Wp/bci/André Latrille
André Jean Gaston Latrille, be wuli i Auch (Gers) lɔ afuɛ 1894'n i Desamblu sra'n i le 20 su, yɛ ɔ wuli Neuily-sur-Seine (Hauts-de-Seine) lɔ afuɛ 1987'n i Novamblu sra'n i le 10 su, ɔ yoli plɔtɔ blɛ nun Tchad nin Côte d’Ivoire'n be siefuɛ, yɛ ɔ ti sran m’ɔ kunndɛ kɛ ɔ jran sran sin’n.
Sran i wun ndɛ silɛ
[edit | edit source]Be wuli André Latrille Auch lɔ afuɛ 1894'n i Desamblu sra'n i le 20 su, ɔ kunnin alɛ klikli nga ɔ tɔli mɛn wunmuan nun'n wie, mɔ kɛ ɔ fin lɔ ba’n, ɔ sɛli i sin nin kannvuɛn, ɔ nin sitasiɔn nsan, ɔ nin École supérieure de commerce nin industrie diplɔmu be nyanlɛ. Kɛ ɔ fin plɔtrɔ suklu nun fiteli afuɛ 1920 nun’n, ɔ dili junman Cameroun, nin Oubangui, nin Tchad, ɔ dili junman lɔ afuɛ 1940 nun’n, ɔ yoli akpasua Fort-Archambault’n i su kpɛn. Afuɛ sɔ’n i utu nun’n, Fort-Archambault lɔ'n ɔ fali Tchad nvle'n wlɛli i France libre nun, guvɛɛnɛr Félix Éboué i siɛlɛ'n bo. Kɛ be sieli i kɛ ɔ yo Tchad lɔ guvɛɛnɛr afuɛ 1942'n i Zuie sra'n i le 30 su’n, ɔ boli i junman i bo blɛ bɔ i ɲrun mmua difuɛ Pierre-Olivier Lapie tu i wun bo nun, Desamblu sra'n nga ɔ su i su'n i le 12 su'n, Zeneral Leclerc m’ɔ ti sonja’m be su kpɛn lika sɔ’n nun’n, boli'n Fezzan i delɛ alɛ’n i bo.
Afuɛ 1943'n i Novamblu sra'n i le 5 su’n, ɔ jasoli Tchad lɔ, lɔ yɛ Jacques Rogué kacili i ɔ, ɔ ɔli Côte d’Ivoire, ɔ kali lɔ lele afuɛ 1945 nun; Kɛ Aflansi lɔ lika nga be flɛ i kɛ Afrique de l’Ouest’n, ɔ fali i wun wlali be nga be nin be o nun’n be sin’n, René Pleven m’ɔ ti Aflansi lɔ nvle’n i nunfuɛ’n, yɛ ɔ fali i junman sɔ’n su ɔ. Kɛ ɔ fɛ i afuɛ 1946 Avrili nun lele m’ɔ́ fá jú afuɛ 1947 Fevrie nun’n, ɔ dili junman sɔ’n ekun, ɔ fali Henry De Mauduit i osu. Abidjan lɔ akpɔ kun m’ɔ o Cocody klɔ’n su lɔ’n, be flɛ i kɛ akpɔ Latrille.
Kɛ ɔ fɛ i afuɛ 1950 nun’n, suklu dan fi nunman koloni’n nun. Côte d'Ivoiri lɔ suklu ba klikli nga be ɔli lycée kun nun’n, be o Aflansi lɔ, be sinnin Aventure 46 su, mɔ Félix Houphouët-Boigny boli i bo’n. Kannzɛ bɔbɔ mɛn’n i siefuɛ’m be kloman kpa’n, sanngɛ Amlɛnkɛn’m be siefuɛ André Latrille suannin ajalɛ sɔ’n i bo.
Ɔ wuli afuɛ 1987'n i Novamblu sra'n i le 10 su, nii ɔ le afuɛ 93.