Wp/blk/ကော့ꩻမောင်ꩻတလꩻတဝ်းငတ်ꩻမျိုꩻ

From Wikimedia Incubator
< Wp‎ | blkWp > blk > ကော့ꩻမောင်ꩻတလꩻတဝ်းငတ်ꩻမျိုꩻ

"အလဗ္ဘနီယဌာနသုတ် (ကော့ꩻမောင်ꩻတလꩻနွောင်ꩻတဝ်း အဝ်ႏငတ်ꩻမျိုꩻ)" နီဗွေႏဘုရာꩻဟော်ꩻဖေႏ ဗွေႏရဟန်ꩻသီးဖုံႏ တရာꩻနုဲင်းယို- "ရဟန်ꩻသီးဖုံႏဟွေး- ကော့ꩻမောင်ꩻတလꩻနွောင်ꩻတဝ်းနဝ်ꩻ အဝ်ႏငတ်ꩻမျိုꩻ၊ ငတ်ꩻမျိုꩻကရိုꩻနဝ်ꩻ- ၁။ 'မာ ဇီရီ'တိ အလဗ္ဘနီယံ ဌာနံ- 'ခွေဖေႏနေး ကဖြားမွုန်းသွော့နော' လꩻတောဝ်း။ ၂။ 'မာ ဗျာဓီယီ'တိ အလဗ္ဘနီယံ ဌာနံ- 'ခွေဖေႏနေး ကဆာမွုန်းသွော့နော' လꩻတောဝ်း။ ၃။ 'မာ မီယီ'တိ အလဗ္ဘနီယံ ဌာနံ- 'ခွေဖေႏနေး ကသီမွုန်းသွော့နော' လꩻတောဝ်း။ ၄။ 'မာ ခီယီ'တိ အလဗ္ဘနီယံ ဌာနံ- 'ဖေႏနေး ကလို့မွုန်းသွော့နော' လꩻတောဝ်း။ ၅။ 'မာ နဿီ'တိ အလဗ္ဘနီယံ ဌာနံ- 'ဖေႏနေး ကကုဲင်မွုန်းသွော့နော' လꩻတောဝ်း။ ကော့ꩻမောင်ꩻတလꩻတဝ်းနဝ်ꩻ အဝ်ႏငတ်ꩻမျိုꩻနုဲင်းနဝ်ꩻသွူ။ ရဟန်ꩻသီးဖုံႏဟွေး- ၁။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကဖြားမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ ကားသတ္တဝါႏဖုံႏနဝ်ꩻ 'ဖြားဗာႏလွဥ်းလွဥ်းမွော့ဟွေး'ဆင်ႏချင်ႏယူႏနုဲင်းနဝ်ꩻတဲင် ထူႏလွသွော့ သံဝွေႏဂ၊ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။ ၂။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကဆာမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ 'ဆာဗာႏလွဥ်းလွဥ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။ ၃။ လောကကိုယို ပါꩻမုဲင်ꩻခန်းတဲ့ယဝ်း 'ခွေဖေႏနေး ကသီမွုန်းသွော့နော'ကော့ꩻမောင်ꩻနုဲင်းနောဝ်ꩻ တလꩻနွောင်ꩻတဝ်း၊ 'သီဗာႏလွဥ်းလွဥ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။ ၄။ လောကကိုယို 'ကလို့ဒါႏအမျိုꩻနဝ်ꩻ အလို့ဒါႏလွဥ်းလွဥ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။ ၅။ လောကကိုယို 'ကကုဲင်ဒါႏအမျိုꩻနဝ်ꩻ အကုဲင်ဒါႏလွဥ်းလွဥ်းမွော့ဟွေး'ဆင်ႏချင်ႏယူႏနုဲင်းနဝ်ꩻတွော့ꩻ ထူႏလွသွော့ သံႏဝွေႏဂ (မာꩻမွိုင်မွိုင်သွော့ ဒါႏန၊ သီႏလ၊ ဘာႏဝနာႏ)။ ရဟန်ꩻသီးဖုံႏဟွေး- လောကကိုယို နဝ်ꩻငတ်ꩻမျိုꩻနဝ်ꩻ ကော့ꩻမောင်ꩻတလꩻနွောင်ꩻတဝ်းတွော့ꩻ ဒုက္ခသယ်ꩻခံႏ ယံကလꩻနိဗ္ဗာန်ႏနဝ်ꩻ အဝ်ႏလိုႏအားထွုတ်တရာꩻ၊ အဝ်ႏလိုႏမာꩻကုသိုလ်ႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ပဥ္စကနိပါတ်၊ အလဗ္ဘနီယဌာနသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၁၈၂)