Wp/bci/Alphonse Djédjé Mady

Alphonse Djédjé Mady, be wuli i afuɛ 1945 Zanvie sra'n i le 1 su Gazehio lɔ, ɔ yoli laa suklu ba mu be anuannzɛ nga be flɛ kɛ Mouvement des étudiants et élèves de Côte d'Ivoire (MEECI) i su plezidan, yɛ politiki akpasua nga be flɛ i Parti démocratique de Côte d'Ivoire – Rassemblement démocratique africain (PDCI)'n i fluwa klɛfuɛ.

Sran wun ndɛ silɛ

Alphonse Djédjé Mady ti Bété, yɛ be wuli i Gazehio lɔ, klɔ sɔ'n o Saïoua i kominin nun su lɔ’n, ɔ o Sasandra-Marahoué i distriki nun. Alphonse Djédje Mady suan dɔɔtrɔ junman.

Houphouët-Boigny i guvɛrnement kpanngban nun'n, ɔ yoli sran’m be wun ayre yolɛ’n i su minisri kɛ ɔ fɛ i afuɛ 1981 lele fa ju  1989 su.

Afuɛ 2002 nun’n, be sieli Djédjé Mady i PDCI i fluwa kwlɛfuɛ.

Afuɛ 2010 nun be sieli Alphonse Djédjé Mady kɛ ɔ yo Henri Konan Bédié, mɔ ti PDCI i candidat'n i dirɛtɛr de campagne.

Afuɛ 2013 i avrili nun’n, ɔ yoli Rassemblement des Houphouëtistes pour la Démocratie et la Paix (RHDP) i kandida kungba, ɔ man sran be vote li kɛ ɔ conseil régional du Haut-Sassandra i su plezidan.

Alphonse Djédjé Mady, PDCI suɛnnin i bo ekun, afuɛ 2018 i ɔktɔblu nun’n, reziɔn vɔtu nun yɛ ɔ nyɛnnin ekun. ɔ nyannin vote 49,3%, mɔ be vote liɔ, yɛ Matthieu Babaud Darret (RHDP), sran 34,62% be vote li i.

Afuɛ 2023 nun Alphonse Djédjé Mady yoli kandida conseil régional nga ɔ o Haut-Sassandra, septembre 2023 nun ekun. Ɔ tinngɛli PDCI nin Parti des peuples africains – Côte d'Ivoire, m’ɔ Stéphane Kipré jrɛn i ajalɛ nun lisi’n. Lisi sɔ nyannin vote 39,91%, kpɛkun Mamadou Touré i lisi nga be flɛ i kɛ RHDP’n (59,5%) yɛ ɔ kwlali i ɔ.