Wp/blk/စနေႏနီꩻ ဟော်ꩻဓမ္မစကျာႏခန်ꩻ

From Wikimedia Incubator
< Wp‎ | blkWp > blk > စနေႏနီꩻ ဟော်ꩻဓမ္မစကျာႏခန်ꩻ

၅။ ထွာထွူဘုရာꩻ ကျွꩻလွေꩻဒျာႏ

        အွိုးမိဂဒါႏ             တခြာတန်
        ကထိုꩻညာꩻယန်      တပဲ့ꩻလီꩻ
        ရီးခါအုံညီꩻ            က၀ွတ်ပတ်
        ဗွေႏရဟန်ꩻမျတ်     လွေꩻမော့ꩻထီႏ
        ပဥ္စ၀ဂ္ဂီႏ                 ငတ်ꩻပါꩻစွိုꩻ
        ခွဲးယင်းသꩻသွိုꩻ      လောႏကျိုႏဖစ်
        မဟာႏသက္ကရာဇ်    ရျာꩻသွံပိုႏ
        လာဗွေ၀ါႏဆိုႏ        စနေႏဟာ
        စပြဲဥ်ထန်ႏလာ       အခိန်ႏခါႏ
        ဓမ္မစကျာႏ             ဟော်ꩻနယ်ယံ
        ဗျဟ္မာႏတနံ           လွဥ်နာႏခြပ်
        တလေ့စီႏစပ်        ကဟော်ꩻဖေႏ
        ဘုရာꩻနီဗွေႏ          သွဥ်းယူႏလွေꩻ
        နစ်သက်သꩻရေꩻ    ပီတိပြုဲင်
        စူနုံဗိုတုဲင်              ကတောင်ဒင်ႏ
        ရိုႏသေႏ၀ုဲင်ႏထင်ႏ    နီဗွေႏဘုရာꩻသြ ။       ။
        န၀်ꩻထွူတဲင်နေား    ဆုတောင်ꩻဒျာႏ
        ဓမ္မစကျာႏ             ကဟော်ꩻကျာꩻ
        ၀ုဲင်ႏဗာႏဘုရာꩻ        နုဲင်းယိုခါ
        အကျိုꩻတန်အာ      သꩻဓိဋ္ဌာန်ႏ
        ယံလꩻနိဗ္ဗာန်ႏ         ကွီဆုꩻရင်ꩻ
        မဥ်ႏလꩻဒွိုန်းရင်ꩻ     ခွေသွဥ်းယို
        ထွာဒျာႏလိုꩻပို         စွုမ်ႏဇာတ်သေႏ
        တိဟိတ်သန္ဓေႏ      အခြွီဟ၀်
        ဉာဏ်ႏဖုဲင်တဆ၀်    ဒါႏပညာႏ
        ထွာ၀င်ꩻဆရာႏ        ဟော်ꩻတရာꩻ
        ယံမွေးစွဥ်ႏထာꩻ      ဗွောင်မဲ့နား
        ကယ်ႏ၀င်ꩻခိုးလျား   မာꩻခွꩻရျူႏ
        ခန္ဓာႏ၀ွဋ်တူႏ           ဟွိုန်ဗွိုႏအန်ꩻ
        ထွာဒျာႏရဟန်ꩻ       ကျင်ꩻသိက္ခာႏ
        ပျုသာႏသနာႏ         သွတ်ꩻစိုးပန်
        ဘွုံꩻကံႏထိုသန်       အုံတရာꩻ
        ယပ်ꩻတ၀်းယိုꩻမာꩻ   မဂ်ဖိုလ်ႏဉာဏ်ႏ
        ယံလꩻနိဗ္ဗာန်ႏ          ကွီဆုꩻနုဲင်းန၀်ꩻသြ ။       ။

အာႏကွိုꩻ[edit | edit source]

[1] [2]

  1. ပအို၀်ႏလိတ်လုဲင်ꩻစွစ်ꩻလီတာႏ ဘာႏသာႏရေꩻ
  2. စနေႏနီꩻဟော်ꩻဓမ္မစကျာႏခန်ꩻ