Wp/bci/Barthélémy Djabla
Barthélémy Djabla be wuli afuɛ 1936 nun, ɔ wuli afuɛ 2008, Sɛptamblu i le 15 su. Ɔ ti Gagnoa lɔ Katoliki’m be asɔnun be su kpɛn, m’ɔ o Côte d’Ivoire lɔ’n, afuɛ 2006 nin 2008 be afiɛn lɔ.
Mɛn dilɛ’n
[edit | edit source]Afuɛ 1936 nun’n, be wuli Barthélémy Djabla Mahibouo lɔ, Côte d’Ivoire lɔ. Be sieli i asɔnun kpɛnngbɛn afuɛ 1964, Marsi i le 15. Ɔ kacili San-Pédro lɔ evɛki afuɛ 1990, Zanvie i le 7 su, yɛ Papu Jean Paul II yɛ ɔ sieli i ɔ. I sin’n, afuɛ 2006, Sɛptamblu i le 24 su’n, Papu Benɛdikti XVI sieli i kɛ ɔ yo Gagnoa lɔ asɔnun kpɛnngbɛn.
Barthélémy Djabla yoli Gagnoa lɔ asɔnun evɛki be kpɛn lele m’ɔ́ fá wú afuɛ nɲɔn sinnin’n, afuɛ 2008, Sɛptamblu i le 15 su’n, Abidjan lɔ, i nun m’ɔ le afuɛ 72. Be sieli i Gagnoa lɔ asɔnun sua’n nun. Be nga be sieli i osu’n, yɛle asɔnun kpɛnngbɛn Joseph Ake Yabo.