Wp/bci/Bailly Spinto

Bailly SpintoListen, be flɛ i kɛ Bailly Silvestre Gallet, be wuli i afuɛ 1951, Desamblu i le 31 su Treichville (Abidjan, Côte d’Ivoire) lɔ, ɔ ti jue tofuɛ kun m’ɔ fin Ivoiri lɔ’n.

Be bu i kɛ ɔ ti Ivoiri lɔ jue’m be su like kun.

I mɛn dilɛ’n

Bété akpasua’n nun’n, ɔ fin Gnigbawa, m’ɔ o Guiberoua lɔ’n, m’ɔ o Gôh lɔ’n, m’ɔ o Côte d’Ivoire i wia atɔliɛ lɔ lika’n nun’n.

Beili Spinto fin awlobo kun mɔ bla kpanngban be le i’n nun. I si Albɛti Galɛti mɔ be flɛ i kɛ Dɛmingogo’n, ɔ le bla nnan, ɔ le ba kpanngban.

I nun m’ɔ́ kɔ́ Katoliki suklu nga be flɛ i kɛ St. Jaki Braɔn, nin Ɔtis Rɛdingi, nin Tɔmun Jɔnun, nin Ɛltɔn Jɔnun, ɔ nin Beatlɛsi be yoli i like dan.

Miziki junman dilɛ

Bailly Spinto ti jue tofuɛ wafa kun, be flɛ i kɛ "sran ng'ɔ le nɛn sika ɔkwlɛ'n." Ɔ ti jue kun m'ɔ ti blɛblɛblɛ m'ɔ yacili i nzɔliɛ Ivoirien miziki klofuɛ'm be su afuɛ 1980 nun'n, i klɛfuɛ: "Taxi Sougnon."

I jue nga be flɛ i kɛ "Monouho" ti yɛ be si i kpa ɔ.

Afuɛ 1961 nun’n, ɔ ɲannin akatua klikli’n (blalɛ nin diski) jue tofuɛ gbanflɛn nin talua nga be di jue’n be afiɛn akplowa kun mɔ nvle’n nun aladio’n siesieli’n i nun.

Afuɛ 1968 nun’n, ɔ wluli jue tofuɛ akpasua nga be flɛ be kɛ Les Wan Plus, nin Les Fétiches, ɔ nin i agualiɛ su’n, be flɛ be kɛ New System Pop be nun, Assini lɔ klɔ nga be flɛ i kɛ Club Med’n i nun lɔ, ɔ fali jue tofuɛ’m be su kpɛn’n i junman’n. Ɔ nin sran akpasua sɔ’n yɛ ɔ ko niannin mɛn’n nun ɔn. I sin’n, sran akpasua sɔ’n bubuli nun Erɔpu lɔ.

I wafa ng’ɔ ti’n, ɔ ti sran kasiɛn ng’ɔ yili albamu’n, afin kannzɛ bɔbɔ ɔ dili junman sɔ’n afuɛ blu’n, sanngɛ be nga be yi albamu’n be buli i kɛ ɔ nin a siesiemɛn i wun. Kɛ ɔ ko yo naan i sa sin w’a bubu i’n ti’n, ɔ fali ajalɛ kɛ ɔ́ súan like titi.

Kɛ ɔ fɛ i afuɛ 1976 nun lele m'ɔ́ fá jú afuɛ 1978 nun'n, kɛ ɔ ko yo naan w'a kwla di junman kpa'n, "Le Rossignol" ɔli Paul Becher i miziki suklu'n nun Pari lɔ. Kɛ ɔ dili afuɛ kun’n, ɔ boli i ngunmin i jue tolɛ bo.

1979 nun'n, ɔ yili albamu nga be flɛ i kɛ "Taxi Sougnon," jue kun m'ɔ ti blɛblɛblɛ'n, m'ɔ yoli Ivoiri lɔ miziki klofuɛ mun nin be nga be o akpasua kaan sɔ'n nun blɛ sɔ nun'n be fɛ kpa'n. Jue sɔ’n yoli sran’m be fɛ kpa, ɔ juli Côte d’Ivoire nin Afriki lɔ jue tofuɛ’m be nun kun su. Juman sɔ’n ti’n, jue tofuɛ nin jue klɛfuɛ’n be dun mmua jue tolɛ’n nun.

Afuɛ 1979 nin 1992 be afiɛn’n nun’n, Bailly Spinto yili jue kpanngban.

Afuɛ 1992 nun’n, kɛ mɔ i junman’n yoli kpa’n ti’n, ɔ ɔli Olympie lɔ konsiɛti sua’n nun lɔ, ɔ fali stidio mɔ be fa ɔrdinatɛli’n be kɔ lika’n, m’ɔ le jue 48, ɔ nin ninnge nga be ti kpa’n be yoli konsiɛti lɔ. Ɔ ti sran klikli nga ɔ fin Afrique de l’Ouest lɔ’n, ɔ boli jue lɔ’n.

Prɛzidan Fɛlisi Ufuɛt-Boini bɔbɔ yɛ ɔ sɔli Baili Spinto nun ɔn.

Kɛ ɔ fɛ i afuɛ 1993 nun lele m’ɔ́ fá jú afuɛ 2021 nun’n, Bailly Spinto yili albamu nin jue kpanngban, kpɛkun ɔ ko niannin sran ble mɛn’n nun lɔ, nin Erɔpu lɔ, ɔ nin Amlɛnkɛn’m be mɛn’n nun lɔ.

Kɛ ɔ fɛ i lɛ’n, kɛ mɔ ɔ si jue to kpa’n ti’n, be flɛ i titi kɛ ɔ ko di jue awa’n i cɛn dilɛ’m be bo, ɔ nin aɲia dandan nga anuannzɛ mun, nin junman diwlɛ mun, nin be nga be fa ajalɛ’n, ɔ nin sran uflɛ’m be siesie’n be bo.

I jue nga be flɛ i kɛ "Taxis sougnon, Anoumé...", mɔ siɛn'n be ti jue nga be flɛ i kɛ classique'n, bé bó be aɲia kwlaa be bo karaoke nun.

2021 nu, Institut n'ga be flɛ i kɛ Arts eni Action Culturel (INSAAC) be manmannin artiste i juman afuɛ abla'nun kɔkun be siesieli foto me klelɛ kun n'ga be flɛli i kɛ "Bailly Spinto, the Timeless." République de Côte d’Ivoire lɔ minisi’m be su kpɛn’n, ɔ fali sika mannin kɛ be yo konsiɛti kun naan b’a wla Bailly Spinto i miziki bolɛ afuɛ ablanun su’n i wla.

Jue

• Taxi Sougnon
• Djamo-djamo
• Lago bobo
• N´kenakplesso
• Poignon
• G'niana
• N´telesse
• Anouhom
• Boly florence
• Blenanou
• Anjo
• Mystique
• Mama