Wp/bci/Marcellin Yao Kouadio
Marcellin Yao Kouadio, be wuli i afuɛ 1960 Zanvie i le 10 su Vavoua lɔ, ɔ ti Côte d'Ivoire lɔ Katoliki’m be asɔnun kpɛnngbɛn, ɔ ti Daloa lɔ evɛki efa fi'n afuɛ 2018 nun’n.
Mɛn dilɛ’n
[edit | edit source]Afuɛ 1960 Zanvie i le 10 su’n, be wuli Marcellin Yao Kouadio klɔ nga be flɛ i kɛ Vavoua’n su lɔ, m’ɔ o Côte d'Ivoire i wia atɔliɛ lɔ lika’n nun lɔ’n. Ɔ ti Côte d'Ivoire lɔfuɛ. Kɛ ɔ wieli suklu di’n, ɔ ɔli Daloa klɔ’n su lɔ, i agualiɛ su’n, ɔ ɔli Collège Saint-Viateur m’ɔ o Bouaké lɔ’n i nun naan w’a suan like nɲɔn su’n.
Katoliki asɔnun tɛ yifuɛ
[edit | edit source]Marcellin Yao Kouadio dun mmua wluli Abadjin-Kouté (Abidjan) lɔ ngwlɛlɛ silɛ suklu dan’n nun, i sin’n, ɔ suannin Ɲanmiɛn sulɛ wafa’n i su like Anyama lɔ suklu dan’n nun.
Pierre-Marie Coty yɛ ɔ sieli i asɔnun kpɛnngbɛn Daloa lɔ asɔnun kpɛnngbɛn’m be lika’n nun afuɛ 1990 Desamblu i le 29 su’n niɔn. Rɔmu lɔ klɔ dan nga be flɛ i kɛ Urban Gregorian University’n, ɔ ti Katoliki’m be suklu dan kun m’ɔ suan ngaliɛ difuɛ’m be Ɲanmiɛn sulɛ wafa’n i su kpɛnngbɛn mun nin suklu ba nga be fin ngaliɛ difuɛ’m be lika’m be nun’n, be like klelɛ’n niɔn. Kɛ ɔ wieli suklu di Rɔmu lɔ’n, ɔ ɲannin Ɲanmiɛn sulɛ wafa’n i su like suanlɛ fluwa, kpɛkun ɔ ɲannin dɔɔtrɔ diplɔmu missionologie nun.
Kɛ ɔ sɛli i sin i awlo lɔ asɔnun sua’n nun lɔ Côte d’Ivoire lɔ’n, be fɛli i kɛ ɔ yo Katoliki’m be like klelɛ’n i su kpɛn Daloa lɔ asɔnun sua’n nun lɔ, yɛ ɔ yo missionologie i su like klefuɛ Daloa lɔ Saint-Pierre Provincial Seminary Majeur de Philosophie nun. Ɔ dili junman sɔ’n afuɛ nnan, ɔ boli i bo afuɛ 2002 nun lele m’ɔ́ fá jú afuɛ 2006. Blɛ sɔ’n nun’n, ɔ dili junman kɛ Dimansi cɛn’n i su kpɛn sa asɔnun sua fanunfanun nun wie, ɔ nin Klist i asɔnun sua’n.
Afuɛ 2007 nun’n, be sieli i kɛ ɔ yo Katoliki’m be suklu dilɛ’n i su kpɛn nvle’n nun, ɔ o Abadjin-Kouté suklu dan’n nun. Kpɛkun afuɛ 2008 nun’n, ɔ kacili like klefuɛ blɛ kpe kan Anyama lɔ suklu dan’n nun.
Evɛki
[edit | edit source]Afuɛ 2009 Zuie i le 1 su’n, Papu Benɛdikti XVI sieli i kɛ ɔ yo Yamoussoukro lɔ asɔnun kpɛnngbɛn, kpɛkun afuɛ 2009, Ɔktɔblu i le 22 su’n, Kardinali Bɛrnardi Agrɛ sieli i asɔnun kpɛnngbɛn. Afuɛ 2018 Avrili i le 25 su’n, Papu Fransisi fɛli i sieli Daloa lɔ asɔnun kpɛnngbɛn’m be su kpɛn ekun, ɔ fali Maurice Konan Kouassi i osu. I asɔnun kpɛnngbɛn’m be ndɛ’n yɛle “Veritas liberabit vos,” i bo’n yɛle kɛ “Nanwlɛ’n ɔ́ dé amun.”
Afuɛ 2023 Zuɛn i le 4 su’n, be fali Marcellin Yao Kouadio kɛ ɔ yo Katoliki’m be asɔnun kpɛnngbɛn’m be aɲia’n i su kpɛn, afuɛ 2023 Zuɛn i le 4 su, naan ɔ di junman sɔ’n afuɛ nsan.
I akunndan ng’ɔ bu i nvle’n su’n
[edit | edit source]Kɛ be fali i afuɛ 2023 Zuɛn i le 4 su’n, kɛ ɔ yo Côte d’Ivoire lɔ Katoliki asɔnun kpɛnngbɛn’m be aɲia’n i su kpɛn’n, aɲia dan 123 su’n i awieliɛ lɔ’n, Marcellin Yao seli kɛ Côte d’Ivoire lɔ’n, sran’m be tranwlɛ’n nin politiki’n, ɔ nin sika ndɛ’n nun’n, “be timan kun.” "sacilɛ m'ɔ truli lika kwlaa'n."
Ndɛ sɔ’m be truli ɛntɛnɛti su. Zuɛn i le 7 su’n, kɛ bé kán ndɛ klé zronalifuɛ mun’n, Amadou Coulibaly m’ɔ ti ministɛri ng’ɔ nian ndɛ kanlɛ’n su’n, m’ɔ ti Ivoiri lɔ awa’n i nuan ijɔfuɛ’n, ɔ tɛli su kɛ, ɔ fali awa’n i ndɛ’n su, ɔ seli kɛ: “[...] Min mɛn’n ti mɛn kun mɔ bakan kun kɔman kilo nnun traman su naan w’a ɔ suklu lɔ’n, ɔ seli kɛ: “Sɛ n kwla tran mɛn’n nun’n, n kwlá tranman mɛn’n nun. eti like n'ga be wunmɛn i anzɛ like kpa. Sanngɛ kɛ mɔ e nin asɔnun kpɛnngbɛn’n e oman fluwa’n i bue kun su’n ti’n, n su kanman ndɛ uflɛ traman su.
Fluwa mun
[edit | edit source]- Marcellin Yao Kouadio, L'inculturation à la lumière de l'exhortation apostolique : "Ecclesia in Africa", L'Harmattan, 2014, 272 p.