Wp/blk/ငဝ်းငွါလင်္ကာႏ-မင်္ဂလာႏ

From Wikimedia Incubator
< Wp‎ | blkWp > blk > ငဝ်းငွါလင်္ကာႏ-မင်္ဂလာႏ

ငဝ်းငွါလင်္ကာႏ-မင်္ဂလာႏ ၁။ ပိုခိုမောင်ႏဟွေး - မတ်တောင်ꩻစွေး၊ မွိုးဖါထွာနီ - ဆုမ္မꩻသီ။

၂။ သုမ်ဆီသွစ်ꩻဗာႏ - မင်္ဂလာႏ၊ သွဥ်ထူႏမတ်နေး - ပိုခိုဟွေး။

၃။ လိုꩻမွိုက်နဝ်ꩻလဲ့ - သျောင်ႏညာꩻတဲ့၊ ပညာႏသျိထျꩻ - ဆဲꩻကပ်မꩻ။

၄။ သုမ်ပါꩻရတနာႏ - မွိုးတွမ်ႏဖါ၊ ဆရာႏနဝ်ꩻဟွေး - ရိုႏသေႏမွေး။

၅။ ရွဥ်တောင်ꩻဥစ္စာႏ - တွမ်ႏပညာႏ၊ လꩻဒါႏအရပ် - အုံအဝ်ႏကပ်။

၆။ ဆုဲင်ꩻချာအတာႏ - ယမ်ချမ်ꩻသာႏ၊ ကျိုꩻစာꩻမꩻသေꩻ - ကုသိုလ်ႏရေꩻ။

၇။ သီႏလငတ်ꩻဗာႏ - နမ်းကျင်ꩻတာႏ၊ ကမ်လꩻလꩻမွေး - ပိုခိုဟွေး။

၈။ ဒါႏထွိုက်ဒါႏသင်ꩻ - ဉာဏ်ႏသွဥ်လင်ꩻ၊ ဟွုန်ထီႏပညာႏ - ယမ်အာဗာႏ။

၉။ ကျင်ꩻလင်ꩻယမ်ဒါႏ - နမ်းသိက္ခာႏ၊ ယမ်သေဒါႏစဲင်း - သွဥ်ထဲင်းထဲင်း။

၁၀။ ငဝ်းဟဝ်ဝါႏစာႏ - နုညံꩻဗာႏ၊ တလွိုးငဝ်းအွီႏ - ဒေါ့ꩻလင်ꩻဗွီႏ။

၁၁။ မွိုးဖါနီဆူႏ - ဒင်ႏကတူႏ၊ မာꩻလွူးရိုႏသေႏ - ရွက်ဆောင်ႏဖေႏ။

၁၂။ ပိုမာနဝ်ꩻလဲ့ - ထောက်ပမ်းတဲ့၊ အပဲစ်လွစ်ကင်ꩻ - ခွုမ်မာꩻလင်ꩻ။

၁၃။ ဒါနနဝ်ꩻဟွေး - လူႏတန်ꩻမွေး၊ အကျင်ꩻမျတ်နဝ်ꩻ - ကျင်ꩻဟဝ်ဟဝ်။

၁၄။ ဖူးဝေး တန်ပေႏ - ထောက်ပမ်းဖေႏ၊ အကုသိုလ်ႏလဲ့ - သျောင်ႏညာꩻတဲ့။

၁၅။ အပဲတ်ထွာဒါႏ - သျောင်ႏညာꩻဗာႏ၊ မီႏမော့ꩻခွဲးမꩻ - ကမ်လꩻလꩻ။

၁၆။ မွန်ꩻဗားအီဒါႏ - ဒဝ်သူႏရာႏ၊ အွꩻပုဲင်ႏနောမောင်ႏ - ကမ်းကိဥ်သျောင်ႏ။

၁၇။ နီမာန်ႏမာႏန - ချꩻဖွိုႏလွ၊ ထွိုက်ရာꩻကလꩻ - ကေႏနပ်မꩻ။

၁၈။ ဝင်ꩻလင်ကေꩻဇူꩻ - ကအဝ်ႏဖူꩻ၊ သတိꩻလꩻသွော့ - အွဥ်ႏဖေင်ꩻမွော့။

၁၉။ ကအုံနာႏဗာႏ - ချိန်ႏအခါႏ၊ (တောင်ꩻသေꩻခါꩻ)ဗဲင်း - မတ်စဲင်းစဲင်း။

၂၀။ ရွို့ꩻရန်ႏအီဒါႏ - ငဝ်းဝါႏစာႏ၊ သဲꩻခံႏနဲးမောင်ႏ - ရန်ႏကင်ꩻအောင်ႏ။

၂၁။ သူႏတောႏကောင်ꩻဆုမ္မꩻ - နာႏလွဥ်ꩻလွ၊ ရဟန်ꩻသင်္ဃာႏ - ဆဲꩻကပ်ဗာႏ။

၂၂။ နီလိုꩻချင်ꩻချင်ꩻ - တွိုင်ႏပင်ႏဝင်ꩻ၊ တရာꩻငဝ်းယာႏ - ယမ်သေဗာႏ။

၂၃။ အသက်သိက္ခာႏ - ဂုဏ်ႏတန်ဒွါႏ၊ လိုꩻဖြားနဝ်ꩻဟွေး - ရိုႏသေႏမွေး။

၂၄။ ချိုꩻချန်ဗာႏလဲ့ - အကျင်ꩻတဲ့၊ အကျင်ꩻမျတ်နဝ် - ကျင်ꩻဟဝ်ဟဝ်။

၂၅။ နိဗ္ဗာန်ႏယမ်ပေါက် - ထီႏမျက်မောက်၊ လောကဓမ်ႏသွစ်ꩻပါꩻ - သွိုးတဝ်းဗာႏ။

၂၆။ စိုꩻရိန်ႏနဝ်ꩻဟွေး - အဲန်ထဝ်းမွေး၊ လောဘလဲ့ဆေ့ꩻ - ယေန်သူႏပေ့ꩻ။

၂၇။ ဘေꩻရန်ႏလဲ့ကင်ꩻ - လွစ်ကင်ꩻသျင်ꩻ၊ နိဗ္ဗာန်ႏချမ်ꩻသာႏ - လꩻအီဗာႏ။[1][2]

အာႏကွိုꩻ[edit | edit source]

  1. စင်ꩻတန်ဓမ္မသာမိတဲမ်း
  2. သိင်္ဂါလောဝါဒသုတ်လင်္ကာႏတွမ်ႏငဝ်းဆုမ္မꩻလင်္ကာႏ