Wp/bci/Awoulaba
Awoulaba yɛlɛ Côte d’Ivoire lɔ Akan bla klanman'n. Ɔ ti bla klanman kpa kun bɔ i ɲrun’n ti kukluku, i nyɔnflɛn’m be ti dandan, yɛ i bo sɛ’n ti dan kpa mann i afiɛ nnɛn'n bu wasu.
I wafa bɔ ti'n
[edit | edit source]Akan mun nga be o Côte d’Ivoire lɔ’n be nzuɛn’n nun, , Awoulaba mu be nyrun ti bla klanman kpa, be lɛ nyɔnflɛn, be ti dan, be lɛ bo sɛ kpa. Awoulaba kun'n i wunnɛn’n i wafa ti ngunmin. Ɔ timan kpli, sann i bo sɛ'm be yɛ be ti kpli ɔ. Sɛ e fɛ sunnsun liké e kwla sé kɛ i wafa'n ti kɛ sanngo (gitar) sa.
I su akplowa silɛ’n
[edit | edit source]Kɛ ɔ fɛ i afuɛ 1980 nun’n, be siesieli Awoulaba i su akplowa silɛ kun kɛ ɔ nin Miss Côte d’Ivoire m’ɔ le su mmla mun, mɔ be yo i sɔ mɛn wunmuan’n ngbaciɛ tran be afiɛn. Pol Dokui yɛ ɔ kpɛli nvle nun Awoulaba'n i su akplowa silɛ niɔn, ɔ yo sɔ nann ɔ fa manman bla sran'n yɛ ɔ yi Côte d'Ivoire nzuɛn’n be nglo. Awoulaba'n i su akplowa silɛ yi sran ble bla nga be ti dandan be wunnɛn'n nin be nglɔlɛ'n be nglo, be bɔbɔ be wun sran bulɛ, nin bla dan'n i manmanlɛ, ɔ nin modu (ajulisu ninnge), nin media'm (jasin bolɛ ninnge'm). Sran klanman kpa wo i dan nun wie. Be kwla nga be klo kɛ bé si i sɔ akplowa wie'n ɔ bɔ be nian be wunnɛn i lika. I sɔ bla'm nin be bɔ be wa sa bé nian'n ɔ ti bé mianwa kɛ be di akplowa silɛ sɔ'n i mmla'm be su. Awoulaba klikli’n yɛle Opportune Boua.
Be bɔ ba yo Awoulaba'n
[edit | edit source]- Afuɛ 2001 nun : Diaye Judith
- Afuɛ 2002 nun : Kouamé Adjoua Félicia
- Afuɛ 2003 nun : Dogo Gbaza Roselyne
- Afuɛ 2013 nun : Marie Flore Ozoua Ourigbalé
- Afuɛ 2014 nun : Doukouré Sagnon Millenne
- Afuɛ 2015 nun : Laeticia Ines Kouakou Oussou