Wp/bci/Marie-Daniel Dadiet

Marie-Daniel Dadiet, be wuli i afuɛ 1952, Sɛptamblu i le 9 su Côte d’Ivoire lɔ, yɛ ɔ wuli afuɛ 2023, Ɔktɔblu i le 2 su Clichy lɔ. Kɛ ɔ fɛ i afuɛ 2004 nun lele m’ɔ́ fá jú afuɛ 2017 nun’n, ɔ ti Korhogo lɔ asɔnun kpɛnngbɛn.

I mɛn dilɛ

Afuɛ 1952, Sɛptamblu i le 9 su’n, be wuli Marie-Daniel Dadiet klɔ nga be flɛ i kɛ Bolili’n i su lɔ. Afuɛ 1979 Zuie i le 8 su’n, be sieli i Ɲanmiɛn ɲrun jranfuɛ.

Afuɛ 1998 Mɛ i le 22 su’n, Papu Zan Pɔlu II sieli i Sitipa lɔ asɔnun kpɛnngbɛn’n, ɔ nin Korhogo lɔ asɔnun kpɛnngbɛn’n i ukafuɛ. I sin’n, afuɛ 1998, Ɔktɔblu i le 11 su’n, Korhogo lɔ asɔnun kpɛnngbɛn’n, mɔ be flɛ i kɛ Ɔgusti Nobou’n, ɔ nin be nga be nin i be yoli asɔnun kpɛnngbɛn’n, mɔ be flɛ i kɛ Maurice Konan Kouassi m’ɔ ti Odienné lɔ asɔnun kpɛnngbɛn’n, ɔ nin Jean-Marie Kélétigui m’ɔ ti asɔnun kpɛnngbɛn’n, be sieli i asɔnun kpɛnngbɛn.

Papu sieli i Katiola lɔ asɔnun kpɛnngbɛn afuɛ 2002, Ɔktɔblu i le 10. I sin’n, afuɛ 2004 Mɛ i le 12 su’n, be sieli i Korhogo lɔ asɔnun kpɛnngbɛn nɲɔn su’n.

Marie-Daniel Dadiet fali tukpacɛ’n ti’n, ɔ fali Korhogo lɔ asɔnun kpɛnngbɛn’n i junman’n i dilɛ fluwa’n mannin. Papu Francis kplinnin su kɛ ɔ yaci junman’n i dilɛ ndɛndɛ Ɔktɔblu i le 12, 2017 nun.

Ɔ wuli afuɛ 2023, Ɔktɔblu i le 2 su’n, Klisi lɔ, Aflansi lɔ, i nun m’ɔ le afuɛ 71. Be sieli i afuɛ 2023, Novamblu i le 10 su’n, Korhogo lɔ Ɲanmiɛn sulɛ sua nga be flɛ i kɛ Saint Jean Baptiste’n i nun.