Wp/blk/ကုသိုလ်ႏယွမ်ꩻထိုꩻ-ယွမ်ꩻထိုꩻတဝ်း

From Wikimedia Incubator
< Wp‎ | blkWp > blk > ကုသိုလ်ႏယွမ်ꩻထိုꩻ-ယွမ်ꩻထိုꩻတဝ်း

"ပဌမနဠကပါနသုတ် (ကုသိုလ်ႏကယွမ်ꩻထိုꩻ၊ ကယွမ်ꩻထိုꩻတဝ်းအကျောင်ꩻ)" အွိုးခꩻတလဲင်ႏ- နီဗွေႏဘုရာꩻတွမ်ႏ တပဲ့ꩻသံဃာႏ ကျွꩻလွေꩻကောသလခမ်း၊ တွိုႏလွေꩻဒုံတန် 'နဠက'၊ ကျွꩻအုံပေါက်ꩻမွူးခြာ-တခြာကိုနဝ်ꩻသွူ။ ထွုံꩻစံႏအတွိုင်ꩻ ဗွေႏဘုရာꩻဟော်ꩻတရာꩻဟာ မွူးကွို့ꩻနာꩻလွဥ်ꩻသွူတဲ့ နာႏတရာꩻသား ရဟန်ꩻဖုံႏနဝ်ꩻ မဥ်ကိန်ꩻတဝ်းဒွိုန်းထာꩻ၊ အဝ်ႏမဥ်နာႏထဲင်းထဲင်းကတရာꩻ၊ ကွပ်နဝ်ꩻမꩻ နီဗွေႏဘုရာꩻရိုꩻ- "သာရိပုတ္တရာႏ- တပဲ့ꩻသံဃာႏဖုံႏနဝ်ꩻ အဝ်ႏမဥ်နာႏနေကတရာꩻ၊ နာꩻဟော်ꩻဖေႏတခါႏဟုဲင်း၊ ခွေငင်းဆာငါႏ၊ လွေꩻအွဥ်ႏစွဥ်ႏ၊ လွေꩻအွဥ်ႏသက်သာႏက ခွေငင်းယို" "ဟောဝ်သွူ ဗွေႏဩ" ဗွေႏသာရိပုတ္တရာႏ အာႏမခံႏနုဲင်းနဝ်ꩻထွူတဲင် ဟော်ꩻဖေႏ ဗွေႏရဟန်ꩻသီးတရာꩻနုဲင်းယို- "ဗွေႏသံဃာႏသီးဖုံႏဟွေး- ယူႏမွိုင်ႏ လာလောင်းတပြက်ꩻလာနဝ်ꩻဟုဲင်း၊ တနီꩻတဲ့လာလောင်း၊ ယွမ်ꩻသဲင်ꩻ၊ နီနီꩻတဲ့လောင်း၊ ယွမ်ꩻသဲင်ꩻ၊ သွံနီꩻတဲ့လောင်း ယွမ်ꩻသဲင်ꩻ၊ လာလောင်းတွင်ꩻနဝ်ꩻ အနီꩻမုဲင်ꩻမုဲင်ꩻတဲ့ယတ်း ယွမ်ꩻသဲင်ꩻယွမ်ꩻသဲင်ꩻလွဥ်းလွဥ်း။ လာဗွေတဝွိုန်ꩻဝွိုန်ꩻနဝ်ꩻ ပအီမ်သဲင်ꩻတဲင်တွော့ꩻ 'လာမား-လာထိုꩻမား'စွော့ꩻစွဥ်ႏနောဝ်ꩻသွူ။ အဗွန်ပီနုဲင်းလာလောင်းနဝ်ꩻနေနေ- လိုꩻပေါႏတယွုမ်းတဝ်း ကုသိုလ်ႏနဝ်ꩻ ကုသိုလ်ႏအဝ်ႏယွမ်ꩻသဲင်ꩻယွမ်ꩻသဲင်ꩻ၊ မာꩻသွူအကုသိုလ်ႏတဲ့ ပေါႏတဝင်ꩻသꩻတဝ်းဝင်ꩻနဝ်ꩻ ကုသိုလ်ႏအဝ်ႏယွမ်ꩻသဲင်ꩻ ယွမ်ꩻသဲင်ꩻ၊ မာꩻသွူအကုသိုလ်ႏတဲ့ ပေါႏတသေငမ်းတဝ်းနဝ်ꩻ ကုသိုလ်ႏအဝ်ႏယွမ်ꩻသဲင်ꩻ ယွမ်ꩻသဲင်ꩻ။ ပေါႏတမာꩻတဝ်း ကုသိုလ်ႏနဝ်ꩻ ကုသိုလ်ႏအဝ်ႏယွမ်ꩻသဲင်ꩻ ယွမ်ꩻသဲင်ꩻ၊ ပေါႏတသေမာꩻတဝ်း ကုသိုလ်ႏနဝ်ꩻ ကုသိုလ်ႏအဝ်ႏယွမ်ꩻသဲင်ꩻ ယွမ်ꩻသဲင်ꩻ၊ အဝ်ႏတကွစ်ꩻသဲင်ꩻ တကွစ်ꩻသဲင်ꩻ နုဲင်းလာလောင်းနောဝ်ꩻသွူ။ ဗွေႏသံဃာႏသီးဖုံႏဟွေး- ယူႏတောလာဆန်ꩻ တပြက်ꩻလာနဝ်ꩻဟုဲင်း၊ တနီꩻတဲ့ဆန်ꩻ၊ ဗွေသဲင်ꩻ၊ နီနီꩻတဲ့ဆန်ꩻ ဗွေသဲင်ꩻ၊ သွံနီꩻတဲ့ဆန်ꩻ ဗွေသဲင်ꩻ၊ လာဆန်ꩻတွင်ꩻနဝ်ꩻ အနီꩻမုဲင်ꩻမုဲင်ꩻတဲ့ယဝ်း ဗွေသဲင်ꩻ ဗွေသဲင်ꩻလွဥ်းလွဥ်း။ အဗွန်ပီနုဲင်းနဝ်ꩻနေနေ လိုꩻပေါႏယွုမ်းကုသိုလ်ႏ၊ မာꩻအကုသိုလ်ႏ ပေါႏဝင်ꩻသꩻဝင်ꩻ၊ မာꩻအကုသိုလ်ႏ ပေါႏငမ်းဝင်ꩻ၊ ပေါႏမာꩻကုသိုလ်ႏ၊ ပေါႏသေမာꩻကုသိုလ်ႏနဝ်ꩻ ကုသိုလ်ႏအဝ်ႏဗွေသဲင်ꩻ ဗွေသဲင်ꩻနုဲင်းလာဆန်ꩻနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ ပဌမနဠကပါနသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၃၃၉)