Wp/blk/ခွန်ဆင်အင်္ဂါႏ၄-မျိုꩻ

From Wikimedia Incubator
< Wp‎ | blkWp > blk > ခွန်ဆင်အင်္ဂါႏ၄-မျိုꩻ

"နာဂသုတ် (ခွန်ဆင်အင်္ဂါႏ ၄-မျိုꩻ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီး တရာꩻနုဲင်းယို- ရဟန်ꩻသီးဖုံႏဟွေး- ဆင်ထီးတန်နဝ်ꩻ ဗွေစွုမ်ႏတွမ်ႏ အင်္ဂါႏလစ်ꩻမျိုꩻ (အချက်လစ်ꩻချက်)နဝ်ꩻမꩻ ထွာထွိုက်ခွန်ဆင်နဝ်ꩻသွူ။ အင်္ဂါႏလစ်ꩻမျိုꩻ အချက်လစ်ꩻမချက်ကရိုꩻနဝ်ꩻ- ၁။ နာဂေါ သောတာ စ ဟောတိ- ဆင်ထီးတန်နဝ်ꩻ နာႏဗာႏ ထိန်ꩻဆင်သားငေါဝ်း။ ၂။ နာဂေါ ဟန္တာ စ ဟောတိ- ဆင်ထီးတန်နဝ်ꩻ မာꩻသီဗာႏရန်ႏသူႏ ၃။ နာဂေါ ခန္တာ စ ဟောတိ- ဆင်ထီးတန်နဝ်ꩻ ယွုန်းယောသယ်ꩻခံႏဗာႏ။ ၄။ နာဂေါ ဂန္တာ စ ဟောတိ- ဆင်ထီးတန်နဝ်ꩻ လွေꩻတွိုႏတွိုႏဗာႏ၊ ခွန်ဆင်ထီးတန် အင်္ဂါႏအဝ်ႏလစ်ꩻမျိုꩻ နုဲင်းနောဝ်ꩻသွူ။ ရဟန်ꩻသီးဖုံႏဟွေး- ရဟန်ꩻထူꩻရဟန်ꩻမျတ်တဲ့ အချက်အဝ်ႏလစ်ꩻချက် ဗွန်ပီနုဲင်းဆင်ထီးတန်နဝ်ꩻနေနေ၊ ဗွန်ပီနုဲင်းမုဲင်ꩻနဲတဲင်- ၁။ ခွန်ဆင်ထီးတန်နောဝ်ꩻ မာꩻဗာႏဖိုတဲ့နဝ်ꩻ၊ မာꩻဗာႏဖိုတဝ်းတဲ့နဝ်ꩻ ထိန်ꩻဆင်သား ကထွဥ်ႏမာꩻအတွိုင်ꩻ မာꩻဗာႏ၊ နာႏဗာႏ ထိန်ꩻဆင်သားငေါဝ်း၊ အနုဲင်းနဝ်ꩻနေနေ ရဟန်ꩻထူꩻ ရဟန်ꩻမျတ်နဝ်ꩻ နာႏဒျာႏ ဗွေႏဘုရာꩻစီꩻကန်ꩻ၊ နာႏဒျာႏ ဗွေႏဘုရာꩻ အဆွုံꩻအမꩻနောဝ်ꩻသွူ။ ၂။ ဆင်ထီးတန်နဝ်ꩻ စဲ့ꩻတွိုက်ꩻပွယ်ꩻကို မာꩻသီဗာႏရန်ႏသူႏဆင်၊ ရန်ႏသူႏသေ၊ ရန်ႏသူႏစဲ့ꩻဖုံႏနဝ်ꩻသွူ၊ အနုဲင်းနဝ်ꩻနေနေ ရဟန်ꩻထူꩻ ရဟန်ꩻမျတ်နဝ်ꩻ ကာမဝိတက် (လောဘ)၊ ဗျာပါဒဝိတက်(ဒေါသ)စတဲင် သꩻကိုထာꩻယူႏ ကိလေႏသာႏရန်ႏသူႏ (အကုသိုလ်ႏ)ဖုံႏနဝ်ꩻ ပယ်ႏထိုꩻ၊ ယားထိုꩻ၊ မာꩻသီထိုꩻဗာႏနဝ်ꩻသွူ။ ၃။ ဆင်ထီးတန် ကနွို့တွိုက်ꩻပွယ်ꩻနဝ်ꩻ ဗင်ဗာႏ၊ နꩻဗာႏ၊ ပြာႏဗာႏ-စတဲင်ဒုက္ခဖုံႏနောဝ်ꩻ ယွုန်းယောသယ်ꩻခံႏဗာႏ၊ အနုဲင်းနဝ်ꩻနေနေ ရဟန်ꩻထူꩻ ရဟန်ꩻမျတ်နဝ်ꩻ အခွꩻအလျား ဥတုတံႏ၊ တခြေ့အဲင်ႏ-စတဲင် ထာꩻသားအဲင်ႏတံႏ၊ ငေါဝ်းသဲ့ꩻသွမ်ꩻတံႏ၊ အယပ်ꩻအခုဲင်ႏ အမျိုꩻမျိုꩻတံႏဖုံႏနဝ်ꩻ ယွုန်းယောသယ်ꩻခံႏဗာႏနောဝ်ꩻသွူ။ ၄။ ဆင်ထီးတန်နဝ်ꩻ မဥ်ဗော့ꩻဗော့ꩻ မဥ်ညာꩻညာꩻ ထိန်ꩻဆင်သား ကထွဥ်ႏလွေꩻအတွိုင်ꩻ လွေꩻတွိုႏတွိုႏဗာႏ၊ အနုဲင်းနဝ်ꩻနေနေ ရဟန်ꩻထူꩻ ရဟန်ꩻမျတ်နဝ်ꩻ နီဗွေႏဘုရာꩻ ကထွဥ်ႏအတွိုင်ꩻ ယံကလꩻမဂ်ဖိုလ်ႏ၊ ယံကတွိုႏနိဗ္ဗာန်ႏ၊ အဝ်ႏကျံႏအဝ်ႏကျိုꩻစာꩻ၊ အဝ်ႏအားထွုတ်တရာꩻ၊ အဝ်ႏမာꩻကုသိုလ်ႏ၊ ရေႏလွေꩻတွိုႏတွိုႏဒျာႏ နိဗ္ဗာန်ႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ စတုက္ကနိပါတ်၊ နာဂသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၅၂)