Wp/bci/Ignace Bessi Dogbo
Ignace Bessi Dogbo, be wuli i afuɛ 1961, Ɔktɔblu i le 17 su Niangon Adjamé lɔ, ɔ ti Katoliki’m be kpɛnngbɛn, ɔ ti Abidjan lɔ asɔnun kpɛnngbɛn kɛ ɔ fɛ i afuɛ 2024 Mɛ i le 20 su’n.
I mɛn dilɛ
[edit | edit source]Ɲanmiɛn ɲrun jranfuɛ’m be junman’n
[edit | edit source]Afuɛ 1987, Avrili i le 2 su’n, be sieli i Ɲanmiɛn ɲrun jranfuɛ, kpɛkun ɔ dili junman Yopougon lɔ asɔnun kpɛnngbɛn’m be lika’n nun. Kɛ ɔ fɛ i afuɛ 1989 nun’n, ɔ dili suklu afuɛ nnan Rome lɔ Biblu’n i su like suanlɛ sua nga be flɛ i kɛ Institut Biblique Pontifique’n i nun, kpɛkun ɔ ɲannin fluwa kun m’ɔ kle kɛ ɔ kwla yiyi ndɛ’m be nun’n. Kɛ ɔ sɛli i sin Yopougon lɔ afuɛ 1993 nun’n, ɔ kacili Sociétés de Missions Pontifiques be su kpɛn, kpɛkun afuɛ 1995 lele m’ɔ́ fá jú 1997 nun’n, ɔ yoli diocèse’n i vikɛri général. Afuɛ 1997 nun’n, be sieli i Yopougon lɔ asɔnun sua nga be flɛ i kɛ Saint-Andre’n i nun asɔnun kpɛnngbɛn.
Kɛ ɔ́ dí junman sɔ mun’n, ɔ kleli Biblu’n nun aniɛn’m be like Abadjin Kouté (Songon) lɔ suklu dan nga be flɛ i kɛ Saint-Paul’n i nun, kpɛkun ɔ yoli Klistfuɛ gbanflɛn nin talua nga be suan like’n be Ɲanmiɛn sulɛ wafa’n i su kpɛn diocèse’n nun.
Episkɔpu
[edit | edit source]Afuɛ 2004, Marsi i le 19 su’n, Papu Jean Paul II sieli i Katiola lɔ asɔnun kpɛnngbɛn. Kɛ ɔ fɛ i afuɛ 2015, Ɔktɔblu i le 4 su lele m’ɔ́ fá jú i le 25 su’n, ɔ fali i wun wlali asɔnun kpɛnngbɛn’m be anuannzɛ’n i aɲia dan ng’ɔ ti XIV m’ɔ yoli Vatican lɔ’n i nun kɛ sran kun mɔ be fali i’n sa.
Afuɛ 2017, Ɔktɔblu i le 12 su’n, kɛ tukpacɛ’n ti’n, Marie-Daniel Dadiet tuli junman’n nun’n, be sieli i Korhogo lɔ akoto’m be su kpɛn. Kɛ ɔ fɛ i afuɛ 2017 nun lele m’ɔ́ fá jú afuɛ 2023 Zuɛn nun’n, ɔ yoli Katoliki’m be asɔnun kpɛnngbɛn’m be aɲia’n i su kpɛn Côte d’Ivoire lɔ. Afuɛ 2021 nun’n, Papu Fransisi sieli i Korhogo lɔ asɔnun kpɛnngbɛn.
Afuɛ 2024 Mɛ i le 20 su’n, be sieli i Abidjan lɔ asɔnun kpɛnngbɛn’m be su kpɛn, ɔ sinnin Kardinali Zan-Piɛri Kutwa i osu. Ɔ fali i asɔnun kpɛnngbɛn’m be junman’n Août i le 3 su’n, asɔnun sua nga be flɛ i kɛ Saint-Paul m’ɔ o Plateau, Abidjan lɔ’n i nun.
Afuɛ 2024, Ɔktɔblu i le 6 su’n, Papu François seli kɛ bé síe i kardinali konsistɔri kun nun Desamblu i le 7 su.
Afuɛ 2025, Zanvie i le 11 su’n, Papu’n fɛli i sieli i kɛ ɔ yo Ɲanmiɛn sulafilɛ’n i su like klelɛ’n i su kpɛn.