Wp/blk/ငွိုးဗာႏမဲ့ထီ အာလဲဉ်းသမုဒ္ဒရာႏ

From Wikimedia Incubator
< Wp‎ | blkWp > blk > ငွိုးဗာႏမဲ့ထီ အာလဲဉ်းသမုဒ္ဒရာႏ

"အဿုသုတ် (ငွိုးဗာႏမဲ့ထီ-အာလဲဥ်းက သမုဒ္ဒရာႏ)"

နီဗွေႏဘုရာꩻအဝ်ႏအုံ သာဝတ္ထိခမ်း၊ ကျောင်ꩻဇေႏတဝွန်ႏကိုအတွင်ꩻ ဟော်ꩻဖေႏရဟန်ꩻသီးဖုံႏ တရာꩻနုဲင်းယို- "ရဟန်ꩻသီးဖုံႏဟွေး- အနမတဂ္ဂေါယံ ဘိက္ခဝေ သံသာရော- သံသရာႏယို အစ(အထျꩻ)နဝ်ꩻ တသေထွꩻတဝ်း၊ ထာꩻသေတဝ်း - အဝိဇ္ဇာႏ၊ ထာꩻမဥ်လꩻတဏှာႏ-အဝ်ႏလမ်းခါꩻ နုဲင်းဖိုးဖြွီꩻတဲင် အဝ်ႏဘဝယို လွေꩻဘဝသူꩻ၊ အဝ်ႏဘဝသူꩻ-လွဥ်ဘဝယို၊ ချာချာငါငါ၊ ကီကီလလ၊ ငငငွိုးငွိုး၊ မွိုးမွိုးဖါဖါ၊ တဗူႏတဗန်ႏ ချာငါသံသရာႏကိုယိုနဝ်ꩻ ကွပ်ပွိုးစွဥ်ႏ ညမရမကငါႏတွော့ꩻ 'ပုဗ္ဗာကောဋိ န ပညာယတိ-အစမုဲင်ꩻခါ ကရိုꩻနဝ်ꩻ ယူႏချာတသေနွောင်ꩻတဝ်းဒွုမ်'နောဝ်ꩻသွူ။ ရဟန်ꩻသီးဖုံႏဟွေး- ကဖသီ ကဖမွန်ဗာႏတွမ်ႏ မွိုးဖါတဲ့နဝ်ꩻ၊ ကဖသီ ကဖမွန်ဗာႏတွမ်ႏ ပိုမူႏကရက်၊ တွမ်ႏပိုခိုကရက်တဲ့နောဝ်ꩻ၊ ကဖသီ ကဖမွန်ဗာႏတွမ်ႏ လီꩻပေႏရက်ဖုံႏတဲ့နဝ်ꩻ၊ ပေႏသꩻတလွိုး၊ ငွိုးဗာႏထာꩻꩻ လိုꩻတဖြာꩻတဖြာꩻ မဲ့ထီနောဝ်ꩻ 'အာလဲဥ်းကထီ-လစ်ꩻသမုဒ္ဒရာႏ'နောဝ်ꩻသွူ။ ရဟန်ꩻသီးဖုံႏဟွေး- ပေါင်ꩻကွိုက်ꩻဗာႏတွမ်ႏ တရက်တဝ်း တနစ်သက်တဝ်းတဲ့နဝ်ꩻ၊ ဝင်ꩻမာꩻဆာနိစ္စက် ဝင်ꩻမာꩻယူႏပက်တဲ့နဝ်ꩻ၊ မော့ꩻထာꩻဒုက္ခ အစားစား၊ မော့ꩻထာꩻခိုးလျား အမျိုꩻမျိုꩻတဲ့နဝ်ꩻ ကငွိုးဗာႏထာꩻ လိုꩻတဖြာꩻတဖြာꩻ မဲ့ထီနဝ်ꩻတဲ့ အာလဲဥ်းကထီ လစ်ꩻသမုဒ္ဒရာႏ၊ ထီလစ်ꩻသမုဒ္ဒရာႏနဝ်ꩻ အောဝ်ႏဆေ့ꩻငါႏနေကနောဝ်ꩻသွူ။ ရဟန်ꩻသီးဖုံႏဟွေး- ညဆွာꩻမရမက ဒုက္ခသံသရာႏကို သီဖုံႏယိုနဝ်ꩻ ဖါသီတဲင် ငွိုးဗာႏဖိုလဲဥ်း၊ မွိုးသီတွော့ꩻ ငွိုးဗာႏဖိုလဲဥ်း၊ ဝေးခိုသီ ဝေးမူႏသီတဲင် ငွိုးဗာႏဖိုလဲဥ်း၊ ဖူးခိုသီး ဖူးမူႏသီတွော့ꩻ ငွိုးဗာႏဖိုလဲဥ်း၊ ပိုခိုသီ ပိုမူႏသီတဲင် ငွိုးဗာႏဖိုလဲဥ်း၊ လီꩻခိုသီ လီꩻမူႏသီတွော့ꩻ ငွိုးဗာႏဖိုလဲဥ်းသွူ။ ရဟန်ꩻသီးဖုံႏဟွေး- - ဉာတိဗျသနံ ပစ္စနုဘူတံ- ဖူးဝေးသီတဲင် ငွိုးဗာႏဖိုလဲဥ်းသွူ၊ - ဘောဂဗျသနံ ပစ္စနုဘူတံ- တခြိုꩻသွုမ်ꩻခြေင်တွော့ꩻ ငွိုးဗာႏဖိုလဲဥ်းသွူ၊ - ရောဂဗျသနံ ပစ္စနုဘူတံ- ရောႏဂါႏလွဥ်တွိုးတဲင် ငွိုးဗာႏဖိုလဲဥ်းသွူ၊ - ရောဒန္တာနံ အဿု ပဂ္ဃရိတံ- ကငွိုးဗာႏထာꩻ ဝွေꩻသီးမဲ့ထီဖုံႏနောဝ်ꩻ - - န တွေဝ စတူသု မဟာသမုဒ္ဒေသု ဥဒကံ - ထီလစ်ꩻသမုဒ္ဒရာႏ တကာႏတဝ်း အာလဲဥ်းက ထီလစ်ꩻသမုဒ္ဒရာႏနောဝ်ꩻသွူ။ ရဟန်ꩻသီးဖုံႏဟွေး- - အနမတဂ္ဂေါယံ ဘိက္ခဝေ သံသာရော- သံသရာႏယို အစ(အထျꩻ)နဝ်ꩻ တသေထွꩻတဝ်း၊ - အလမေဝ သဗ္ဗသင်္ခါရေသု နိဗ္ဗိန္ဒိတုံ၊ ၀ိရဇ္ဇိတုံ၊ ဝိမုစ္စိတုံ- သီအဝ်ႏလိုႏ ဗွိုႏအန်ꩻငါႏလဲဥ်း သင်္ခါရ၊ ဖေႏကလွစ်ထန်ႏလꩻ သင်္ခါရနဝ်ꩻ ကုသိုလ်ႏလိုႏမာꩻ၊ လိုႏအားထွုတ်ငါႏလဲဥ်း တရာꩻနောဝ်ꩻသွူ။ (သုတ္တန်ႏပိဋကတ်၊ နိဒါနသံယုတ်ပါဠိ၊ အဿုသုတ်)[1][2]

အာႏကွိုꩻ[edit | edit source]

  1. လိတ်ဗွောင်မဲ့နား(၇၃)
  2. ဗွေႏဗွန်-ကောဝိဒ(သီႏသဲင်ႏ)