Wp/bci/Bienvenu Neba
Be wuli Bienvenu Neba, mɔ be flɛ i kɛ Robert Bienvenu Neba’n, afuɛ 1945 moughou i le 20 su’n, klɔ nga be flɛ i kɛ Abidjan’n su lɔ, Côte d’Ivoire lɔ. Ɔ ti sran dan kpa Côte d’Ivoire lɔ teatri nun. Ɔ dili junman wafawafa kpanngban be nun: teatri nun akplowa sifuɛ, dictionnaire klefuɛ, fluwa klefuɛ, like klefuɛ, ɔ nin filmu su kpɛn. Ɔ ti Martin Néba m’ɔ dili sika ndɛ’n i su junman’n i wa.
I mɛn dilɛ
[edit | edit source]Bienvenu Néba dili i suklu klikli’n Dabou lɔ, i sin’n, ɔ ɔli suklu dan nga be flɛ i kɛ Collège d’Orientation du Plateau’n i nun afuɛ 1959 lele 1963 nun. I gbanflɛn nun’n, ɔ wunnin teatri’n i wlɛ suklu lɔ, ɔ maan ɔ fali ajalɛ kɛ ɔ́ fá yó i junman. Kɛ ɔ wieli suklu di’n, ɔ ɔli Abidjan lɔ suklu dan nga be flɛ i kɛ École nationale de l’art dramatique’n i nun, ɔ dili suklu lɔ afuɛ 1962 lele 1965. I sin’n, ɔ dili suklu lɔ afuɛ 1966 lele 1970 nun. Ɔ dili suklu sɔ’n lele afuɛ 1972 nun, Paris lɔ suklu dan nga be flɛ i kɛ International Théâtre’n i nun, kɛ be mɛnnin i sika’n. Asa ekun’n, ɔ ti Abidjan lɔ suklu nga be flɛ i kɛ National Théâtre’n i nun like klefuɛ. Bienvenu Néba m'ɔ ti sran ng'ɔ di junman nglo lɔ'n, ɔ dili junman kpanngban mɔ sran'm be wla su fiman su le'n, i li Monsieur Thogo Gnini de Bernard Dadié, Papa Bon Dieu de Louis Sapin, On passe dans huit jours de Sacha Guitry. Ɔ fiteli flimu kaka nu, kɛ Petanqui (1983), Ablakon (1985) ni Le Mec idéal (2011). Asa ekun’n, ɔ niannin Côte d'Ivoire lɔ teatri’n i su afuɛ 1965 lele m’ɔ́ fá jú afuɛ 1966 nun’n, kɔkun ɔ niannin be su.
Akatua mun
[edit | edit source]Afuɛ 1991 nun’n, be mɛnnin sa su ni like kun mɔ be flɛ i kɛ Officier du mérite culturel'n, yɛ afuɛ 2001 nun’n, be mɛnnin sa su ni like kun mɔ be flɛ i kɛ Commandant de l’Ordre National de Mérite.
Flimu mun
[edit | edit source]- Afuɛ 1965 nu: Le Gentleman de Cocody. Figurations intelligentes.
- Afuɛ 1965 nu : Film du Code Civil Ivoirien.
- Afuɛ 1966 nu : Films pour le département audio-visuel du Ministère de l'Éducation Nationale de Côte d'Ivoire.
- Afuɛ 1967 nu : Mouna ou le rêve d'un artiste.
- Afuɛ 1968 nu : La femme au couteau.
- Afuɛ 1973 nu : Abraham en Afrique.