်ꩻသွူ။

"လꩻဗဟုသုတ၊ လꩻအီသတိꩻနုဲင်းယို" ဟော်ꩻထွားသွဥ်ဗာႏ စိတ္တလိုꩻခြွေဝတ္ထုယိုတဲင်-

၁။ ဗွေႏဗွန် ရဟန်ꩻခန်းတဲ့ယဝ်း အဝ်ႏလိုႏအွဥ်ႏတဝ်း မာႏနအကျောင်ꩻ၊

၂။ မဥ်ႏပဲစ်မာႏ အရိယာႏ သူႏတောႏကောင်ꩻနဝ်ꩻ (ပုဂ္ဂိုလ်ႏကျောင်ꩻခန်းတဲ့ယဝ်း) တောင်ꩻပြန်ႏချာဗာႏအကျောင်ꩻ၊

၃။ လိုꩻဘွုံႏကံႏတန် ပေါႏမာꩻထာꩻမာꩻယံစားနဝ်ꩻ လူꩻသီးခမ်းတဲ့ယဝ်း အုံတဒါႏတဝ်း၊ ဖေႏအာႏစွဲကိုဗာႏအကျောင်ꩻ-စတဲင်နုဲင်းနဝ်ꩻ သေထွꩻ လꩻအီသတိꩻအာတန်သွူ။

"တိဿသာႏမဏေႏ"

၇၅။ ဂါႏထာႏပြန်ႏပအိုဝ်ႏခြေင်ခြေင်- ရေႏလာဘ်သွူရင်ꩻ ကကံကျင်ꩻနဝ်ꩻ တမျိုꩻခေါ်ခေါ်ဒျာႏ၊ ဖေႏကလꩻနိဗ္ဗာန်ႏ ကကံကကျင်ꩻနောဝ်ꩻ တမျိုꩻခေါ်ခေါ်ဒျာႏ၊ အကျင်ꩻအဝ်ႏနီမျိုꩻနုဲင်းယို(အကျောင်ꩻ) သေခါꩻထွူတဲင် ဘုရာꩻတပဲ့ꩻကထွာဒါႏ ရဟန်ꩻနောဝ်ꩻ အဝ်ႏလိုႏတထဲ့ꩻတဝ်း ပူႏဇောႏသက္ကာရ လာဘ်လာဘယိုသွူ၊ အဝ်ႏလိုႏကျိုꩻစာꩻ အမျိုꩻမာꩻလꩻလꩻဒျာႏ ဝိဝေကသွံဗာႏ နိဗ္ဗာန်ႏချမ်ꩻသာႏယိုသွူ။

"လꩻဗဟုသုတ၊ လꩻသတိꩻနုဲင်းယို" ဟော်ꩻထွားသွဥ်ဗာႏ တိဿသာႏမဏေႏဝတ္ထုယိုတဲင်-

၁။ ကေန်ꩻခြောတဲ့ယဝ်း ရေႏဘဝငါတာႏ လိုႏလူႏငါႏထာꩻအကျောင်ꩻ၊

၂။ ကွပ်ဒါႏနတဲင် သဲင်ꩻခြွေခြာႏချမ်ꩻသာႏ၊ လာဘ်လွိုင်ႏအာငါႏအကျောင်ꩻ၊

၃။ သျင်ႏပေႏ-ပေႏတဲ့ ထွာနွောင်ꩻဒျာႏ ရဟန္တာႏအကျောင်ꩻ၊

၄။ ဗွေႏသျင်ႏဗွေႏစင်ꩻဖုံႏနဝ်ꩻ ကံကျင်ꩻမွိုန်းလာဘ်လာဘတာႏ ကံကျင်ꩻဒျာႏသွော့ နိဗ္ဗာန်ႏတာႏအကျောင်ꩻ-စတဲင်နုဲင်းနဝ်ꩻ သေထွꩻလꩻအီသတိꩻအာတန်သွူ။[1][2][3]

အာႏကွိုꩻ[edit | edit source]

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဓမ္မပဒအမုဲင်(၅)