Wp/bci/Billy Billy
Billy Billy, mɔ i dunman kpa’n yɛle Yao Billy Serge, be wuli i afuɛ 1980 Avrili i le 30 su. ɔ ti Côte d'Ivoire rapɛr mɔ fin Gagnoa. Sran’m be si i kpa Afrique de l’Ouest mɛn wunmuan’n nun, ɔ fa i rap’n tike sran ble. Ɔ fa aniɛn kun mɔ sran’m be si i kpa’n, m’ɔ ti weiin’n, ɔ fa kan sran ble’m be fɔnlɛ’m be ndɛ, sanngɛ ɔ kan Côte d’Ivoire liɛ’n i ndɛ kpa.
Afuɛ 2013 nun’n, ɔ yili jue nga be flɛ i kɛ Lettre au Président m’ɔ manman Côte d’Ivoire nvle i su nian fuɛ mun, sanngɛ ɔ kannin wafa nga be fa be kwlalɛ’n be di junman tɛtɛ’n i ndɛ wie. Ɔ maan, ɔ yoli maan be nga be suan awa’n i bo’n be fali ya dan kpa, kpɛkun i sin’n, ɔ fiteli sran nga be kunndɛli kɛ bé trɛ i be sa nun. i sɔ’n ti yɛ ɔ ko fiali Aflansi lɔ afuɛ 2014 nun’n niɔn, sanngɛ w’a yaciman sran ble’m be awa’m be sacilɛ’n i su ndɛ kanlɛ nin i su ndɛ kanlɛ.
Andɛ’n, ɔ ti Côte d’Ivoire hip-hop i bo bofuɛ’m be nun kun.
Sran wun ndɛ silɛ
[edit | edit source]Afuɛ 2002 nun’n, kɛ ɔ kwlali Nescafé African Revelation miziki’m be su akplowa silɛ’n nun’n, ɔ nin sran akpasua nga be flɛ i kɛ Nasty Mafia mɔ i janvuɛ nɲɔn ekun be o nun’n, be yili i albamu klikli’n. Ɔ fali albamu sɔ’n i dunman’n kɛ Nescafé African Revelations, sanngɛ w’a yoman ye dan. I sin’n, ɔ fali i wun mantannin Production Coast to Coast i jue tofuɛ’m be anuannzɛ’n naan w’a yi albamu nga be flɛ i kɛ Nouvelles du pays’n, m’ɔ yoli sran’m be fɛ kpa’n, ɔ maan Billy Billy wluli Ivoiri lɔ jue tofuɛ kpafuɛ’m be nun. I dunman Allons à Wassakara’n, ɔ lakali sran mun mlɔnmlɔn, afin ɔ kan Ivoiri lɔ awlobo kpanngban be cɛn kwlaa nun tranlɛ’n i ndɛ.
I jue mun
[edit | edit source]- 2001 : Nescafé African revelation
- 2007 : Nouvelles du Pays
- 2009 : Réunion 2 Famille
- 2020 : patriote