Wp/blk/ကူဋဝါဏိဇဇာတ်

"ကူဋဝါဏိဇဇာတ်" ထွားသွဥ်ဟော်ꩻကျပ် "ကူဋဝါဏိဇဇာတ်"ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနဝ်ꩻ"

၁။ ထာꩻတဟောဝ်တဝ်းယို သꩻကိုမဥ်ႏစွယ်ꩻခြꩻလꩻနဝ်ꩻ အီႏပယ်ႏထိုꩻနဝ်ꩻ ယပ်ꩻတန်၊ ပါလွေꩻဒါႏ ဘဝအသွုပ်သွုပ်-

၂။ ထာꩻအံႏနောဝ်ꩻ ဖန်းလို့ဝင်ꩻယိုꩻတဲ့ တခြိုꩻနဝ်ꩻ ဖန်းလို့ဝင်ꩻယပ်ꩻတန်၊ ပေါႏစူꩻသꩻလောဘနဝ်ꩻ တရျား' တတွာ အီႏထွာဗာႏ တယိုꩻတောဝ်း-

၃။ မဥ်ႏထွာနုဲင်း သꩻရိုꩻရိုꩻနဝ်ꩻ မာꩻသီလိုꩻ တဗွိုန်ႏတောဝ်းတဲ့ ပေါႏမဥ်လꩻသွူ ဝင်ꩻတခြိုꩻနဝ်ꩻ မာꩻသီလိုꩻကုဲင်းဗွိုန်ႏဒါႏ၊ အွဥ်ႏသတိꩻတိꩻဗာႏ-

၄။ ကွပ်တခြိုꩻတွော့ꩻ နီလိုꩻသီး ထေင်အိဒါႏလို့ဝင်ꩻ၊ ရွို့ꩻအီဒါႏလို့ဝင်ꩻ၊ မေတ္တာႏကုဲင်အီဒါႏလို့ဝင်ꩻ-

၅။ ယူႏသံသရာႏတဲင် မေတ္တာႏအွဥ်ႏငါ၊ တခြိုꩻအွဥ်ႏချာမꩻ ရျူႏခွꩻနွောင်ꩻအကျောင်ꩻ-စတဲင်နုဲင်းနဝ်ꩻဖုံႏသွူ။

"ပရောသဟဿဇာတ်" ထွားသွဥ်ဟော်ꩻကျပ် "ပရောသဟဿဇာတ်"ယိုတဲင် "ကလꩻအီသတိꩻ၊ ကလꩻအီပညာႏ၊ ကလꩻဒါႏ ထာꩻသေတရာꩻဖုံႏနောဝ်ꩻ"

၁။ လိုꩻပညာႏအောဝ်ႏနောဝ်ꩻ ဒေါ့ꩻဒျာႏ ငေါဝ်းအနမ်းသား၊ ဒေါ့ꩻဆေ့ꩻဆေ့ꩻပေႏလွုမ်ꩻ-

၂။ ပညာႏအောဝ်ႏသား ကဒေါ့ꩻဒါႏ ငေါဝ်းအနမးသားဆေ့ꩻဆေ့ꩻပေႏတဲ့ အဓိပ္ပါယ်ႏလွေꩻယော့တန်-

၃။ ပညာႏသား ကဒေါ့ꩻငေါဝ်း အဓိပ္ပါယ်ႏယော့ဆုံးနောဝ်ꩻ လိုꩻပညာႏအောဝ်ႏနောဝ်ꩻ သေထွꩻနွောင်ꩻဒျာႏ-

၄။ ပညာႏအဲဥ်ထဝ်းသား အဖြာꩻတရေင်ဖုံႏ အုံပြုံႏစဥ်ꩻစာꩻခန်း အနေင်ႏတရျာꩻတဲ့ တသေနွောင်ꩻတဝ်း ပညာႏသားငေါဝ်း အဓိပ္ပါယ်ႏ-

၅။ ပညာႏအဝ်ႏသားနဝ်ꩻ ယူႏစဥ်ꩻစာꩻတဆင်ႏငါတဲ့ သေစဲင်းစဲ့စွဥ်ႏ ပညာႏသားငေါဝ်း အဓိပ္ပါယ်ႏ-

၆။ လိုꩻကသေတရာꩻတဖြာꩻနဝ်ꩻ မျတ်လဲဥ်းက (ယံလဲဥ်းက) လိုꩻတသေတဝ်းတရာꩻ အဖြာꩻတရေင်-စတဲင်နုဲင်းနဝ်ꩻဖုံႏသွူ။