Wp/bci/Adjé Silas Metch
Adjé Silas Metch ti Côte d'Ivoire politiki yofuɛ kun. Ɔ ti dɔ nga sun Côte d'Ivoire lɔ premier minisri’n i janun sran, ɔ ti minisri ng’ɔ nian spɔri nin lika’n su’n, Beugré Mambé i guvɛneman nun.
Sran'n i wun ndɛ mun be silɛ
[edit | edit source]Adjé Silas Metch dili suklu yɛ ɔ nyanin licansi diplɔmu droit public nun Université de Cocody (laa nun kɛ be flɛ i kɛ Université Félix-Houphouët-Boigny). Ɔ yoli Dabou i député i janun jranfuɛ. Ɔ yoli kolɛzi be nun like klefuɛ’m be anuannzɛ’n (Sydes) m’ɔ be takali i afuɛ 1990 nun’n, i su kpɛn’n. Afuɛ 2019 Avrili nun’n, ɔ yoli Côte d’Ivoire i ministère des affaires étrangères i akpasua nga ɔ nian nvle su’n, anzɛ ɔ siesie sa kekleekle nga be ju mun be dirɛtɛr nnyɔn su. Afuɛ 2020, i marsi sra nun’n, ɔ yoli junman sɔ'n i mɛn nun ndɛ’m be siesielɛ'n i su dirɛtɛr. Yɛ ɔ yoli Côte d’Ivoire i ambasadɛr, République Démocratique du Congo lɔ’n. Afuɛ 2023, i Ɔktɔblu sra'n i le blu nin n'so (17) su’n, be sieli i premier minisri’n i janun jranfuɛ, ɔ ti minisri ng’ɔ nian be wun kpinngbinlɛ’n nin lika nga be tran’n be nu’n, Beugré Mambé i guvɛneman nun. Adjé Silas kacili Danho Paulin Claude m’ɔ ti be wun kpinngbinlɛ’n i su minisri laa’n.