Wp/bew/Amben

Selamet Dateng di Wikipédia basa Betawi
Ensiklopédi perdèo nyang kena dikeja ama didangdanin ama sapa aja.

Sekarang udah ada 118 tulisan paké basa Betawi

Tulisan ngetop

Pasal Wikipédia

Ini ièlah kumpulan pelampang jajalan bakal Wikipédia basa Betawi. Segala macem sudara-sudara punya tanggepan, wabilkusus deri sesama orang Betawi pasti bakal diargain. Permèntaan bakal ngeja Wikipédia basa Betawi bakal diakur ama Wikimedia Foundation kalo uda cukup isi tulisannya. Seumpamanya uda diakur, isi tulisannya nyang pada di mari bakalan diangkat ke Wikipédia nyang beneran.

Adapun kaèdah tulis nyang dipaké di dalem "pakemnya" ini pelampang punya tulisan ièlah kaèdah nyang tulis nyang ngerangkul (basa Indonésia: inklusif) macem-macem basa Betawi punya ragem. Jadi, misalnya, kalo di Kota punya logat biasanya di ujungnya pada maké -è èn laèn bilangan, kaya’ Bekasi, makénya -a, mangka di mari tetep dipaké tulisan akiran -a, bagèn kata dibacanya laèn-laèn mengrikut logat sendèwèk (kecuali kalo èmang dibutuin bakal nongolin ciri kehasan setempat). Adapun pemakéan laèn-laèn tenger hurup (basa Indonésia: diakritik) mengrikut ama èjaan nyang dipaké di dalem C.D. Grijns punya kitab Jakarta Malay (1991) èn Abdul Chaèr punya kamus Kamus Dialek Jakarta (2009), ya’entu dengen aturan è bakal poném /ɛ/ èn é – /e/.

Setil basa kita punya paké ièlah setil campuran antèro ragem tulis Betawi, sepagémana ada dalem naskah-naskah, kitab-kitab Betawi lama, sastra-sastra Betawi, basa lakon Betawi, sepagémana dalem lènong, èn basa saban-sarian. Selaèn entu, lantaran belon adanya pakem bakal basa Betawi tulis, campur baur antèro basa Betawi punya ragem, kaya’ ragem Kota, Bekasi, ènsb., juga’ diarepin, biar kajanah antèro ragem-ragem basa Betawi semingkin ngelèbar. Kata-kata kolot (basa Indonésia: arkais) èn kata-kata rekaan anyar (basa Indonésia: neologisme) juga’ bolé dipaké bakal cari pantesan nyang pas ama ngeja kaya’ kita punya basa.

–Poko’nya apa baé nyang paling baè’ bakal kemajuan basa Betawi, bagèn bisa ngadepin melingsatnya jaman.

Semua nyang nyumbang tulisan Wikipédia basa Betawi diarepin agar supaya bikin tulisan nyang mutunya baè’ punya nyang setumbra-tumbranya.

Projek lainnye