Wp/bci/Oméga David

Coulibaly Daouda, be flɛ i ekun kɛ Oméga Davidi, ɔ ti Côte d’Ivoire ba m’ɔ ti filmu nin srilɛ kpɛfuɛ. Be wuli i afuɛ 1959 nun, Mɛ sra'n i le 16 su Mankono lɔ. Ɔ boli i juman i dilɛ bo “Rigolos d’Abobo” nin “Faut pas fâcher” be nun. Kɛ mɔ w’a di juman afuɛ blu-nin-nun tra su ti'n, ɔ klwa yoli kpa, kɔkun ɔ yoli i dunman kpa Côte d’Ivoire lɔ teatri nun. Omega Davidi le bla nnyɔn mɔ ɔ nin be tran kɛ ɔ klua yo sa.

Sran i wun ndɛ silɛ

Coulibaly Daouda mɔ be flɛ i kɛ Omega Davidi, ɔ ti sriman kpɛfuɛ m’ɔ fin Dabakala m’ɔ o Côte d’Ivoire i nglo lɔ lika nun. Ɔ dili suklu Daloa lɔ, Lycée 3 lɔ, yɛ ɔ wluli i suklu lɔ teatri akpasua'n i nun.

Afuɛ 1980 nun, gbaflɛn kan Daouda boli suklu lɔ teatri nu juman dilɛ bo. Kɛ mɔ Adjé Daniel m’ɔ ti flimu nu sran kun , ɔ klo i kpa ti, ɔ kunndɛli kɛ ɔ su i ja nu. Afuɛ 1984 nu, ɔ ni i wiengu suklu ba be dili suklu lɔ teatri cɛn dilɛ, kɔkun ɔ ɲani sika ɔklwɛ akatua kɛ sran kpafuɛ sa. Sangɛ Omega Davidi le akundan dandan. Kɛ ɔ dili afuɛ nɲɔn, ɔ fali ajalɛ kɛ ɔ di INA (Institut national des art, sien niɛ INSAAC) i nu wlulɛ ekzamin. Ng’ɔ ti tɛ, yɛle kɛ b’a kpliman su.

Afuɛ 1985 nu, ɔ fali teatri juman difuɛ be juman, kɔkun ɔ takali teatri juman difuɛ akpasua nga be flɛ i kɛ “Experts”’. Be nga be di flimu nu juman, mɔ be flɛ be kɛ Décothey, Adama Dahico nin sran uflɛ mu, be fali be ja klikli’n be ɔli lɔ yɛ Oméga David yɛ ɔ kleli be flimun i nu nige wie mun ɔn. I sin, be fali ajalɛ kɛ be bo yo kun be fa teatri jue tofuɛ akpasua nga be flɛ i kɛ “Abidjan Rigolos” be di junman.

Afuɛ 1988 nu, kɛ be fali sran be nu kun, Omega Davidi ni i janvuɛ nga be o sran akpasua sɔ nu, be wluli srilɛ flimu nga be flɛ i kɛ "C'est la vie" mɔ Georges Taï Benson yɛ ɔ niani su, i nu. Kɛ mɔ ɔ o televiziɔn nu ti, sran ng’ɔ yi flimu, ɔ fali ajalɛ kɛ ɔ flɛ i wun kɛ Omega Davidi kɛ i jue tolɛ sa.

Afuɛ 1990 i bo bolɛ nu, sran be sieli Omega Davidi i juman si wlɛ i nzɔliɛ kpa. Be seli i kɛ ɔ yi aradio nu nige kɛ "Allocodrome", mɔ blɛ sɔ nu, Touré Abubakar yɛ ɔ nianni su, ɔ ni flimu uflɛ wie mu ekun, ɔ ni televiziɔn nu flimu nga be flɛ i kɛ "Sida dans la cité" mɔ be fa kle sran be like SIDA su. Kɛ be yi flimu sɔ, lika kun mɔ Omega Davidi ni Zumama be o nu, ɔ trali flimu i sunianfuɛ Ngoan Arnold Steve i ɲi. Wan? yɛ ɔ seli i kɛ ɔ yi flimu nga be flɛ i kɛ “Faut pas fâcher” ɔ?

Akatua

Afuɛ 2017 nun, be mɛnnin i sriman kpɛfuɛ mun be akatua'n, Abidjan Capitale de Rire nun.

Flimu nga ɔ yoli be mun

Afuɛ 1993: Nan amu fa ya .
Afuɛ 2007: Bian kun ni aniaan bla nɲɔn .
Afuɛ 2010: Mɛn dilɛ ndɛ .
Afuɛ 2017: Aradio dan kpafuɛ

I juman i ti cɛn dilɛ

Côte d'ivoire fuɛ sran dan sɔ bɔ ti filmu nin sriman kpɛfuɛ'n, ɔ fali ajalɛ kɛ ɔ di i afuɛ 30 (ablasan) nga ɔ'a dii i juman sɔ mun be nun Abobo lɔ, afuɛ 2017 nun, i Marsi sra'n nun.

Nian