Wp/bew/Jakartè

From Wikimedia Incubator
< Wp‎ | bewWp > bew > Jakartè
Jump to navigation Jump to search
Gambar Jakartè, dari atas ke bawah: Gedung Stadhuis Batavia di Kotè Tuè Jakartè/Betawi, Patung Selamat Datang di Bunderan Hotél Indonésia, Pemandangan langit Jakartè dengen Wisma 46 di tengè, Stadion Gelora Bung Karno, Taman Budayè Indonésia Taman Mini Indonésia Indah, Monumèn Nasional, Istana Kepresidènan Merdéka, Mesjid Istiqlal.

Jakartè atawè namè resminyè Daerah Khusus Ibukota Jakarta '- ibukotè amè kotè nyang paling gedé di Indonésia. Ini kotè - atu-atunyè kotè di Indonésia nyang gablek kewontenan setingkat Provinsi. Jakartè adènyè di pesisir celè bumi blèlir Pulau Jawè. Dulunyè pernè benamè Sundè Klapè (sebelon 1527), Jayakarta (1527-1619), Batavia (Betawi)/Batauia, atau Jaccatra (1619-1942), amè Djakarta (1942-1972). Ini kotè bebatian amè Laot Jawe blèlir, Bekasi blètan, Dèpok beludik, amè Tangerang bekulon. Jakartè punyè orang aseli ntuh orang Betawi. Basè aselinyè ntuh Basè Betawi.

Jakartè luasnyè kurang-lebi 661,52 km² (laotan: 6.977,5 km²). Ini kotè punyè jumlè penduduk sebanyak 9.607.787 orang slamènyè taon 2010. Gubernurnyè nyang sekarang yantu Anies Baswédan

Sejarènyè[edit]

Sundè Klapè (397–1527)[edit]

Jakartè dulunyè - bandar Keraja'an Sundè nyang namaèyè Sundè Klapè (dalem basè Sundè: Sunda Kalapa), nyang letaknyè di ilir Sungai Ciliwung. Orang Portegis punyè katè, Sundè Klapè 'ntu salè atu bandar empunyè Keraja'an Sundè, slaèn Bandar Banten, Pontang, Cigedé, Tamgara, amè Cimanuk. Sundè Klapè dalem entu tulisan dianggep bandar nyang paling penting lantaran kenè diliwatin dari ibukotè keraja'an nyang namanyè Dayo atawè Dayeuh dalem tèmpo dua ari ajè. Keraja'an Sundè entu kendiri lanjutan daripadè Keraja'an Tarumanegarè di abad ke-5, jadinyè ni bandar kirè-kirè udè adè sedari abad ke-5 èn orang katè mengrupain Tarumanegarè punyè ibukota nyang namanyè Sundapura.

Padè abad ke-12, ni pelabuhan - kesohor sebagé bandar ladè nyang ramé. Kekapal bangsè asing nyang beasal dari Sengké, , Nipong, Hindi-Udik, amè Jazirè Arab banyak nyang belabu bakal bedagang barang-barang kayè porselén, kopi, sutra, kaèn, wangi-wangian, kudè, anggur, dan pewarnè atawè kelir buat dituker amè rempah-rempah nyang jadi dagangan andelan itu waktu.

Jayakartè (1527-1619)[edit]

Bangsè Portugis entu bangsè asing pertamè nyang neba naar Jakartè. Padè abad ke-16, Surawisésa, rajè Sundè mintè bantuan Portugis nyang adè di Melaka buat ngejè bèntèng di Sundè Klapè sebagé tempat belindung dari kemungkinan serangan Cirebon nyang bakal misain diri dari Keraja'an Sundè. Tapi, sebelon pembangunan itu bèntèng dimulain, Cirebon nyang dibantuin amè Demak langsung nyerang ntu pelabuhan. Orang Sundè nyebut ni peristiwè - tragèdi, bahnè, 'ntu penyerangan ngebakar kotè bandar Sundè Klapè amè katènyè ngebunuh banyak orang Sundè di sonoh temasuk syahbandar pelabuhan. Padè tanggal 22 Juni 1527, Fatahillah mendudukin bandar Sundè Klapè èn ngrobè namanye jadi Jayakartè nyang artinyè "kotè kemenangan". Itu sebab, padè taun 1956, Sudiro, Walikoteè Jakartè, netepin tanggal 22 Juni sebagé ari-jadi Kotè Jakartè. Selanjutnyè, Sunan Gunung Jati dari Kesultanan Cirebon nyerain pemerèntahan di Jayakartè amè bocaènyè nyang benamè Maulana Hasanuddin nyang jadi sultan di Kesultanan Banten.

Betawi (1619-1942)[edit]

Pèta Stad-Betawi tahun 1888

Orang Blandè dateng ke Jayakartaè sekitaran akhir abad ke-16, abis nyanggrè di Banten slamènyè taon 1596. Awal abad ke-17, Jayakartè diprèntè amè Pangeran Jayakartè, sorang krabat Kesultanan Banten. Taon 1619, Kumpeni pimpinan Jan Pieterszoon Coen mendudukin Jayakartè abis ngalahin pasukan Kesultanan Banten terus ngerobah namanyè jadi Batavia atawè Betawi. Kapan zaman penjajahan Blandè, Betawi bekembang jadi kotè nyang gedé èn penting. Buat mbangun kotè, Blandè banyak masokin budak-budak dari Bali, Sulawesi, Maluku, Sengké, amè Pesisir Malabar, Hindi. Sebagian bependapet kalo ntu orang padè nyang bakalan jadi Suku Betawi. Itu waktu, Betawi cuman seluas gutekan nyang ini waktu dikenal sebagé Kotè Tuè di Jakartè Lir. Sebelon itu bebudak dateng, sebenernyè udè adè orang Sundè nyang netep di bilangan Jayakartè misalnyè di Jatinegarè Kaum. Sedeng suku-suku pendateng, padè zamannye penjajahan Blandè, ngejè wilayè komunitètnyè dedèwèkan. Bahnènyè di Jakartè adè bebilangan bekas itu komunitèt misalnyè Pecinan, Pekojan, Kampung Melayu, Kampung Bandan, Kampung Ambon, Kampung Bali, dan Manggarai.

Jakartè (1942-sekarang)[edit]

Monumèn Nasional

Nippong punyè penjajahan dimulain taon 1942 dan nggantiin namè Betawi jadi Djakarta, tujuannyè bakal narik peratian masyarakat pas zaman Perang Duniè II. Ini kotè juge mengrupain tempat dilakoninnyè Proklamasi Kemerdékaan Indonésia padè tanggal 17 Agustus 1945 dan didudukin lagi amè Blandè ampé pengakuan kedaulatannyè slamènyè taon 1949.

Sebelon taon 1959, Djakarte entu bagian dari Provinsi Jawè Kulon. Slamènyè taon 1959, kewontenan Kotè Djakartè dirobè dari kotaprajè di bawè walikotè ditingkatin jadi Daèrè Tingkat Atu (Dati I) nyang dipimpin amè sorang gubernur atawè guwernador. Soemarmo Sosroatmodjo entu gubernur nyang pertamè. Diè entu sorang doktor soldadu. Pengangkatannyè dilakonin langsung olé Presidèn Soekarno. Slamènyè taun 1961, Djakartè dirobè agi dari Dati 1 jadi Daèrè Khusus Ibukotè (DKI), tapi gubernurnyè tetep dijabat olé Soemarmo.

Sedari dinyatain jadi ibukotè, penduduk Jakartè nglonjak pesat jadi bejibun jumlènyè, lantaran kebutuan tenagè gawé kepemerèntahan nyang tekutet di Jakartè. Dalem waktu cuman 5 taon ajè, penduduk ini kotè nambè jadi duè kali lipetnyè. Segalè rupè pemukiman kelas menengè baru mulain didiriin, misalnyè di Kebayoran Baru, Tebet, Cempaka Putih, Pulo Mas, dan Pejompongan. Pusat-pusat pemukiman jugè banyak dibangun amè kementrian-kementrian atawè lembagè-lembagè èhendoman negarè contonyè Perum Perumnas.

Pas zamannye Soekarno, Jakartè nglakonin pengeja'an gawéan gedé-gedéan, misalnyè Gelora Bung Karno, Mesjid Istiqlal, amè Monumèn Nasional. Padè ni zaman jugè Poros Médan Merdéka-Thamrin-Sudirman mulain dikembangin jadi pusat pedagangan kotè, nggantiin Poros Médan Merdéka-Senén-Salèmba-Jatinegarè. Pusat pemukiman gedé èn loyar pertamè nyang dibangun amè pengembang swastè (PT Pembangunan Jaya) namanyè Pondok Indah di akhir taon 1970-an di gutekan Kebayoran Lamè, Jakartè Udik.

Ari Sonder Gandaran Bemesin (Car Free Day) di Jakartè

Kotè Jakartè nyang mulain sumpek pernè dicobè dihandel amè Gubernur Ali Sadikin awal 1970-an dengen nyatain kalo Jakartè - kotè ketutup bakal pendateng. Itu kebijakan kagè gablek bejalan èn dilupain padè masè kepemimpinan gubernur-gubernur selanjutnyè. Ampé sekarang, Jakartè misi diadepin amè mesa'il lantaran ledakan penduduk, semacem banjir, kemiskinan, kemacètan, amè kekurangan carè-gandaran umum nyang layak.


Bulan Mèi 1998, kejadian uru-arè gedé-gedéan di Jakartè nyang nelen banyak korban jiwa wabilkhusus Sengké. Gedong MPR/DPR di Senayan didudukin amè mahasiswè pedèmonstrasi nyang mèngènin adènyè pengeja'an ulang atawè rèformasi. Akhirnyè, Presidèn Soeharto mangkat jabatan padè 21 Mei 1998.


Budayè èn Bahasè[edit]

Ondèl-ondèl, budayè Betawi nyang paling kesohor

Budayè Jakartè - budayè mestizo, nyang mengrupain campuran budayè dari beragem sukubangsè.