Wp/blk/ကထွာတဏှာႏ-ကထွာဝိဇ္ဇာႏ

From Wikimedia Incubator
< Wp‎ | blkWp > blk > ကထွာတဏှာႏ-ကထွာဝိဇ္ဇာႏ

"တဏှာသုတ် (ကထွာဗာႏ တဏှာႏအကျောင်ꩻ၊ ကထွာဗာႏ ဝိဇ္ဇာႏအကျောင်ꩻ)" ရဟန်ꩻသီးဖုံႏဟွေး- ပေါႏတဆယ်ꩻကပ်တဝ်း သူႏတောႏကောင်ꩻ၊ ပေါႏတပေါင်ꩻတောဝ်း လိုꩻမျတ်နောဝ်ꩻ နာႏဗာႏတဝ်း သူႏတောႏကောင်ꩻတရာꩻ၊ ပေါႏနာႏဗာႏတဝ်း သူႏတောႏကောင်ꩻတရာꩻနဝ်ꩻ သဒ္ဓါႏတရာꩻအဲဥ်ထဝ်း၊ (ယွုမ်းအံႏတဝ်း ဘုရာꩻ တရာꩻ သံႏဃာႏ ကံႏ ကံႏအကျိုꩻ)။ ပေါႏသဒ္ဓါႏတရာꩻအဲဥ်ထဝ်းနဝ်ꩻ အယောနိသော မနသိကာရ-အွဥ်ႏသꩻဒါႏတဝ်း၊ ပေါႏအွဥ်ႏသꩻဒါႏတဝ်းနဝ်ꩻ သတိꩻအဲဥ်ထဝ်း၊ ထာꩻဆင်ႏချင်ႏဉာဏ်ႏအဲဥ်ထဝ်း၊ ပေါႏသတိꩻအဲဥ်ထဝ်း ထာꩻဆင်ႏချင်ႏဉာဏ်ႏအဲဥ်ထဝ်းနဝ်ꩻ သေထိန်ꩻတဝ်းဣန္ဒြေႏ၊ ပေါႏထိန်ꩻတဝ်းဣန္ဒြေႏနဝ်ꩻ- ကာယဒုစရဲက်၊ ဝစီဒုစရဲက်၊ မနော်ꩻဒုစရဲက် ဒုစရဲက်ယိုသွံပါꩻထွာ၊ ပေါႏဒုစရဲက် ယိုသွံပါꩻထွာနဝ်ꩻ နီဝရဏတရာꩻငတ်ꩻပါꩻ (ကာမစ္ဆန္ဒနီဝရဏ၊ ဗျာပါဒနီဝရဏ၊ ထိနမိဒ္ဓနီဝရဏ၊ ကုက္ကုစ္စနီဝရဏ၊ ဝိစိကိစ္ဆာနီဝရဏ)ဖုံႏယိုထွာ၊ ပေါႏနီဝရဏတရာꩻငတ်ꩻပါꩻဖုံႏယို ထွာနဝ်ꩻ 'အဝိဇ္ဇာႏ'ထွာ၊ ထွာလွဥ်အရန်းရန်း နုဲင်းနဝ်ꩻသွူ။ ရဟန်ꩻသီးဖုံႏဟွေး- ပေါႏတဆယ်ꩻကပ် သူႏတောႏကောင်ꩻ၊ ပေါႏပေါင်ꩻလိုꩻမျတ်နဝ်ꩻ နာႏဗာႏ သူႏတောႏကောင်ꩻတရာꩻ၊ ပေါႏနာႏဗာႏ သူႏတောႏကောင်ꩻတရာꩻနဝ်ꩻ သဒ္ဓါႏတရာꩻအဝ်ႏ၊ (ယွုမ်းအံႏ ဘုရာꩻ တရာꩻ သံႏဃာႏ ကံႏ ကံႏအကျိုꩻ)။ ပေါႏသဒ္ဓါႏတရာꩻအဝ်ႏနဝ်ꩻ ယောနိသော မနသိကာရ-အွဥ်ႏသꩻဒါႏ၊ ပေါႏအွဥ်ႏသꩻဒါႏနဝ်ꩻ သတိꩻအဝ်ႏ၊ ထာꩻဆင်ႏချင်ႏဉာဏ်ႏအဝ်ႏ၊ ပေါႏသတိꩻအောဝ်ႏ ထာꩻဆင်ႏချင်ႏဉာဏ်ႏအဝ်ႏနောဝ်ꩻ သေထိန်ꩻဣန္ဒြေႏ၊ ပေါႏသေထိန်ꩻဣန္ဒြေႏနဝ်ꩻ- ကာယသုစရဲက်၊ ဝစီသုစရဲက်၊ မနော်ꩻသုစရဲက် သုစရဲက်ယိုသွံပါꩻထွာ၊ ပေါႏသုစရဲက် ယိုသွံပါꩻထွာနဝ်ꩻ သတိပဌာန်ႏတရာꩻလစ်ꩻပါꩻ (ကာယာနုပဿနာသတိပဌာန်၊ ဝေဒနာနုပဿနာသတိပဌာန်၊ စိတ္တာနုပဿနာသတိပဌာန်၊ ဓမ္မာနုပဿနာသတိပဌာန်)ဖုံႏယိုထွာ၊ ပေါႏသတိပဌာန်ꩻတရာꩻ လစ်ꩻပါꩻထွာနဝ်ꩻ- ဗောဇ္ဈင်တရာꩻနွုတ်ꩻပါꩻ (သတိသမ္ဗောဇ္ဈင်၊ ဓမ္မဝိစယသမ္ဗောဇ္ဈင်၊ ဝီရိယသမ္ဗောဇ္ဈင်၊ ပီတိသမ္ဗောဇ္ဈင်၊ ပဿဒ္ဓိသမ္ဗောဇ္ဈင်၊ သမာဓိသမ္ဗောဇ္ဈင်၊ ဥပေက္ခာသမ္ဗောဇ္ဈင်)ထွာ၊ ပေါႏဗောဇ္ဈင်တရာꩻနွုတ်ꩻပါꩻထွာနောဝ်ꩻ 'ဝိဇ္ဇာဝိမုတ္တိ'ထွာ၊ ထွာလွဥ်အရန်းရန်းနုဲင်းနောဝ်ꩻသွူ။ ကာယသုစရဲက် ၃-ပါꩻ ပါဏာတိပါတာ ဝေရမဏိ၊ အဒိန္နာဒါနာ ဝေရမဏိ၊ ကာမေသုမိစ္ဆာစာရာ ဝေရမဏိ-ယိုသွံပါꩻသွူ။ ဝစီသုစရဲက် ၄-ပါꩻ မုသာဝါဒါ ဝေရမဏိ၊ ပိသုဏဝါစာ ဝေရမဏိ၊ ဖရုသဝါစာ ဝေရမဏိ၊ သမ္ဖပ္ပလာပါ ဝေရမဏိ-ယိုလစ်ꩻပါꩻဖုံႏသွူ။ မနော်သုစရဲက် ၃-ပါꩻ အနဘိဇ္ဈာ၊ အဗျာပါဒ၊ သမ္မာဒိဋ္ဌိ-ယိုသိုမ်ပါꩻသွူ။ (သုတ္တန်ႏပိဋကတ်၊ အင်္ဂုတ္တရပါဠိ၊ ဒသကနိပါတ်၊ တဏှာသုတ်)[1][2]

အာႏကွိုꩻ[edit | edit source]

  1. ဗွေႏဗွန်-ကောဝိဒ(သီႏသဲင်ႏ)
  2. လိတ်ဗွောင်မဲ့နား(၃၃၇)