Wp/blk/ငမ်းတဝ်းဒေါ့ꩻရုဲင်း

From Wikimedia Incubator
< Wp‎ | blkWp > blk > ငမ်းတဝ်းဒေါ့ꩻရုဲင်း

"သီဟနာဒသုတ် (ငမ်းတဝ်းဒေါ့ꩻရုဲင်း-နုဲင်းချင်္သေ့ꩻ)" "ရဟန်ꩻသီးဖုံႏဟွေး- ဘုရာꩻခွေယိုနဝ်ꩻ ကဒေါ့ꩻဗွုန်ႏဒျက်ဒျက် ကဟော်ꩻဗွုန်ႏရျက်ရျက်နဝ်ꩻ (ဉာဏ်ႏတောႏစွန်ꩻ)'အာႏ'အဝ်ႏသူပါꩻ၊ သူပါꩻကရိုꩻနောဝ်ꩻ- ၁။ လောကကိုယို အကျောင်ꩻမဥ်ႏမွေးတဲ့ မွေးအတွိုင်ꩻသေ၊ အကျောင်ꩻမဥ်ႏမွေးတဝ်းတဲ့ မွေးတောဝ်းအကျောင်ꩻသေ၊ ပွိုင်း၀ွို့တွမ်ႏ'မွေး၊ မွေးတဝ်း' မဥ်ႏလွဥ်ရီပျဿနာႏနဝ်ꩻ 'မဥ်ႏမွေးတဲ့-မွေးအကျောင်ꩻ၊ မဥ်ႏမွေးတဝ်းတဲ့ မွေးတဝ်းအကျောင်ꩻ'ခွယ်ꩻချာꩻဒေါ့ꩻဖေႏဒါႏဒျက်ဒျက်နောဝ်ꩻသွူ။ ရဟန်ꩻသီးဖုံႏဟွေး- ၂။ ကလဲဥ်းလဲဥ်း-အတိတ်၊ အီႏတွိုႏငါ-အနာႏဂတ်၊ ယိုခါတွင်ꩻ-ပစ္စုပ္ပန်ႏ ကမာꩻခါꩻ'ကံႏ'၊ ကံႏဖုံႏနောဝ်ꩻအကျိုꩻနဝ်ꩻ သေစဲင်းစဲင်းစဲ့စဲ့၊ ပွိုင်းဝွို့တွမ်ႏ အတိတ် အနာႏဂတ် ပစ္စုပ္ပန်ႏ မဥ်ႏလွဥ်ရီကံႏ-ကံႏအကျိုꩻခရာႏနဝ်ꩻ ခွယ်ꩻချာꩻဒေါ့ꩻဖေႏဒါႏရျက်ရျက်နောဝ်ꩻသွူ။ ရဟန်ꩻသီးဖုံႏဟွေး- ၃။ ဈာန်ႏ၊ ဝိမောက္ခ၊ သမာဓိ၊ သမာပတ်-ဖုံႏ ကတဗော့ꩻလဲ့ꩻဗာႏအကျောင်ꩻ၊ ကစင်ဖြွိုးဗာႏအကျောင်ꩻ ကထွိုင်ႏထွူအကျောင်ꩻဖုံႏနောဝ်ꩻ သေလို့၊ ပွိုင်းဝွို့တွမ်ႏ ဈာန်ႏ ဝိမောက္ခ သမာဓိ သမာပတ်ခရာႏ မဥ်ႏလွဥ်ရီပျဿနာႏနဝ်ꩻ ခွယ်ꩻချာꩻဒေါ့ꩻဖေႏဒါႏဒျက်ဒျက်နောဝ်ꩻသွူ။ ရဟန်ꩻသီးဖုံႏဟွေး- ၄။ ခွေနမ်းတဲ့နဝ်ꩻ၊ လိုꩻလင်တဲ့နဝ်ꩻ၊ လူꩻတဲ့နဝ်ꩻ၊ ဗျဟ္မာႏတဲ့နဝ်ꩻ သတ္တဝါႏအမျိုꩻမျိုꩻတဲ့နဝ်ꩻ 'ဇာတ်ကရီးပန်အွဥ် ထွာလွဥ်နုဲင်းမုဲင်ꩻ'တဘဝတာႏနဲ့၊ နီစိုးတာႏနဲ့၊ သွံဇာတ်တာႏနဲ့၊ လစ်ꩻပန်တာႏနဲ့၊ ကားမုဲင်ꩻဘဝဝ၊ ကားမုဲင်ꩻစိုးစိုး၊ ကားမုဲင်ꩻဇာတ်ဇာတ်၊ ကားမုဲင်ꩻပန်ပန် ယူႏချာသေလို့၊ ပွိုင်းဝွို့တွမ်ႏစိုးဇာတ်ခရာႏ မဥ်ႏလွဥ်ရီပျဿနာႏနဝ်ꩻ ဒေါ့ꩻနယ်ဖေႏဒါႏရျက်ရျက်နောဝ်ꩻသွူ။ ရဟန်ꩻသီးဖုံႏဟွေး- ၅။ ခွေနဝ်ꩻလꩻ'ဒိဗ္ဗစက္ခုဉာဏ်ႏ'၊ ထီႏလွိုလဲဥ်းလိုꩻမဲ့၊ နုဲင်းလူꩻမဲ့၊ နေးတွမ်ႏဉာဏ်ႏတဲင် ပါꩻယိုမာꩻဒါႏန ကုသိုလ်ႏကံႏ၊ မာꩻသီႏလကုသိုလ်ႏကံႏ၊ မာꩻဘာႏဝနာႏကုသိုလ်ႏတဲင် ပါꩻယိုနဝ်ꩻ မဥ်ႏသီ အီႏတွိုႏလွေꩻဘွုံႏမုဲင်ꩻ၊ ဘဝမုဲင်ꩻ သေရီးလို့၊ ပါꩻယိုနဝ်ꩻ မာꩻအကုသိုလ်ႏကံႏတဲင် အီႏလွေꩻဗာႏ အပါယ်ႏလစ်ꩻခမ်းကရိုꩻနောဝ်ꩻ သေလို့၊ ပွိုင်းဝွို့တွမ်ႏ အီႏတွိုႏလွေꩻ ဘွုံႏဘဝမုဲင်ꩻ မဥ်ႏရီပျဿနာႏနုဲင်းနဝ်ꩻနဝ်ꩻ ဒေါ့ꩻနယ်ဖေႏဒါႏဒျက်ဒျက်နောဝ်ꩻသွူ။ ရဟန်ꩻသီးဖုံႏဟွေး- ၆။ ခွေယိုနောဝ်ꩻ အာသဝေါလစ်ꩻပါꩻ ကိလေႏသာႏကင်ꩻညာꩻ ထွာလဲဥ်းသွူဘုရာꩻ၊ ကိလေႏသာႏခရာႏ၊ မဂ်ဖိုလ်ႏခရာႏ သေလို့၊ ပွိုင်းဝွို့တွမ်ႏ မဂ်ဖိုလ်ႏခရာႏ၊ အရိယာႏခရာႏ၊ နိဗ္ဗာန်ႏခရာႏ မဥ်ႏလွဥ်ရီပျဿနာႏနဝ်ꩻနဝ်ꩻ စဲင်းစဲင်းစဲ့စဲ့ တဲပ်တဲပ်တဲ့တဲ့ သေႏခေါင်းသေႏချာႏ ဒေါ့ꩻဖေႏဒါႏရျက်ရျက်နောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ သီဟနာဒသုတ်) လိုꩻတွိုင်ꩻဖေႏနေးကသေနာႏ တဲမ်းဗာႏနုဲင်းယိုသွူ။[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၄၀)