Jump to content

Wp/bew/Jaketra

From Wikimedia Incubator
< Wp‎ | bew
(Redirected from Wp/bew/Jayakarta)
Wp > bew > Jaketra
Péta Bèntèng Betawi di Jaketra

Jaketra (hurup Arap gundul: جاکترا) atawa Jayakarta (جياکرتا) nya'entu nama kolotnya deri kota Jakarta nyang sebelonnya dinamain Sunda Klapa. Ini nama dikasi ama Kanjeng Sunan Sarip Hidayatullah (Sunan Gunung Jati) ama dia punya mantu nama Patahillah abisnya naklukin Sunda Klapa. Itu waktu, Kerajaan Pesundan sekutuan ama Portugis di Sunda Klapa, ampé dia pada kalah ama soldadu Kanjeng Sunan Sarip Hidayatullah ama Patahillah. Nama "Jayakarta" sendiri sebenernya deri dua kata basa Sangsekerta nyang disusun paké caranya Jawa Kuna, ya'entu जय jaya 'kemenangan' èn कृत kṛta 'nyang sudah dikeja', ya'entu: 'kemenangan nyang rampung'. Orang Peringgi[1] pada taunya ni kota namanya Jacatra. Selamanya jaman penjajahan Welanda, ni nama sebenernya kaga' bener-bener dibuang, mar masing dipaké dalem beberapa kontèks.

Ruju'an

  1. Orang Peringgi (hurup Arap gundul: اورڠ فريڠݢى) – bangsa Eropa (Indo.); European (Ing.)