Wp/bci/Le Fils d'Agatha Moudio
|
Le Fils d'Agatha Moudio | |
|---|---|
| Nvle : | Cameroun |
| Fluwa'n i kwlɛfuɛ : | Francis Bebey |
| Afuɛ nga fluwa'n fiteli nun : | 1967 |
| Akatua | |
| Grand Prix littéraire d’Afrique noire (1968) | |
Agatha Moudio i wa’n (Le Fils d'Agatha Moudio) ti Francis Bebey i fluwa kun. Be yili fluwa sɔ’n afuɛ 1967 nun, kpɛkun afuɛ 1968 nun’n, be mɛnnin i Grand Prix littéraire d’Afrique noire (sran ble mu be fluwa klɛfuɛ mu be akatua dan).
I kpɔlɛ bolɛ
[edit | edit source]Fluwa sɔ’n kan Mbenda i wun ndɛ, ɔ ti gbanflɛn kan kun mɔ fin jue trafuɛ'm be klɔ kaan kun su. Klɔ sɔ o Wouri mɔ ti Douala mɔ ti Cameroun i sika ndɛ’n i klɔ dan’n i wun koko lɛ’n. Kɛ mɔ Mbenda nyin yi i nvle’n nunfuɛ’m be nzuɛn’n ti’n, ɔ jali talua nga kɛ si wa wu'n mɔ fa mɛnnin i'n. Sanngɛ ɔ klo bla uflɛ mɔ be flɛ i kɛ Agatha Moudio’n, ɔ ti bla kun mɔ i bɔbɔ sie i wun, yɛ ɔ kle i nun kɛ i nin’n fa dunmua kan kleli i sa. Nanwlɛ, kɛ mɔ ndɛ sɔ’n sin nin plɔtrɔ blɛ nun’n ti'n, nja Mbenda bɔ ti kplakpali blɔfuɛ koniɛn difuɛ mun, i konvi tuli aja'n. Ɔ klo klɔ su talua'm be nun klaman' mɔ be flɛ i Agatha Moudio’n i kpa, yɛ ɔ klo kɛ ɔ jɛ. Sanngɛ, Agatha lɛ man yrun klɔ’n su: afin, be wun kɛ ɔ nin blɔfuɛ mun yɛ be nanti ɔ. I kpa'n ablafuɛ'm be wan ɔ nin blɔfuɛ mun be lá. Mbenda i nin’n kunndɛ man kɛ ɔɔ ja bla tɛ, yɛ maan ɔ su i wa’n i bo kɛ ɔ ja Fanny bɔ be dunmua tuli i ase'n. Gbanflɛn’n pklinin i nin’n i ndɛ’n su, sanngɛ i Agatha i klolɛ'n wa wie man i awlɛn nun. Klolɛ dan sɔ'n ti, ɔ a jalɛ i ukali i kikli'n su. Afin bla nda jalɛ'n ti man sa tɛ be akpasua su. Sangɛ aluabuɛ dan ɔ'a tɔli i su, afin, blɛ bɔ Agatha wuli ba, ba'n yili ɔkwlɛ'n, yɛ be kwla simɛn i akploa kɛ nan ɔ nin blɔfuɛ yɛ be nzɛliɔ. ɔ trannin aluabuɛ'n dan sɔ nun, afin ba nga i ji nga ɔ klo i wuli i'n ti blɔfuɛ ba. Fluwa nun ndɛ'n wiee saalɛ ndɛ nga su, mɔ i siesielɛ'n klé sran ble mun be ngwlɛlɛ nin be nzuɛn mɔ klé be nvle'n i ngwlɛlɛ nin akunndan dan mɔ lɛ i.