Wp/bci/Arsène Usher Assouan
Arsène Usher Assouan, be wuli i afuɛ 1930 i ɔktɔblu sra i le 24 su, Grand-Lahou lɔ, yɛ ɔ wuli afuɛ 2007, Ɔktɔblu sra i le 13 su.
Sran wun ndɛ silɛ
[edit | edit source]Arsène Usher Assouan ti avoka kpa kun Abidjan lɔ jɔlɛ diwlɛ dan’n lika nun’n, ɔ ti Grand-Lahou lɔ lika’n i su afɔtuɛ manfuɛ,ɔ yoli depite Assemblée constituante kɛ ɔ fɛ i afuɛ 1958 i desamblu nun lele fa ju afuɛ 1959 i avrili nun. Afuɛ 1959 i avrili sra'n i le 27 su'n, be vote li kɛ ɔ yo Assemblée législative (m'ɔ ti Côte d'Ivoire i Assemblée nationale i dunman laa), i plézidan nnyɔn su, votu sɔ ti depite be kpalɛ kikli (1959-1960). Kɛ mɔ Félix Houphouët-Boigny sieli i nzɔliɛ’n ti’n, ɔ kacili i ukafuɛ mɔ be flɛ kɛ attaché de cabinet, nin minisri delege, kpɛkun i sin’n, ɔ yoli Aflansi lɔ awa’n i nun minisri d'Etat.
Afuɛ 1961 i marsi nun’n, Arsène Usher Assouan kacili Côte d’Ivoire i janunfuɛ ONU lɔ. Ɔ jrannin Côte d’Ivoire i ajalɛ nun Conseil de Sécurité nun kɛ ɔ fɛ i afuɛ 1964 i Zanvie sra i le 1 su lele fa juli afuɛ 1965 i Desamblu i le 31 su.
Afuɛ 1965 nun’n, ɔ wluli PDCI-RDA nun. Afuɛ 1966 nun’n, be sieli i kɛ ɔ yo ministre des Affaires étrangères Houphouët-Boigny i gouvɛrneman nnan su nun. Ɔ yoli Cöte d'Ivoire nvle i ti ndɛ kanfuɛ lele afuɛ 1977 nun, blɛ bɔ Plezidan Houphouët-Boigny káci minisri ngwlan (Arsène Usher Assouan nin Henri Konan Bédié be o nun), afin be sika dilɛ tɛ trannin guvɛrneman nun ɔ nin be wie mun bɔ be wlali adi'n ti.
Ɔ yoli Côte d’Ivoire lɔ sika gualɛ nin awlobo’m be bo suanlɛ'n i su kpɛn nnyɔn su (siɛn’n be flɛ i kɛ CNPS), ɔ yoli Cocody lɔ klɔ su mɛr afuɛ 1980 lele ɔ fa juli afuɛ 1990 nun, yɛ Grand-Lahou lɔ klɔ nniɛ kɛ ɔ fɛ i afuɛ 1990 nun lele ɔ fa juli 2007 nun. [[Category:Wp/bci/Côte d'Ivoire Yassua Politikifuɛ.
Akatua
[edit | edit source]Ɔ yoli i:
- Commandeur de l’ordre national de Côte d’Ivoire
- Grand officier de la Légion d'honneur France
- Grand-croix de la Légion d’Allemagne
- Grand-croix de la Légion du Liberia
- Grand-croix de la Légion de Tunisie
- Grand-croix de la Légion du Cameroun
- Grand-croix de la Légion de Chine
- Commandeur dans l’ordre national de la Mauritanie
- Commandeur dans l’ordre national du Tchad
- Commandeur dans l’ordre national du Gabon
- Commandeur dans l’ordre du Mérite du Congo-Brazzaville
Fluwa nga be yili’n
[edit | edit source]- L’œuvre déterminante du président Houphouet-Boigny dans la décolonisation, 1965
- Le président Houphouet-Boigny et l’unitarisme africain.
- La Côte d’Ivoire au service de l’Afrique et de la paix.
- Coup d'État à Askia.
- L'unitarisme africain du président Houphouët-Boigny, 1965.
- La République de Côte d'Ivoire au service de l'Afrique et de la paix, 1968