Wp/bci/Akoupé

Akoupé ti klɔ kun m’ɔ o Côte d’Ivoire i ngua lɔ lika'n i wia afiliɛ lɔ nun, ɔ nin Abidjan be afiɛn’n tinun kilomɛtri 142. I bobolɛ nun'n, ɔ ti suplefɛktir'n klɔ'm be bo bia'n ng’ɔ o Adzopé depaateman nun, sanngɛ kɛ ɔ fɛ i afuɛ 2007'n i Zuɛn sra nun’n, Akoupé'n kacili depaateman. Klɔ sɔ’n i wafa nga be fa si i yɛ : i nglo lɔ lika’n i tɛnndɛn nun'n ti 6.38°, i wia atɔliɛ lɔ lika’n i trɛtrɛ nun ti 3.87°.

Nvle nga be ti ɔnvuɛ Akoupé lɔ'n be yɛlɛ Attié anzɛ Akye aniɛn'n.

Be flɛ Akoupé klɔ’n kɛ Kettin annzɛ Kuettun ekun, i bo’n yɛle kɛ “alianjɛnniɛn su via” Attié aniɛn nun.