Wp/blk/ကုသိုလ်ႏကံႏအကုသိုလ်ႏ

From Wikimedia Incubator
< Wp‎ | blkWp > blk > ကုသိုလ်ႏကံႏအကုသိုလ်ႏ

"နိဒါနသုတ် (ကုသိုလ်ႏကံႏ၊ အကုသိုလ်ႏကံႏ အကျောင်ꩻတရာꩻ)" ရဟန်ꩻသီးဖုံႏဟွေး- အကုသိုလ်ႏကံႏ ကထွာအီ အကျောင်ꩻတရာꩻနဝ်ꩻ အဝ်ႏသွံပါꩻ၊ သွံပါꩻကရိုꩻနောဝ်ꩻ- ၁။ လောဘော နိဒါနံ ကမ္မာနံ သမုဒယာယ- ကွပ်လောႏဘꩻတဲင် အကုသိုလ်ႏကံႏ ထွာလွဥ်။ ၂။ ဒေါသော နိဒါနံ ကမ္မာနံ သမုဒယာယ- ပွိုးဒေါႏသꩻတွော့ꩻ အကုသိုလ်ႏကံႏ ထွာလွဥ်။ ၃။ မောဟော နိဒါနံ ကမ္မာနံ သမုဒယာယ- ကွပ်ပွိုးမောႏဟꩻတဲင်တွော့ꩻ အကုသိုလ်ႏကံႏ ထွာလွဥ်၊ ယိုသိုမ်ပါꩻဖုံႏနောဝ်ꩻသွူ။ ရဟန်ꩻသီးဖုံႏဟွေး- ၁။ ကွပ်ထာꩻမဥ်လꩻ လောႏဘꩻတဲင် 'ထာꩻမဥ်လꩻတဝ်း-အလောႏဘꩻ'နောဝ်ꩻ အမျိုꩻထွာမွေးတောဝ်း၊ ကွပ်လောႏဘꩻတဲင် အထွုံႏစံႏထွာဒျာႏ လောႏဘꩻနဝ်ꩻလွုမ်ꩻသွူ။ ၂။ ပွိုးသꩻလျားဒေါႏသꩻတွော့ꩻ 'သꩻလျားတဝ်း-အဒေါႏသꩻ'နဝ်ꩻ အမျိုꩻထွာမွေးတဝ်း၊ ပွိုးဒေါႏသꩻတွော့ꩻ အထွုံꩻစံႏထွာဒျာႏ ဒေါႏသꩻနဝ်ꩻလွုမ်ꩻသွူ။ ၃။ ကွပ်ပွိုးထာꩻလိန်းလွုမ်ꩻ မောႏဟꩻတဲင်တွော့ꩻ 'တလိန်းလွုမ်ꩻတဝ်း-အမောႏဟꩻ'နဝ်ꩻ အမျိုꩻထွာမွေးတဝ်း၊ ကွပ်ပွိုးမောႏဟꩻတဲင်တွော့ꩻ အထွုံꩻစံႏထွာဒျာႏ မောႏဟꩻနဝ်ꩻလွုမ်ꩻသွူ။ ရဟန်ꩻသီးဖုံႏဟွေး- ကွပ်လောႏဘꩻ အကုသိုလ်ႏကံႏ၊ ပွိုးဒေါႏသꩻအကုသိုလ်ႏကံႏ၊ ကွပ်ပွိုးမောႏဟꩻ အကုသိုလ်ႏကံႏဖုံႏနဝ်ꩻတဲင်တွော့ꩻ သဲင်ꩻမော့ꩻတဝ်း လိုꩻဘဝ၊ သုဂတိ(ဘွုံႏဟောဝ်)ဘဝ၊ လွေꩻမော့ꩻဒျာႏ (ငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသူႏရကာယ်ႏ) အပါယ်ႏဒုဂ္ဂတိဘဝဖုံႏနဝ်ꩻသွူ။ ရဟန်ꩻသီးဖုံႏဟွေး- ၁။ ကွပ်အလောႏဘꩻ၊ အဒေါႏသꩻ၊ အမောႏဟꩻတဲင် ကုသိုလ်ႏကံႏထွာလွဥ်၊ ပွိုးအလောႏဘꩻထွာတွော့ꩻ လောႏဘꩻထွာတဝ်း၊ ထွာဒျာႏအလောႏဘꩻ-ထွာဒျာႏထာꩻမဥ်လꩻတဝ်းလွုမ်ꩻ။ ၂။ ပွိုးအဒေါႏသꩻတဲင် ဒေါႏသꩻထွာတဝ်း၊ ထွာဒျာႏဒေါႏသꩻ-ထွာဒျာႏထာꩻသꩻလျားမွေးတဝ်းလူမ်ꩻ။ ၃။ ကွပ်ပွိုးအမောႏဟꩻထွာတဲင်တွော့ꩻ မောႏဟꩻထွာတဝ်း၊ ထွာဒျာႏအမောႏဟꩻ-ထာꩻလိန်းလွုမ်ꩻမွေးတဝ်းႏ ရဟန်ꩻသီးဖုံႏဟွေး- ကွပ်အလောႏဘꩻ ကုသိုလ်ႏကံႏ၊ ပွိုးအဒေါႏသꩻကုသိုလ်ႏကံႏ၊ ကွပ်ပွိုးအမောႏဟꩻ ကုသိုလ်ႏကံႏတဲင်တွော့ꩻ လွေꩻမော့ꩻတဝ်း (ငါးရုဲင်ꩻ၊ တိရစ္ဆာန်ႏ၊ ပိတ္တာႏ၊ အသူႏရကာယ်ႏ) အပါယ်ႏလစ်ꩻခမ်းနောဝ်ꩻသွူ။ ကွပ်အလောႏဘꩻကုသိုလ်ႏ၊ ပွိုးအဒေါႏသꩻကုသိုလ်ႏကံႏ၊ ကွပ်ပွိုးအမောႏဟꩻ ကုသိုလ်ႏကံႏတဲင်တွော့ꩻ မော့ꩻဒျာႏ လိုꩻဘဝ-သုခချမ်ꩻသာႏ၊ မော့ꩻဒျာႏ လူꩻဘဝ-သုခချမ်ꩻသာႏ၊ ဗျဟ္မာႏဘဝ-သုခချမ်ꩻသာႏ၊ တွိုႏအနာလွိုတွော့ꩻ မော့ꩻစွဥ်ႏဒျာႏ နိဗ္ဗာန်ႏချမ်ꩻသာႏနောဝ်ꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဆက္ကနိပါတ်၊ နိဒါနသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၂၂၅)