Wp/blk/ကွီဆုꩻထွာခွန်ထွာရဟန္တာႏ

From Wikimedia Incubator
< Wp‎ | blkWp > blk > ကွီဆုꩻထွာခွန်ထွာရဟန္တာႏ

"ပဌမပတ္ထနာသုတ် (ကွီဆုꩻထွာခွန်-ကွီဆုꩻထွာရဟန္တာႏ)" ခွန်ပိုခိုရတနာႏနဝ်ꩻ- ၁။ မွိုးဖဲ့ꩻဖါဖဲ့ꩻ အမျိုꩻစဲစ်ဒျာႏ၊ ကွပ်ပွိုးမွိုးဖဲ့ꩻဖါဖဲ့ꩻ အမျိုꩻစဲစ်တဲင် ခွေယိုနဝ်ꩻ မွိုးစဲစ်ဖါစဲစ်ဒျာႏ၊ ခံႏဗာႏတဝ်း ဝင်ꩻပယ်ႏ၊ 'ခွေယို ဖေႏနေးကထွာဗာႏသွော့ ခွန်နော'ဆုတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။ ၂။ ခွန်ပိုခိုရတနာႏနဝ်ꩻ နမ်းခြွိုင်ႏ၊ ယောင်ꩻဆင်ꩻတရေꩻတဲင် ခွေယိုနဝ်ꩻ နမ်းခြွိုင်ႏ၊ ယောင်ꩻဆင်ꩻတရေꩻဒျာႏ၊ သေန်ႏဒျာႏခွန် 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။ ၃။ ခွန်ပိုခိုရတနာႏနဝ်ꩻ မွိုးဖါရက်၊ ဖူးဝေးရက်တဲင် ခွေယိုနဝ်ꩻ မွိုးဖါရက်၊ ဖူးဝေးရက်ဒျာႏ၊ ခွေအဗာႏထွာခွန် 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။ ၄။ ခွန်ပိုခိုရတနာႏနောဝ်ꩻ ဒုံသားရက်၊ ဝေင်ꩻသားရက်၊ ခမ်းသားထီသားရက်တဲင် ခွေယိုနောဝ်ꩻ ဒုံသားဝေင်ꩻသားရက်၊ ခမ်းသားထီသားရက်ဒျာႏ၊ ခွေအဗာႏထွာခွန်၊ 'ခွေယို ဖေႏနေးကထွာသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။ ၅။ ခွန်ပိုခိုရတနာႏနောဝ်ꩻ ခွန်တပါꩻ ကဒါႏထွိုက် ကဒါႏသင်ꩻ ပညာႏနဝ်ꩻ ဒါႏဒျာႏတဲင် အုပ်ခမ်းအုပ်ထီနွောင်ꩻဒျာႏ၊ 'ခွေယို ဖေႏနေးကထွာဗာႏသွော့ ခွန်နော'ဆုꩻတောင်ꩻမောင်ꩻကော့ꩻ ကွီဆုꩻထွာခွန်နုဲင်းနောဝ်ꩻသွူ။ ရဟန်ꩻသီးဖုံႏဟွေး- အဗွန်ပီနုဲင်း ခွန်ပိုနဝ်ꩻနေနေ၊ အင်္ဂါႏငတ်ꩻပါꩻ၊ အချက်ငတ်ꩻချက် ကဗွေဒါႏ ရဟန်ꩻနဝ်ꩻ အကွီဆုꩻရဟန္တာႏနေနေသွူ၊ အင်္ဂါႏငတ်ꩻပါꩻ၊ အချက်ငတ်ꩻချက် နုဲင်းမုဲင်ꩻနဲတဲင်- ၁။ ရဟန်ꩻ (တပါꩻ)နဝ်ꩻ သဒ္ဓါႏတရာꩻအဝ်ႏ၊ ယွုမ်းရတနာႏသွံပါꩻ၊ ယွုမ်းသဗ္ဗညုတဉာဏ်ႏတဲင် ခွေယိုနဝ်ꩻ သဒ္ဓါႏတရာꩻအောဝ်ႏ၊ ယွုမ်းရတနာႏသွံပါꩻ၊ ယွုမ်းသဗ္ဗညုတဉာဏ်ႏ၊ တန်ႏထွာဒျာႏရဟန္တာႏ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။ ၂။ ရဟန်ꩻနဝ်ꩻ ထာꩻဆာအဲဥ်ထဝ်း၊ ရောႏဂါႏကင်ꩻ၊ ခြွိုင်ႏသန်ꩻရေꩻဟောဝ်၊ အားထွုတ်တရာꩻတဲင် ခွေယို ထွာနွောင်ꩻဒျာႏရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနဝ်ꩻသွူ။ ၃။ ရဟန်ꩻနဝ်ꩻ စွို့ꩻစွဥ်ႏဒျာႏ၊ ဆရာႏလောင်း၊ သွꩻခွလောင်း အမွေးအမဲဥ်ႏအတွိုင်ꩻ မာꩻဒျာႏ၊ ဒေါ့ꩻဒျာႏ၊ အားထွုတ်တရာꩻတဲင် ခွေယို ထွာနွောင်ꩻရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။ ၄။ ရဟန်ꩻနဝ်ꩻ မာꩻတဝ်းအကုသိုလ်ႏ၊ မာꩻဒျာႏကုသိုလ်ႏ၊ အားထွုတ်မွေးတရာꩻတဲင် ခွေယို ထွာနွောင်ꩻရဟန္တာႏ၊ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။ ၅။ ရဟန်ꩻနဝ်ꩻ ပညာႏအဝ်ႏ၊ အားထွုတ်မွေးတရာꩻတဲင် မာꩻဖေ့နွောင်ꩻကိလေႏသာႏ ဝိပဿနာႏဉာဏ်ႏ ပညာႏအဝ်ႏတွော့ꩻ ခွေယိုထွာနွောင်ꩻရဟန္တာႏ 'ခွေယို ဖေႏကထွာသွော့ ရဟန္တာႏနော'ကွီဆုꩻရဟန္တာႏနုဲင်းနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ ပဌမပတ္ထနာသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၉၈)