Wp/blk/ခရာဒိယဇာတ်

From Wikimedia Incubator
< Wp‎ | blkWp > blk > ခရာဒိယဇာတ်

'ခရာဒိယဇာတ်" ထွားသွဥ်ဟော်ꩻကျပ် ခရာဒိယဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ ပေါႏနာႏတဝ်း ပညာႏသျိငေါဝ်း၊ (ဆရာငေါဝ်း)နောဝ်ꩻ မော့ꩻဒါႏထာꩻဒုက္ခအကျောင်ꩻ၊

၂။ တွမ်ႏနီဘဝ ကလွောက်ꩻငမ်ႏဒါႏပညာႏယို မဥ်ႏတသွဥ်တဝ်း၊ မဥ်ႏတဒါႏတဝ်းနဝ်ꩻ မော့ꩻဒါႏထာꩻဒုက္ခအကျောင်ꩻ၊

၃။ တဟဝ်လွေꩻတဝ်း အခိန်ႏ၊ တလွေꩻသင်ꩻတဝ်း အရပ်သူꩻ မဥ်ႏလွေꩻနောဝ်ꩻ မော့ꩻဒါႏထာꩻဒုက္ခအကျောင်ꩻ-စတဲင်နုဲင်းနဝ်ꩻဖုံႏသွူ။

တိပလ္လတ္ထဇာတ်"

ထွားသွဥ်ဟော်ꩻကျပ် တိပလ္လတ္ထဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ ပေါႏလိုꩻလိန်ႏမာႏ ပေါႏလိုꩻနာႏငဝ်း ပေါႏလိုꩻလွိုတဝ်းစီꩻကန်ꩻ ဥပဒေႏ၊ ပေါႏထိန်ꩻတီသေႏသေႏ သီႏလသိက္ခာႏနဝ်ꩻ ဝင်ꩻကီႏညိုႏငါႏ၊ ဝင်ꩻအံႏဖြာႏမွေးစွဥ်ႏအကျောင်ꩻ၊

၂။ နာႏဆရာႏငဝ်းတဲင် မဥ်ႏကျိုꩻစာꩻသွဥ်ပညာႏနဝ်ꩻ ဒါႏမွေးစွဥ်ႏပညာႏအကျောင်ꩻ၊

၃။ မဥ်ႏဒါႏပညာႏနဝ်ꩻ မဥ်ႏမော့ꩻလွဥ် အယပ်ꩻအခုဲင်ႏ ဘေꩻအန္တရာယ်ႏတဲ့ ကာႏကွယ်ႏနွောင်ꩻ၊ လွစ်လꩻနွောင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။

"မာလုတဇာတ်" ထွားသွဥ်ဟော်ꩻကျပ် မာလုတဇာတ်ယိုတဲင် ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ-

၁။ လောကကိုယို ထာꩻယူႏထာꩻထင်းနဝ်ꩻ တဖြာꩻတွမ်ႏတဖြာꩻ တဗွန်ပီကြွို့ꩻတဝ်းလို့ဝင်ꩻအကျောင်ꩻ၊

၂။ ထာꩻယူႏ ထာꩻထင်းနဝ်ꩻ ကွပ်တဗွန်ပီတဝ်းလို့ဝင်ꩻတဲင် ထေင်အီလို့ဝင်ꩻ၊ ထွာအီဒါႏ ပျဿနာႏအကျောင်ꩻ၊

၃။ မဥ်ႏထွာလွဥ် ပျဿနာႏနုဲင်းနဝ်ꩻနဝ်ꩻ လွေꩻထေ့ဗာႏ ပညာႏသျိမျတ် ထွဥ်ႏဆွုံꩻဖျတ်ဖေႏဗာႏအကျောင်ꩻ၊

၄။ ပျဿနာႏဖုံႏနဝ်ꩻ ပညာႏအဝ်ႏသား (ပညာႏသျိသီး)ဖုံႏမꩻ မူလဘူတအစဲဥ်ႏ အမာႏအမဲဥ်ႏအတွိုင်ꩻ ဆွုံꩻဖျတ်ဖေႏနွာင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။[1][2][3]

အာႏကွိုꩻ[edit | edit source]

  1. ပအိုဝ်ႏလိတ်လုဲင်ꩻစွစ်ꩻလီတာႏအစွိုꩻ
  2. ဗွေႏဗွန်ကောဝိဒ(ဇဝနာရာမ)
  3. ဇာတ်ဝတ္ထုငတ်ꩻရျာꩻငတ်ꩻဆီအမုဲင်(၂)