Wp/blk/ခံႏယပ်ꩻရီးဗာႏ

From Wikimedia Incubator
< Wp‎ | blkWp > blk > ခံႏယပ်ꩻရီးဗာႏ

လောကကို ကလꩻခြေင်မျိုꩻနောဝ်ꩻ အဲဥ်ထောဝ်းသွူ။ မဥ်ႏမဲဥ်လꩻတမျိုꩻမျိုꩻတဲ့ နမ်းဖန်ဆင်ꩻ၊ နမ်းထွိုင်ႏမာꩻ၊ နမ်းကျိုꩻစာꩻမꩻသွူ။

မာꩻတောဝ်းထာꩻမာꩻတွော့ꩻ ကအောင်ႏမျင်ႏဒါႏပုဂ္ဂို လ်ႏသားသူꩻတအဲဥ်ထောဝ်းသွူ။ အောဝ်ႏဒျာႏကွို့ꩻကမာꩻထာꩻမာꩻသား အောင်ႏမျင်ႏလိုꩻနောဝ်ꩻသွူ။ လောကကိုယို အဟောဝ်တွမ်ႏအကုဲင်ရော်ꩻဝင်ꩻ၊ တွယ်ꩻဝင်ꩻသွူ။ အသွုမ်ꩻအောဝ်ႏတဲ့အောင်ႏမျင်ႏမုꩻအောဝ်ႏဗာႏ၊ အထင်ႏအောဝ်ႏတဲ့ အလင်ꩻအောဝ်ႏ၊ အယပ်ꩻအောဝ်ႏတဲ့အယိုꩻအောဝ်ႏဗာႏနောဝ်ꩻသွူ။

အဟောဝ်တွမ်ႏအကုဲင်အကျောင်ꩻတရာꩻအောဝ်ႏတွယ်ꩻရော်ꩻဝင်ꩻ နီမဥ်ႏသေနာႏခါꩻနောဝ်ꩻ အယပ်ꩻခုဲင်ႏကို နီခံႏနွောင်ꩻအာႏအောဝ်ႏ၊ပျဿနာႏအဖြေႏဖုံႏယို နီထွုမ်ႏမော့ꩻသွူ။ ထွုမ်ႏပျဿနာႏအဖြေႏမဥ်ႏဒါႏမꩻ နီကမာꩻထာꩻမာꩻတဗာႏယို အောင်ႏမျင်ႏမုꩻလꩻ၊ကာႏဖျတ်နွောင်ꩻအယပ်ꩻခုဲင်ႏကိုသွူ။

လိုꩻတွိုင်ꩻစွုမ်ႏဖြာꩻယို မဲဥ်လꩻအောင်ႏမျင်ႏမုꩻကွေးကွေး ကွဲးတွော့ꩻ ကအီႏခံႏနွောင်ꩻရီးဒါႏအယပ်ꩻအခုဲင်ႏဖုံႏယို ဆေ့ꩻခြေားငါႏသွူ။ မဥ်ႏမဲဥ်လꩻအောက်ႏမျင်ႏမုꩻတဲ့ ခံႏယပ်ꩻရီးနမ်းမꩻလꩻသွူ။ဝင်ꩻမာႏဖေႏဝင်ꩻကျိုꩻစာꩻဖေႏတွော့ꩻ ရိုꩻစွဥ်ႏလꩻ အောင်ႏမျင်ႏမုꩻတဲ့ အောင်ႏမျင်ႏမုꩻတစဲစ်တောဝ်းသွူ။နမ်းမာꩻတမွေးတောဝ်း၊နမ်းအထီအသွီႏတမွေးတောဝ်းသွူ။

ထာꩻမာꩻတဗာႏယို နီခံႏယပ်ꩻရီးမꩻ တနီꩻခါသူꩻချမ်ꩻသာႏဆုဲင်ꩻ၊အောင်ႏမျင်ႏဆုဲင်ꩻသွူ။ အောင်ႏမျင်ႏမုꩻနောဝ်ꩻ တလွင်းထိုꩻတောဝ်းနီ နီလွင်းထိုꩻရီးဒျာႏကဲဥ်းအာအာသွူ။ ကွပ်နောဝ်ꩻမꩻ ချမ်ꩻသာႏရီးယိုတယံတောဝ်း ခံႏယပ်ꩻရီးမꩻယံသွူ။[1]

အာႏကွိုꩻ[edit | edit source]

  1. ခွန်ဆန်ဗွေဟိတ် - ခမ်းတရျက်ꩻ