Wp/bci/Attiégouakro
Attiégouakro ti Côte d’Ivoire komini kun, ɔ nin Yamoussoukro be afiɛn’n ti nun kilomɛtri blu-nin-mɔcuɛ.
I wun ndɛ
[edit | edit source]Nanan Boniki yɛ ɔ wunnin asiɛ sɔ’n i koniɛn dilɛ nun niɔn. Kɛ ɔ fɛli i lɛ’n, klɔ sɔ’n w’a trɛli ndɛndɛ, yɛ Aflansifuɛ’m be wa wunnin i, kpɛkun be fali kpɛnngbɛn Attiégoua i dunman’n be flɛli i, be fa kacili i dunman Bonikikro m’ɔ be fa flɛ i laa’n. Kɛ be sinnin’n, kpɛnngbɛn kpanngban be yoli maan komini'n i nunfuɛ’m be tranwlɛ’n yoli kpa. Attiégouakro le bakanngan'm be suklu nnun, lise kun, awa dɔɔtrɔ sua kun, zendamerie sua kun, oforɛ (nzue nin waka’m be su nianlɛ) lika kun, fie dilɛ’n i su lika kun, sua kplanlɛ nin klɔ’m be kplanlɛ’n i su lika kun, nnɛn’m be lika nianlɛ’n lika kun, dɔɔtrɔ ayre yolɛ lika kun (famasi), ɔ nin Ɲanmiɛn sulɛ lika kpanngban. Be sieli i komini afuɛ 2018'n i Mɛ sra nun, ɔ nin depaateman ɔ nin i su plefe mɔ tran Yamoussoukro lɔ’n, yɛ e wla finman kɛ ɔ ti suplefɛktir. Ɔ nin Côte d'Ivoire'n i politiki klɔ'm be bo bia'n nga be flɛ i kɛ Yamoussoukro’n be afiɛn’n ti nun kilomɛtri blu-nin- mɔcuɛ, yɛ ɔ nin Gorominankro be afiɛn’n ti nun kilomɛtri nso. Attiégouakro departeman’n i nunfuɛ’m be ti sran 28.322, be fin klɔ ablaɔn-nin-n'gwlan, i suplefɛktir lika’n ti 1.100 km2, be jrannin mmla nzɔliɛ bue 97-18 m’ɔ fin afuɛ 1997’n i Zanvie sra'n i le 15 su yɛ be kpɛliɔ. Departeman sɔ’n le komini kunngba cɛ, yɛ le suplefɛktir nɲɔn, Attiégouakro nin Lolobo. Ɔ o Yamoussoukro i distri otonomu nu (akpasua ng’ɔ sie i bɔbɔ i wun’n i nun).