Wp/bci/Agnès Monnet
Agnès Monnet, be wuli i afuɛ 1954 nun, ɔ ti Côte d'Ivoire politikifuɛ bla, yɛ ɔ ti Côte d'Ivoire lɔ politiki akpasua (FPI) i nun katrɛn kun. Ɔ ti ministri Léon Emmanuel Monnet i yi.
Sran wun ndɛ silɛ
[edit | edit source]Agnès Monnet lɛ suklu nun diplɔmu nga be flɛ kɛ Doctorat de 3e cycle en Lettre moderne. Ɔ ti maître-assistant Félix-Boigny Inivɛsite m’ɔ o Abidjan Cocody lɔ’n nun.
Ɔ yoli Côte d'Ivoire lɔ anuannzɛ nga be flɛ i kɛ Agence pour la Coopération Francophonie (AICF) i su kpɛn – siɛn’n be flɛ i kɛ Commission Nationale pour la Francophonie – afuɛ 2003 nun lele afuɛ 2011 nun.
Politiki juman
[edit | edit source]Bla klikli nga be wluli FPI nun’n, be nun kun yɛle Agnès Monnet. Be sieli i kɛ ɔ yo FPI i nvle nun fluwa klɛfuɛ m’ɔ nian ndɛ kanlɛ ndɛ’m be su’n, i li nzra nun ninnge’m be siesielɛ’n su’n.
Ɔ ti bla klikli ng’ɔ yoli Agou lɔ klɔ’n i su kpɛn’n, afuɛ 2000 nun lele m’ɔ́ fá jú afuɛ 2013 nun’n. Be fali i ekun afuɛ 2018 nun.
Afuɛ 2014 Zuie nun’n, Agnès Monnet fali Laurent Akoun i osu’n, ɔ yoli FPI i fluwa klɛfuɛ dan, yɛ Pascal Affi N’Guessan yɛ ɔ sie i ɔ.
Ɔ yacili junman ng’ɔ di’n, m’ɔ ti Pascal Affi N’Guessan’n i FPI i nuan ijɔfuɛ’n, Marsi 2019 nun’n.