Wp/bci/Marie-Louise Asseu
Marie-Louise Asseu (Mari-Luizi Asɛu), be flɛ i ekun kɛ Malou, yɛ i awuliɛ duman Cho Françoise Kouassi. Ɔ ti Côte d'Ivoire srilɛ kpɛfuɛ nin flimu yifuɛ. Ɔ ti atie aniɛn'n i wun jasin bofuɛ. Be wuli i afuɛ 1966, i novamblu i le 21 su, yɛ ɔ wuli afuɛ 2016, i desamblu i le 7 su Abidjan (Côte d’Ivoire).
Sran i wun ndɛ silɛ
[edit | edit source]Srilɛ kpɛfuɛ nin televiziɔn nun ijɔfuɛ
[edit | edit source]Mari-Luizi Asɛu yoli akpasua nga be flɛ i kɛ teatri national de Côte d’Ivoire, yɛ akpasua nga be flɛ i kɛ le Soleil de kokodi.
Ɔ ti televiziɔn nun nvle nun ndɛ mun be su flimu nga be flɛ be kɛ Faut pas fâcher (na fa ya), nin Ma famille (min awlo), be nun sran cinjin be nun kun.
Ɔ tinngɛ RTI annya nga be flɛ i kɛ “Min silɛ”.
Flimu i sisiefuɛ
[edit | edit source]'Un homme pour deux sœurs' (Bla kun nin i nian bla be su bian kungba), ti bla kun m’ɔ niɛn i awlobofuɛ be lika (i nin, i niaan bian nin i niaan bla mun) sanngɛ i fɔnlɛ yɛlɛ kɛ ɔ fɛli i nian bla kɛ ɔ tran i awlo lɔ, i wun kloli i nian sɔ'n lele, kpɛkun ɔ yrɛli i.
Be yili flimu sɔ i nglo afuɛ 2008, Fevrie i le 14 su sinema Ivoire lɔ. 'Un homme pour deux sœurs' (Bla kun nin i nian bla be su bian kungba), ti Mari-Luizi Asɛu i sriman flimu klikli niɔn.
Ndɛ fanufanun mun nin wie ndɛ
[edit | edit source]Afuɛ 2011 nun, i Fevrie i le 25 sun, be yoli Mari Luizi Asɛu i sukusuku Yopougon lɔ, Abidjan komine nun.
Afuɛ 2016 nun, desamblu i le 7 su, tukpacɛ nga be flɛ i AVC tɔli Mari Luizi Asɛu su nan wa kun i, afuɛ 2016 nun, novamblu i le 17 su, dɔɔtrɔ sua nga be flɛ i kɛ Indenié Polikliniki ng’ɔ o plato lɔ nun.
Flimu nga ɔ yoli be mun
[edit | edit source]- Afuɛ 1989 nun : Bal Poussière (aktrisi).
- Kɛ ɔ fɛ i afuɛ 1995 nun : Nan fa ya (aktrisi) .
- Afuɛ 2003-2007 nun : Mi awlobofuɛ mun (aktrisi) .
- Afuɛ 2008 nun: Bian kun ni aniaan bla nɲɔn (be su pkin ni aktrisi)
- Afuɛ 2008 nun : Janvuɛ bla be su ndɛ (be su pkinni aktrisi)
- Afuɛ 2010 nun : Sah Sandra (aktrisi)
- Afuɛ 2012 nun : Be nga be lafi man Nyanmiɛn sun